മാനസികാരോഗ്യ രംഗത്ത് പ്രവർത്തിക്കുന്ന വിദഗ്ധരുടെ രജിസ്ട്രേഷനും തൊഴിൽപരമായ അംഗീകാരവുമായി ബന്ധപ്പെട്ട് ദേശീയ തലത്തിലും സംസ്ഥാന തലത്തിലും നിർണായകമായ പ്രവർത്തനങ്ങൾ നടന്നുവരികയാണല്ലോ. ഈ മേഖലയിലുള്ള എല്ലാവരും ഒരുപോലെ ശ്രദ്ധിക്കേണ്ടതും വ്യക്തമായ ധാരണ പുലർത്തേണ്ടതുമായ ചില നിയമപരമായ മാറ്റങ്ങളാണ് ഇപ്പോൾ ഉണ്ടായിക്കൊണ്ടിരിക്കുന്നത്.
ആദ്യം നിലവിലുള്ള നിയമത്തെക്കുറിച്ച് പറയാം.
1. Mental Healthcare Act, 2017 – മാനസികാരോഗ്യ മേഖലയിലെ രജിസ്ട്രേഷൻ
Mental Healthcare Act, 2017-ലെ Section 2(r) ആണ് 'Mental Health Professional' എന്നതിന്റെ നിർവചനം നൽകുന്നത്. ഇതിൽ സൈക്യാട്രിസ്റ്റുകൾ, Section 55 പ്രകാരം ബന്ധപ്പെട്ട State Mental Health Authority-യിൽ രജിസ്റ്റർ ചെയ്തിട്ടുള്ള പ്രൊഫഷണലുകൾ, കൂടാതെ നിർദ്ദിഷ്ട യോഗ്യതകളുള്ള ചില ആയുഷ് വിഭാഗങ്ങളിലെ വിദഗ്ധർ എന്നിവരും ഉൾപ്പെടുന്നു.
ഈ നിയമപ്രകാരം ക്ലിനിക്കൽ സൈക്കോളജിസ്റ്റുകൾ (Clinical Psychologists), മെന്റൽ ഹെൽത്ത് നഴ്സുമാർ (Mental Health Nurses), സൈക്യാട്രിക് സോഷ്യൽ വർക്കർമാർ (Psychiatric Social Workers) എന്നിവരുടെ രജിസ്ട്രേഷൻ നടത്തുന്നതിനുള്ള ചുമതല ബന്ധപ്പെട്ട State Mental Health Authority-ക്കാണ്.
സൈക്യാട്രിസ്റ്റുകൾക്ക് അവരുടേതായ മെഡിക്കൽ പ്രൊഫഷണൽ രജിസ്ട്രേഷനും ബാധകമാണ്. ഈ വിഭാഗങ്ങളിൽ ഓരോന്നിനും നിയമത്തിൽ നിർവചിച്ചിട്ടുള്ള പ്രത്യേക വിദ്യാഭ്യാസ യോഗ്യതകളും പരിശീലന മാനദണ്ഡങ്ങളുമുണ്ട്.
കേരളത്തിൽ Kerala State Mental Health Authority (KSMHA) ആണ് Mental Healthcare Act, 2017-ലെ Sections 45, 46 പ്രകാരം രൂപീകരിച്ചിട്ടുള്ള സ്റ്റാറ്റ്യൂട്ടറി അതോറിറ്റി.
മാനസികാരോഗ്യ സ്ഥാപനങ്ങളുടെയും ബന്ധപ്പെട്ട പ്രൊഫഷണലുകളുടെയും രജിസ്ട്രേഷൻ, മേൽനോട്ടം, സേവന നിലവാരം ഉറപ്പാക്കൽ തുടങ്ങിയവയാണ് അതോറിറ്റിയുടെ പ്രധാന ചുമതലകൾ.
എന്നാൽ, ഈ വിഭാഗങ്ങളിൽ ഉൾപ്പെടാത്തതും ആരോഗ്യരംഗത്ത് പ്രവർത്തിക്കുന്ന മറ്റ് നിരവധി പ്രൊഫഷണലുകളുമുണ്ട്. ഇവരുടെ വിദ്യാഭ്യാസ യോഗ്യതയും തൊഴിൽപരമായ അംഗീകാരവും രജിസ്ട്രേഷനും സംബന്ധിച്ച് പ്രത്യേകം ഏകീകൃത സംവിധാനം കൊണ്ടുവരുന്നതിനുള്ള നടപടികളാണ് National Commission for Allied and Healthcare Professions (NCAHP) Act, 2021 വഴി മുന്നോട്ടുപോകുന്നത്.
