എറണാകുളം: കോൺഗ്രസിലെ മുഖ്യമന്ത്രി വിവാദത്തിനിടെ കെ.സി. വേണുഗോപാലിന് പരോക്ഷ പിന്തുണയുമായി അജയ് തറയിൽ. എംഎൽഎ അല്ലാത്തവർക്കും മുഖ്യമന്ത്രിയാകാം. എ.കെ. ആൻ്റണി അടക്കമുള്ളവർ അങ്ങനെ മുഖ്യമന്ത്രിയായിട്ടുണ്ടെന്നും പണിയെടുക്കുന്നവർ മുഖ്യമന്ത്രിയാകട്ടെയെന്നത് തൻ്റെ അഭിപ്രായം മാത്രമെന്നും അജയ് തറയിൽ ന്യൂസ് മലയാളത്തോട് പറഞ്ഞു.
സൈബർ ലോകത്ത് നടക്കുന്ന വാക്ക് പോര് പാർട്ടിയെ ബാധിക്കില്ലെന്നും അജയ് തറയിൽ പറഞ്ഞു. നുഴഞ്ഞ് കയറിയ മറ്റ് പാർട്ടിക്കാരും ഫേക്ക് അക്കൗണ്ടുമാണ് ഇത്തരം ചർച്ചയ്ക്ക് പിന്നിലെന്നും അദ്ദേഹം കൂട്ടിച്ചേർത്തു.
അതേസമയം, മുഖ്യമന്ത്രി ചർച്ചകൾക്കിടെ കെ.സി. വേണുഗോപാലിനായി പാട്ടിറക്കി അനുകൂലികൾ. കെ.സി. വേണുഗോപാലിൻ്റെ ചിത്രങ്ങൾ ഉൾപ്പെടുത്തി റീൽ ആയാണ് പാട്ട് പുറത്തിറക്കിയിരിക്കുന്നത്. യുഡിഎഫിന് ഭരണം കിട്ടിയാൽ മുഖ്യമന്ത്രി സ്ഥാനത്തേക്ക് കെ.സി. വരും എന്ന് അഭ്യൂഹങ്ങൾ ഉണ്ടായിരുന്നു.