ആരെതിർത്താലും ശരീഅത്ത് നിയമങ്ങൾ പറഞ്ഞുകൊണ്ടേ ഇരിക്കും: നിലപാടിൽ മാറ്റമില്ലാതെ കാന്തപുരം

സംസ്ഥാന സർക്കാർ വാടകയ്ക്കെടുത്ത ഹെലികോപ്റ്ററിൻ്റെ കരാർ വിവരങ്ങൾ നൽകാനാവില്ലെന്ന് ആഭ്യന്തര വകുപ്പ്. കരാർ കമ്പനിയെ കുറിച്ചോ, വാടകയെക്കുറിച്ചോ, ഹെലികോപ്റ്റർ ഇതുവരെ എത്ര മണിക്കൂർ സർവീസ് നടത്തിയെന്ന ചോദ്യത്തിനോ മറുപടിയില്ല. അവയവദാനങ്ങൾക്കായി എത്ര തവണ ഹെലികോപ്റ്റർ ഉപയോഗിച്ചെന്നതും വിവരാവകാശ നിയമപ്രകാരം ആവശ്യപ്പെട്ടിട്ടും നിഷേധിച്ചു. വിവരങ്ങൾ രഹസ്യാത്മകമെന്ന് ചൂണ്ടിക്കാട്ടിയ ആഭ്യന്തര വകുപ്പ് മറുപടി നൽകിയത് ആകെ നൽകിയ പണത്തിന്റെ കണക്ക് മാത്രമാണ്. ഇതുവരെ സർക്കാർ കരാർ കമ്പനിക്ക് നൽകിയത് 47 കോടിയിലേറെ രൂപയാണ്. രണ്ടരക്കോടിയിലേറെ രൂപ നൽകാൻ ബാക്കിയുണ്ട്.

കൊച്ചിയില്‍ വാഴക്കുളം സ്വദേശിനിയുടെ മോര്‍ഫ് ചെയ്ത ചിത്രങ്ങള്‍ ടെലഗ്രാം ഗ്രൂപ്പുകളില്‍ പ്രചരിപ്പിച്ചതായാണ് പരാതി. ഇൻസ്റ്റഗ്രാമിൽ പങ്കുവച്ച ചിത്രങ്ങളും, ബന്ധുവിന്റെ കയ്യിലുള്ള ചിത്രങ്ങളുമാണ് ഇത്തരത്തില്‍ പ്രചരിച്ചത്. യുവതിയുടെ പരാതിയില്‍ കടവന്ത്ര പൊലീസ് കേസെടുത്തു. യുവതിയുടെ ബന്ധുവിനെ പൊലീസ് ഉടൻ ചോദ്യം ചെയ്യും.

മലപ്പുറത്ത് കോളേജ് വിദ്യാർഥിനികളുടെ ചിത്രങ്ങളാണ് വ്യാപകമായി മോർഫ് ചെയ്ത് പ്രചരിപ്പിക്കുന്നതായി പരാതി. ജില്ലയിലെ പന്ത്രണ്ടോളം കോളേജുകളിലെ പെൺകുട്ടികളുടെ ചിത്രം മോർഫ് ചെയ്തതായാണ് പരാതി. ​ഇൻസ്റ്റഗ്രാമിൽ നിന്നുള്ള ചിത്രങ്ങൾ വ്യാജ അക്കൗണ്ടുകളിലൂടെയും പണം ഈടാക്കി ടെലഗ്രാം വഴിയുമാണ് പ്രചരിപ്പിക്കുന്നത്. അക്കൗണ്ടുകൾ പൂട്ടിച്ചാലും പുതിയവ വരുന്നു. ​ചിത്രങ്ങൾ പ്രചരിപ്പിക്കുന്നതിനു പിന്നിൽ വൻ സാമ്പത്തിക ഇടപാടുകളെന്നാണ് സംശയം. എംഎസ്എഫ് ജില്ലാ പോലീസ് മേധാവിക്ക് പരാതി നൽകി.