2. NCAHP Act, 2021 – പുതിയ രജിസ്ട്രേഷൻ ചട്ടങ്ങൾ (2026)
NCAHP നിയമത്തിന്റെ അടിസ്ഥാനത്തിൽ, Allied and Healthcare Professionals-ന്റെ വിദ്യാഭ്യാസ നിലവാരം, തൊഴിൽപരമായ അംഗീകാരം, രജിസ്ട്രേഷൻ, പ്രൊഫഷണൽ ഉത്തരവാദിത്തം എന്നിവ ഏകീകരിക്കുന്നതിനുള്ള സംവിധാനമാണ് നിലവിൽ വരുന്നത്.ഇതിന്റെ ഭാഗമായി കേന്ദ്ര ആരോഗ്യ കുടുംബക്ഷേമ മന്ത്രാലയത്തിന് കീഴിലുള്ള National Commission for Allied and Healthcare Professions 2026 ഓഗസ്റ്റ് 31-ന് Registration of Allied and Healthcare Professionals Regulations, 2026വിജ്ഞാപനം പുറപ്പെടുവിച്ചു. സെപ്റ്റംബർ 9-ന് ഇത് ഗസറ്റിൽ പ്രസിദ്ധീകരിക്കുകയും ചെയ്തു.
ഈ ചട്ടങ്ങൾ പ്രകാരം, അംഗീകൃത Allied and Healthcare Profession-ൽ പ്രവർത്തിക്കാൻ ആഗ്രഹിക്കുന്നവർക്ക് ബന്ധപ്പെട്ട State Council-ലോ ബാധകമായ സാഹചര്യത്തിൽ Central Register-ലോ രജിസ്ട്രേഷൻ ആവശ്യമാണ്. സംസ്ഥാന രജിസ്റ്ററിലും കേന്ദ്ര രജിസ്റ്ററിലും പേര് ഉൾപ്പെടുത്തി Unique Identification Number (UID) ലഭിക്കുന്നതോടെയാണ് രജിസ്ട്രേഷൻ പൂർത്തിയാകുന്നത്.
ഇതിൽ ശ്രദ്ധിക്കേണ്ട ചില കാര്യങ്ങൾ:
• രജിസ്ട്രേഷൻ നിർബന്ധം: നിയമപ്രകാരം അംഗീകരിച്ചിട്ടുള്ള പ്രൊഫഷണൽ വിഭാഗങ്ങളിൽ പ്രവർത്തിക്കുന്നവർക്ക് നിശ്ചിത വ്യവസ്ഥകൾ പാലിച്ച് രജിസ്ട്രേഷൻ നേടേണ്ടതുണ്ട്. എന്നാൽ എല്ലാ ആരോഗ്യപ്രവർത്തകർക്കും ഒരേ NCAHP രജിസ്ട്രേഷൻ ബാധകമാണെന്ന് ഇതിന് അർത്ഥമില്ല.
• യോഗ്യതാ മാനദണ്ഡങ്ങൾ: 2026-ലെ Regulations-ന്റെ Schedule I-ൽ ഉൾപ്പെടുത്തിയിട്ടുള്ള അംഗീകൃത പ്രാഥമിക വിദ്യാഭ്യാസ യോഗ്യതയും അംഗീകൃത സ്ഥാപനത്തിൽ നിന്നുള്ള പഠനവുമാണ് രജിസ്ട്രേഷന്റെ പ്രധാന അടിസ്ഥാനങ്ങൾ. സമാനമായ പേരിലുള്ള കോഴ്സുകളോ സ്വകാര്യ സ്ഥാപനങ്ങളിൽ നിന്നുള്ള സർട്ടിഫിക്കറ്റുകളോ മാത്രം രജിസ്ട്രേഷന് മതിയാകില്ല.
• രജിസ്ട്രേഷന്റെ കാലാവധി: രജിസ്ട്രേഷന് അഞ്ച് വർഷമാണ് കാലാവധി. പുതുക്കുന്നതിന് മുൻപ് നിശ്ചിത Continuing Professional Development (CPD) പരിശീലനം പൂർത്തിയാക്കേണ്ടതുണ്ട്. നിലവിലെ ചട്ടപ്രകാരം പ്രതിവർഷം കുറഞ്ഞത് 15 മണിക്കൂറും അഞ്ച് വർഷത്തിനുള്ളിൽ ആകെ 75 മണിക്കൂറും CPD ആവശ്യമാണ്.
• താൽക്കാലിക രജിസ്ട്രേഷൻ: നിയമം നിലവിൽ വരുന്നതിന് മുമ്പ് മുതൽ അംഗീകൃത പ്രൊഫഷണൽ വിഭാഗങ്ങളിൽ പ്രവർത്തിച്ചിരുന്നെങ്കിലും നിലവിലെ അംഗീകൃത യോഗ്യതാ മാനദണ്ഡങ്ങൾ പാലിക്കാത്ത ചില പ്രൊഫഷണലുകൾക്കായി Section 38 പ്രകാരമുള്ള Provisional Registration സംവിധാനവും വ്യവസ്ഥ ചെയ്തിട്ടുണ്ട്.
