പാലക്കാട് ഒറ്റപ്പാലം എൻഎസ്എസ് കോളേജിൽ എസ്എഫ്ഐ പ്രവർത്തകനെ മർദിച്ച കേസില്‍ യൂണിയൻ ഭാരവാഹി ഉള്‍പ്പെടെ നാല് കെ എസ് യു നേതാക്കൾ അറസ്റ്റിൽ. സൂരജ്, റഹൂഫ്, അഭിനേഷ്, ദർശൻ എന്നിവരാണ് അറസ്റ്റിലായത്. കോളേജിലെ രണ്ടാം വർഷ ഹിസ്റ്ററി വിദ്യാർഥി കാർത്തിക്കിനെയാണ് പ്രതികൾ മർദിച്ചത്.
കഴുത്തിൽ കേബിൾ വയർ ഉപയോഗിച്ച് കൊലപ്പെടുത്താൻ ശ്രമിച്ചതായാണ് പരാതിയിൽ പറയുന്നത്. ഇൻസ്റ്റഗ്രാം പോസ്റ്റിനടിയിൽ കമന്റ് ഇട്ടതിനെച്ചൊല്ലിയുള്ള തർക്കമാണ് സംഘർഷത്തിൽ കലാശിച്ചത്.