കോട്ടയം ഏറ്റുമാനൂരിൽ സഹപാഠികളുടെ ചിത്രമാണ് വിദ്യാര്‍ഥി മോർഫ് ചെയ്തത്. സംഭവത്തില്‍ മംഗളം കോളജിലെ ബി-ടെക് വിദ്യാർഥി അജ്മല്‍ പിടിയിലായി. അജ്മലിന്റെ ഫോണിൽ മറ്റ് വിദ്യാർഥികൾ ചിത്രം കണ്ടതോടയൊണ് പൊലീസ് പിടിയിലായത്. ചിത്രങ്ങൾ മറ്റാർക്കും അയച്ചിട്ടില്ലെന്ന് പൊലീസ് കണ്ടെത്തി.

ഇന്ത്യ-ചൈന സൈനികതല ചർച്ച ഉടനുണ്ടാകുമെന്ന് റിപ്പോര്‍ട്ടുകള്‍. അരുണാചൽ പ്രദേശിലെ ടാക്‌സിങ് മേഖലയിൽ സംഘർഷ സാധ്യത നിലനിൽക്കുന്നതിനിടെയാണ് കോർപ്സ് കമാൻഡർ തലത്തിൽ ചർച്ച നടക്കുന്നത്. ദേശീയ സുരക്ഷാ ഉപദേഷ്ടാവ് അജിത് ഡോവൽ ചൈനീസ് വിദേശകാര്യമന്ത്രി വാങ് യി യുമായി കൂടിക്കാഴ്ച നടത്തിയതിന് പിന്നാലെയാണ് സൈനികതല ചർച്ചയ്ക്ക് വഴി ഒരുങ്ങുന്നത്.

വിദ്യാർഥികൾക്കിടയിൽ സൈബർ കുറ്റകൃത്യങ്ങൾ വർധിക്കുന്നത് വലിയ പ്രതിസന്ധി സൃഷ്ടിക്കുന്നുണ്ടെന്ന് ആഭ്യന്തര മന്ത്രി രമേശ് ചെന്നിത്തല. ഇതുമായി ബന്ധപ്പെട്ട ആഭ്യന്തര വകുപ്പ് പ്രത്യേക പദ്ധതി തയ്യാറാക്കുന്നുണ്ടെന്നും ചെന്നിത്തല വ്യക്തമാക്കി.

അധ്യാപക ദിനത്തിൽ വിദ്യാര്‍ഥികളായി മുഖ്യമന്ത്രി വി.ഡി. സതീശനും മന്ത്രിമാരും. കോഴിക്കോട് ഐഐടിയിലാണ് മന്ത്രിസഭാ അംഗങ്ങൾ ഒന്നടങ്കം വിദ്യാർഥികളായത്. റീ ഇമാജിനിങ് കേരളം എന്ന വിഷയത്തിൽ അന്താരാഷ്ട്ര തലത്തിൽ വിവിധ മേഖലകളിൽ പ്രഗത്ഭരായവർ ക്ലാസ് നയിച്ചു. രണ്ടു ദിവസം നീളുന്ന പരിപാടി അധ്യാപകദിനത്തോടനുബന്ധിച്ചാണ് സംഘടിപ്പിച്ചത്. അധ്യാപകദിനത്തിൽ വീണ്ടും വിദ്യാർഥിയായി മാറാൻ കഴിഞ്ഞതിൽ സന്തോഷവും അഭിമാനവുമുണ്ടെന്ന് മുഖ്യമന്ത്രി ഫേസ്ബുക്ക് വീഡിയോയില്‍ പറഞ്ഞു.

എറണാകുളം പള്ളുരുത്തിയിൽ വീടിന്റെ മുറ്റത്തേക്ക് സെപ്റ്റിക് ടാങ്ക് മാലിന്യം തള്ളിയതായി പരാതി. 40 അടി റോഡിന് സമീപം താമസിക്കുന്ന ടി.എൻ. വേണുഗോപാലന്റെ വീടിന്റെ മതിൽക്കെട്ടിനകത്തേക്കാണ് മാലിന്യം തള്ളിയത്. വ്യാഴാഴ്ച പുലർച്ചെയായിരുന്നു സംഭവം. കുടിവെളള ടാങ്കിനോട് ചേർന്നാണ് മാലിന്യം തള്ളിയത്.