ഇതുമായി ബന്ധപ്പെട്ട് 2026 നവംബർ 3-ന് Draft Provisional Registration Regulations, 2026 പ്രസിദ്ധീകരിച്ച് പൊതുജനങ്ങളുടെയും വിദഗ്ധരുടെയും അഭിപ്രായങ്ങൾ ക്ഷണിച്ചിട്ടുണ്ട്. 2026 ഡിസംബർ 4 വരെയാണ് അഭിപ്രായങ്ങളും നിർദേശങ്ങളും സമർപ്പിക്കാനുള്ള സമയം. ഇത് അന്തിമമായി വിജ്ഞാപനം ചെയ്ത ചട്ടമല്ല, നിലവിൽ ഒരു കരട് നിർദേശമാണെന്ന കാര്യവും ശ്രദ്ധിക്കണം.
3. കേരളത്തിലെ രജിസ്ട്രേഷൻ സംവിധാനം
NCAHP Act, 2021-ലെ Section 22 പ്രകാരം കേരളത്തിൽ Kerala State Allied and Healthcare Council (KESAHC)രൂപീകരിച്ചിട്ടുണ്ട്. 2022 സെപ്റ്റംബറിലാണ് കൗൺസിൽ രൂപീകരിച്ചത്.എന്നാൽ, കൗൺസിലിന്റെ ഔദ്യോഗിക വെബ്സൈറ്റിൽ പ്രസിദ്ധീകരിച്ചിട്ടുള്ള ഏറ്റവും പുതിയ FAQ പ്രകാരം, പ്രൊഫഷണലുകളുടെ രജിസ്ട്രേഷനും വിദ്യാഭ്യാസ സ്ഥാപനങ്ങളുടെ പരിശോധനയും അംഗീകാര നടപടികളും ഇതുവരെ ആരംഭിച്ചിട്ടില്ല. നടപടികൾ ആരംഭിക്കുന്നതുമായി ബന്ധപ്പെട്ട ഔദ്യോഗിക അറിയിപ്പുകൾ കൗൺസിലിന്റെ വെബ്സൈറ്റിൽ പ്രസിദ്ധീകരിക്കുന്നതാണ്.
അതുകൊണ്ട് കേരളത്തിലെ പ്രൊഫഷണലുകൾ രജിസ്ട്രേഷൻ ആരംഭിച്ചുവെന്നോ ഇപ്പോൾ തന്നെ പോർട്ടലിൽ യോഗ്യതാ സർട്ടിഫിക്കറ്റുകൾ അപ്ലോഡ് ചെയ്യണമെന്നോ ഉള്ള സ്ഥിരീകരിക്കാത്ത വിവരങ്ങൾ വിശ്വസിക്കേണ്ടതില്ല.
4. NCAHP നിയമത്തിന്റെ പരിധിയിൽ വരുന്ന പ്രധാന പ്രൊഫഷണൽ വിഭാഗങ്ങൾNCAHP നിയമത്തിന്റെ അടിസ്ഥാനത്തിൽ 10 പ്രധാന വിഭാഗങ്ങളിലായി വിവിധ Allied and Healthcare Professions ഉൾപ്പെടുത്തിയിട്ടുണ്ട്. KESAHC-യുടെ ഔദ്യോഗിക വെബ്സൈറ്റ് 57 പ്രൊഫഷനുകളെയാണ് പരാമർശിക്കുന്നത്. അവയിൽ പ്രധാന വിഭാഗങ്ങൾ താഴെ പറയുന്നവയാണ്:
1. Medical Laboratory and Life Sciences2. Trauma, Burn Care and Surgical/Anesthesia Related Technology3. Physiotherapy Professional4. Nutrition Science Professional5. Ophthalmic Sciences Professional6. Occupational Therapy Professional7. Community Care, Behavioural Health Sciences and Other Professionals8. Medical Radiology, Imaging and Therapeutic Technology9. Medical Technologists and Physician Associate10. Health Information Management and Health Informatics Professional
ഇതിൽ നമ്മുടെ മേഖലയുമായി ബന്ധപ്പെട്ട് പ്രത്യേകം ശ്രദ്ധിക്കേണ്ടത് ഏഴാമത്തെ വിഭാഗമാണ് – Community Care, Behavioural Health Sciences and Other Professionals.
