വലിയ മുതല്‍ മുടക്കില്‍ വാംപയര്‍ ആക്ഷന് മൂവിയായി സംജാദ് സംവിധാനം ചെയ്യുന്ന 'ഹാഫ്' എന്ന ചിത്രത്തിന്റെ ഇന്‍ഡ്യന്‍ ഷെഡ്യൂള്‍ പൂര്‍ത്തിയായിരിക്കുന്നു. പ്രധാന ലൊക്കേഷനായിരുന്ന, രാജസ്ഥാനിലെ ജയ്‌സാല്‍മീറില്‍ നൂറ്റിപ്പത്തോളം ദിവസം നീണ്ടുനിന്ന മാരത്തോണ്‍ ഷെഡ്യൂള്‍ പൂര്‍ത്തിയാക്കിയതിനു ശേഷമാണ് ഇന്‍ഡ്യയിലെ അവസാന ഷെഡ്യൂള്‍. കുട്ടിക്കാനം, വണ്ടിപ്പെരിയാര്‍ ഭാഗങ്ങളിലായി ഇക്കഴിഞ്ഞ ദിവസം പൂര്‍ത്തിയാക്കിയത്.
പത്തു ദിവസത്തോളം നീണ്ടുനിന്ന ചിത്രീകരണമാണ് ഈ ലൊക്കേഷനുകളില്‍ നടന്നത്. ഇനി ശേഷിക്കുന്നത് വിദേശ രാജ്യങ്ങളിലെ ചിത്രീകരണമാണ്. പാരീസ്, റഷ്യ എന്നിവിടങ്ങളാണ് ഇതിനായി കണ്ടെത്തിയിരിക്കുന്നത്. ഡിസംബര്‍-ജനുവരി മാസങ്ങളിലാണ് ഫോറിന്‍ ഷെഡ്യൂള്‍ ചിത്രീകരിക്കുക. ചിത്രീകരണത്തിനു സുഗമമായ സമ്മര്‍ കാലാവസ്ഥയുടെ ആവശ്യകതയാണ് ഈ സമയത്ത് ചിത്രീകരണം പ്ലാന്‍ ചെയ്തിരിക്കുന്നതെന്ന് സംവിധായകന്‍ സംജാദ് വ്യക്തമാക്കി.
ഏറെ പ്രേക്ഷക പ്രശംസയും, സാമ്പത്തിക വിജയവും നേടിയ ഗോളം എന്ന ചിത്രത്തിനു ശേഷം സംജാദ് സംവിധാനം ചെയ്യുന്ന ചിത്രമെന്ന സവിശേഷതയും ഈ ചിത്രത്തിനുണ്ട്. ഫ്രാഗ്രന്റ് നേച്ചര്‍ ഫിലിംസിന്റെ ബാനറില്‍ ആന്‍, സജീവ് എന്നിവരാണ് ഈ ചിത്രം നിര്‍മിക്കുന്നത്. ഇന്‍ഡ്യക്കകത്തും പുറത്തുമുള്ള മികച്ച സാങ്കേതിക വിദ്യരുടെ സാന്നിദ്ധ്യം ഈ ചിത്രത്തെ ഏറെ ആ കര്‍ഷകമാക്കുന്നു. പൂര്‍ണ്ണമായും ഹൈ വോള്‍ട്ടേജ് മൂവിയായി അവതരിപ്പിക്കുന്ന ഈ ചിത്രം ഒരു പാന്‍ ഇന്‍ഡ്യന്‍ സിനിമയായിട്ടാണ് അവതരിപ്പിക്കുന്നത്.
