ശ്രീകാന്ത് ഒഡേല സംവിധാനം ചെയ്യുന്ന പുതിയ ചിത്രമായ 'പാരഡൈസി'ൽ നാച്ചുറൽ സ്റ്റാർ നാനിയുടെ സെൻസേഷണൽ ലുക്ക് 'ജഡേല'ക്ക് കിട്ടിയ ശ്രദ്ധ അടങ്ങുന്നതിന് മുൻപ്, വില്ലൻ ആയി സീനിയർ താരം മോഹൻ ബാബു വിൻറ്റെജ് ലുക്കിൽ വരുന്ന വിവരം പുറത്തു വന്നിരിക്കുകയാണ്. 'ശിക്കാഞ്ച മാലിക്' ആയി മോഹൻ ബാബു എത്തുമ്പോൾ സിനിമയുടെ താര മൂല്യവും കുതിച്ചുയർന്നു.
ഒരിടവേളക്ക് ശേഷമാണ് മോഹന്‍ബാബു സിനിമയിലേക്ക് തിരിച്ചെത്തുന്നത്. തിരിച്ചുവരവിന് ചേരുന്ന വിധം അതിശക്തനായ വില്ലൻ ആയിട്ടാണ് നടന്‍ 'പാരഡൈസ്' സിനിമയുടെ ഭാഗമാവുന്നത്. തനിക്ക് വേണ്ടി എഴുതിയ ഈ കഥാപത്രത്തിന്റെ ഫാൻ ആയി താന്‍ മാറി എന്നാണ് മോഹൻ ബാബു ഡയറക്ടർ ശ്രീകാന്ത് ഒഡെലയെ അറിയിച്ചത്.
'ശിക്കാഞ്ച മാലിക്' എന്ന പ്രതിനായകന്റെ രൂപം മോഹൻ ബാബു എന്ന സീനിയർ ആക്ടറിനോട് നീതി പുലർത്തുന്നതാണ്. ഡയലോഗ് കിംഗ് എന്ന വിളിപ്പേരിന് നീതി പുലർത്തുന്ന മാനറിസവും സ്റ്റൈലും ഉറപ്പു നൽകുന്നുണ്ട് ഈ കഥാപാത്രം. ഈ സിനിമയിലെ തന്നെ ഏറ്റവും ചർച്ച ചെയ്യപ്പെടാൻ പോവുന്ന ഒരു വേഷവും ഇതാവും.
2026 മാർച്ച് 26ന് എട്ടു ഭാഷകളിൽ ആയി ഒരു പാൻ വേൾഡ് റീലിസിന് ഒരുങ്ങുകയാണ് ചിത്രം. ഇന്ത്യൻ സിനിമയെ ലോകമെമ്പാടും ആഘോഷിക്കപ്പെടുന്ന റിലീസ് ആയിരിക്കും ഈ സിനിമ. നിർമ്മാണം : സുധാകർ ചെറുകുറി, ബാനർ : എസ്. എൽ. വി സിനിമാസ്, ഡിഒപി : സി.എച്ച്. സായ്, സംഗീതം : അനിരുദ്ധ് രവിചന്ദർ, എഡിറ്റിങ് : നവീൻ നൂലി, പ്രൊഡക്ഷൻ ഡിസൈനർ : അവിനാശ് കൊല്ല, പിആർഒ : ശബരി, മാർക്കറ്റിങ്: ഫസ്റ്റ് ഷോ.