വടക്കാഞ്ചേരി ലൈഫ് മിഷൻ കേസിൽ കുറ്റപത്രം സമർപ്പിച്ച് സിബിഐ. സ്വപ്ന സുരേഷും ലൈഫ് മിഷനും അടക്കം ആറു പ്രതികൾ. യൂണിടാക് ബിൽഡേസ് ഉടമ സന്തോഷ് ഈപ്പൻ ഒന്നാം പ്രതി. എം. ശിവശങ്കർ ആദ്യ കുറ്റപത്രത്തിൽ ഉൾപ്പെട്ടിട്ടില്ല.. അന്വേഷണം തുടരുന്നുവെന്ന് സിബിഐ.
ഡല്ഹിയില് വിദ്യാർഥികൾക്കു നേരെയുണ്ടായ പൊലീസ് നടപടിയിൽ കേന്ദ്ര ആഭ്യന്തരമന്ത്രി അമിത് ഷാ പ്രസ്താവന നടത്തണമെന്ന് ആവശ്യപ്പെട്ടുള്ള പ്രതിപക്ഷ പ്രതിഷേധത്തിൽ പാർലമെന്റ് ഇന്ന് പ്രക്ഷുബ്ധമായേക്കും. വെടിവയ്ക്കാൻ നിർദേശം നൽകിയത് അമിത് ഷാ ആണെന്നും മന്ത്രി സ്ഥാനം രാജിവയ്ക്കും വരെ പ്രതിഷേധം തുടരുമെന്നും പ്രതിപക്ഷ നേതാവ് രാഹുൽ ഗാന്ധി വ്യക്തമാക്കിയിട്ടുണ്ട്. അയോധ്യ സംഭാവന കൊള്ള ഇരു സഭയിലും ഉന്നയിക്കാൻ സമാജ് വാദി പാർട്ടിയും തീരുമാനിച്ചിട്ടുണ്ട്. പാർലമെന്റിലെ ഇന്നത്തെ പ്രതിപക്ഷ നിലപാട് തീരുമാനിക്കാൻ രാവിലെ ഇന്ത്യ സഖ്യ നേതാക്കളുടെ യോഗം വിളിച്ചിരിക്കുകയാണ് കോൺഗ്രസ് അധ്യക്ഷൻ മല്ലികാർജുൻ ഖാർഗെ. എകെജി ഭവനിൽ കയറി എസ്എഫ്ഐ നേതാവ് ഐഷി ഘോഷിനെ അറസ്റ്റ് ചെയ്യാൻ ശ്രമിച്ച ഡൽഹി പൊലീസ് നടപടിയും പ്രതിപക്ഷം സഭയിൽ ഉന്നയിക്കും. അതേസമയം, സുപ്രീംകോടതി ജഡ്ജിമാരുടെ എണ്ണം കൂട്ടാനുള്ള ബിൽ ലോക്സഭയുടെ അജണ്ടയിൽ ഉൾപ്പെടുത്തിയിട്ടുണ്ട് . സഭ സമ്മേളനത്തിന്റെ ആദ്യ ദിനം ബിൽ ലോക്സഭയിൽ അവതരിപ്പിച്ചിരുന്നു.
ജന്തർ മന്തർ പ്രതിഷേധത്തിന് പിന്തുണ നൽകി കേരളത്തിൽ നടന്ന പ്രതിഷേധങ്ങൾക്കെതിരായ നിയമനടപടി അവസാനിപ്പിക്കണമെന്ന് ഐഷി ഘോഷ്. പ്രതിപക്ഷ പാർട്ടികളുടെ നേതൃത്വത്തിലുള്ള സർക്കാർ നിയമനടപടി തുടരുന്നത് അംഗീകരിക്കാനാകില്ല. എസ്എഫ്ഐക്കും, വേടനും മറ്റു സംഘടനകൾക്കുമെതിരെ നൽകിയ നോട്ടീസുകൾ പിൻവലിക്കണം. വിഷയം രാഹുൽ ഗാന്ധിയുടെ ശ്രദ്ധയിൽപ്പെടുത്തുമെന്നും, ഒറ്റക്കെട്ടായി മുന്നോട്ട് പോകുമെന്നും ഐഷി ഘോഷ് ന്യൂസ് മലയാളത്തോട് പറഞ്ഞു.