അതിനനുയോജ്യമായ അഭിനേതാക്കളുടേയും അണിയറ പ്രവര്‍ത്തകരുടേയും സാന്നിദ്ധ്യവും പാന്‍ ഇന്‍ഡ്യന്‍ സിനിമയായി അവതരിപ്പിക്കവാന്‍ സഹായകരമാക്കിയിരിക്കുന്നു. മൈക്ക് , ഗോളം, ഖല്‍ബ്, യു.കെ. ഓക്കെ എന്നീ ചിത്രങ്ങളിലൂടെ ശ്രദ്ധേയനായ രഞ്ജിത്ത് സജീവ് ഈ ചിത്രത്തിലെ കേന്ദ്ര കഥാപാത്രത്തെ അവതരിപ്പിക്കുന്നു. ഐശ്വര്യാ രാജ് ( ഓഫീസര്‍ ഓണ്‍ ഡ്യൂട്ടി ഫെയിം) ആണ് നായിക.
ശ്രീകാന്ത് മുരളി, അബ്ബാസ്,റോക്കി മഹാജന്‍, ജോജി ജോണ്‍,മണികണ്ഠന്‍, സത്യജിത്ത്,ഷര്‍മ്മി രാജ്, ആഗ്‌നേഷ്, ആവണി , അഞ്ജലി നായര്‍, സന്താനം, പ്രവീണ്‍, കൃഷ്ണന്‍, നിധേഷ്, പരമേശ്, അഭിനേഷ്, സഞ്ജയ്, ഇജാസ് . കല്യാണ്‍ വീരാള, വീരന്‍, ഇദയകുമാര്‍, ദേവേന്ദ്രനാഥ്, ജയ് കുമാര്‍, എന്നിവരും പ്രധാന താരങ്ങളാണ്. മലയാള താരങ്ങ ളല്ലാത്ത മറ്റുള്ളവരെല്ലാം ഇന്ത്യയിലെ വിവിധ ഭാഷകളില്‍ നിന്നുള്ള വരാണ്.
സംജാദും പ്രവീണ്‍ വിശ്വനാഥുമാണ് ഈ ചിത്രത്തിന്റെ തിരക്കഥ രചിച്ചിരിക്കുന്നത്. ആക്ഷന് ഏറെ പ്രാധാന്യമുള്ള ഈ ചിത്രത്തിലെ ആക്ഷന് കോറിയോഗ്രാഫര്‍ പ്രശസ്തനായ ഇന്‍ഡോനേഷ്യക്കാരന്‍ വെരിട്രി യൂലിസ് മന്‍ ആണ്. റെയ്ഡ്2 ,ദിനൈറ്റ് കംസ് ഫോര്‍ അസ്(, the night comes for us ) തുടങ്ങിയ ലോകപ്രശസ്ത ചിത്രങ്ങള്‍ക്ക് ആക്ഷന് നിര്‍വ്വഹിച്ച കോറിയോഗ്രാഫറാണ് വെരിട്രി യുലിസ് മന്‍.
സംഗീതം - മിഥുന്‍ മുകുന്ദ്. ഛായാഗ്രഹണം- പാപ്പിനു. എഡിറ്റിംഗ് - മഹേഷ് ഭുവനന്ദ്, കലാസംവിധാനം- മോഹന്‍ദാസ്. കോസ്റ്റ്യും ഡിസൈന്‍-,ധന്യ ബാലകൃഷ്ണന്‍, മേക്കപ്പ്-നരസിംഹ സ്വാമി. സ്റ്റില്‍സ് - സിനറ്റ് സേവ്യര്‍. ചീഫ് അസ്സോസ്സിയേറ്റ് ഡയറക്ടര്‍ - രാജേഷ് കുമാര്‍. അസ്സോസ്സിയേറ്റ് ഡയറക്ടര്‍ - ജിബിന്‍ ജോയ്. പ്രൊഡക്ഷന്‍ മാനേജര്‍, -സജയന്‍ഉദിയന്‍ കുളങ്ങര, പ്രൊഡക്ഷന്‍ എക്‌സിക്യൂട്ടീവ് - അബിന്‍ എടവനക്കാട്, പ്രൊഡക്ഷന്‍ കണ്‍ട്രോളര്‍ - ബിനു മുരളി.