ഈ വിഭാഗത്തിൽ Psychologists (RCI-യുടെ നിയന്ത്രണപരിധിയിൽ വരുന്ന Clinical Psychologists ഒഴികെ), Behavioural Analysts, Integrated Behavioural Health Counsellors, Mental Health Support Workers, Social Workers തുടങ്ങിയ പ്രൊഫഷണൽ വിഭാഗങ്ങൾ ഉൾപ്പെടുന്നു. എന്നാൽ ഓരോ വിഭാഗത്തിനും ബാധകമായ അംഗീകൃത യോഗ്യതകളും വിദ്യാഭ്യാസ സ്ഥാപനങ്ങളും Schedule I അനുസരിച്ച് പരിശോധിക്കേണ്ടതാണ്.
5. പ്രൊഫഷണലുകൾ ശ്രദ്ധിക്കേണ്ട ചില കാര്യങ്ങൾ
ഈ പുതിയ നിയമപരമായ മാറ്റങ്ങൾ നമ്മുടെ ആരോഗ്യ-മാനസികാരോഗ്യ മേഖലയിൽ പ്രവർത്തിക്കുന്ന എല്ലാവരും ഗൗരവമായി മനസ്സിലാക്കേണ്ടതാണ്.
• നമ്മുടെ വിദ്യാഭ്യാസ യോഗ്യത NCAHP-യുടെ അംഗീകൃത പ്രൊഫഷണൽ വിഭാഗങ്ങളിൽ ഉൾപ്പെട്ടിട്ടുണ്ടോ എന്ന് പരിശോധിക്കുക.
• പഠിച്ച സ്ഥാപനവും കോഴ്സും Schedule I-ൽ നിർദേശിച്ചിട്ടുള്ള മാനദണ്ഡങ്ങൾ പാലിക്കുന്നുണ്ടോ എന്ന് ഉറപ്പാക്കുക.
• നിലവിലുള്ള മറ്റ് നിയമപരമായ രജിസ്ട്രേഷനുകളും അംഗീകാരങ്ങളും തുടർന്നും പാലിക്കുക. NCAHP രജിസ്ട്രേഷൻ മറ്റൊരു നിയമപ്രകാരമുള്ള രജിസ്ട്രേഷനെ സ്വമേധയാ പകരം വയ്ക്കുന്നതല്ല.
• KSMHA, KESAHC, NCAHP, RCI തുടങ്ങിയ ഔദ്യോഗിക സ്ഥാപനങ്ങളിൽ നിന്നുള്ള അറിയിപ്പുകൾ കൃത്യമായി പിന്തുടരുക.
• നിലവിൽ രജിസ്ട്രേഷൻ ആരംഭിക്കാത്ത സാഹചര്യത്തിൽ അനധികൃത ഏജൻസികൾക്കോ വ്യക്തികൾക്കോ പണം നൽകുകയോ സ്ഥിരീകരിക്കാത്ത പോർട്ടലുകളിൽ വ്യക്തിഗത വിവരങ്ങളും സർട്ടിഫിക്കറ്റുകളും അപ്ലോഡ് ചെയ്യുകയോ ചെയ്യരുത്.
ഏറ്റവും പ്രധാനമായി, അംഗീകൃത യോഗ്യതയുള്ള പ്രൊഫഷണലുകളെക്കുറിച്ച് തെറ്റായ വിവരങ്ങൾ പ്രചരിപ്പിക്കുന്നതും അവരുടെ യോഗ്യതകളെ അപകീർത്തിപ്പെടുത്തുന്നതുമായ പ്രവണതകൾ ഒഴിവാക്കേണ്ടതുണ്ട്. അതേസമയം, ഓരോരുത്തരും തങ്ങളുടെ യോഗ്യതകളും തൊഴിൽപരമായ അംഗീകാരവും സംബന്ധിച്ച കാര്യങ്ങൾ ഉത്തരവാദിത്തത്തോടെ പരിശോധിക്കുകയും വേണം.
ആരോഗ്യരംഗത്ത് പ്രവർത്തിക്കുന്നവരുടെ പ്രൊഫഷണൽ അംഗീകാരവും ഉത്തരവാദിത്തവും ഉറപ്പാക്കുന്നതിനൊപ്പം പൊതുജനങ്ങൾക്ക് ഗുണനിലവാരമുള്ള സേവനങ്ങൾ ലഭ്യമാക്കുന്നതിനും ഇത്തരം നിയന്ത്രണങ്ങൾ സഹായിക്കുമെന്നാണ് പ്രതീക്ഷിക്കുന്നത്.
ഈ വിഷയത്തിൽ കൂടുതൽ അറിവും ഔദ്യോഗിക വിവരങ്ങളും കൈവശമുള്ളവർക്ക് കമന്റുകളിലൂടെ പങ്കുവെക്കനാമെന്ന് അഭ്യർത്ഥിക്കുന്നു. എല്ലാവർക്കും പ്രയോജനപ്പെടുന്ന ഒരു അറിവുപങ്കിടലായി ഈ ചർച്ച മാറട്ടെ.