ഡല്‍ഹിയിലെ പ്രതിഷേധത്തിനിടെ സിജെപി പ്രവര്‍ത്തകയുടെ പിതാവിന്റെ തല തല്ലിപ്പൊട്ടിച്ചെന്ന് വെളിപ്പെടുത്തിയ സ്വതന്ത്ര ഭരദ്വാജിനെതിരെ പരാതിയുമായി കേന്ദ്രമന്ത്രി ചിരാഗ് പാസ്വാൻ. തന്റെ പേര് ദുരുപയോഗം ചെയ്തെന്നാണ് പരാതി. സ്വതന്ത്ര ഭരദ്വാജുമായി തനിക്കോ പാർട്ടിക്കോ ബന്ധമില്ലെന്നും ചിരാഗ് പാസ്വാൻ വ്യക്തമാക്കി. സ്വതന്ത്ര ഭരദ്വാജ് പോഡ്കാസ്റ്റിൽ പേര് വെളിപ്പെടുത്തിയതിനെ തുടര്‍ന്നാണ് ചിരാഗ് പാസ്വാന്റെ നടപടി. സിജെപി പ്രവര്‍ത്തകയുടെ പിതാവിന്റെ തല തല്ലിപ്പൊട്ടിച്ചെന്ന കേസില്‍ സ്വതന്ത്ര ഭരദ്വാജിനെ പൊലീസ് അറസ്റ്റ് ചെയ്തിരുന്നു.

എറണാകുളം അങ്കമാലിയിൽ കാറിൽ കടത്തുകയായിരുന്ന 12 കി.ഗ്രാം കഞ്ചാവുമായി രണ്ടു യുവാക്കൾ പിടിയിൽ. ആലപ്പുഴ പറവൂർ സ്വദേശികളായ പ്രവീൺ ദാസ്, ചാൾസ് ഡെന്നിസ് എന്നിവരെയാണ് റൂറൽ ജില്ലാ ഡാൻസാഫ് സംഘം പിടികൂടിയത്. അങ്കമാലി അങ്ങാടിക്കടവ് സിഗ്നൽ ജംഗ്ഷനു സമീപമായിരുന്നു സംഭവം. രഹസ്യ വിവരത്തിന്റെ അടിസ്ഥാനത്തിലായിരുന്നു പരിശോധന.

മുൻമന്ത്രിയും ഡിഎംകെ നേതാവുമായ കെ.എൻ. നെഹ്രുവിന്റെ വസതിയിൽ വിജിലൻസ് റെയ്ഡ്. തിരുച്ചിറപ്പള്ളിയിലെ വസതിയിലും ചെന്നൈ, കോയമ്പത്തൂർ ഉൾപ്പെടെ പത്തിലധികം സ്ഥലങ്ങളിലുമായാണ് റെയ്ഡ്. മുൻസിപ്പൽ നിയമന ക്രമക്കേട്, കരാറുകൾ അനുവദിച്ചതിലെ അഴിമതി എന്നിവയുമായി ബന്ധപ്പെട്ട പരാതിയിലാണ് റെയ്ഡ്.

ശ്വേതാമേനോൻ ഭരണ സമിതി രാജി വച്ചതിനെ തുടർന്ന് പ്രതിസന്ധിയിലായ അമ്മ സംഘടനയിൽ തെരഞ്ഞെടുപ്പ് നടത്താൻ രജിസ്ട്രാർ ഇടപെടുന്നു. അൻസിബ ഹസൻ, മാല പാർവതി, പൊന്നമ്മ ബാബു, ഉഷ ഹസീന എന്നിവർ നൽകിയ പരാതിയിലാണ് നടപടി. കഴിഞ്ഞ ദിവസം പരാതിക്കാരെ നേരിട്ട് കേട്ട രജിസ്ട്രാർ രാജിവച്ച ശ്വേത മേനോൻ ഭരണ സമതിയെ കൂടി കേട്ടായിരിക്കും തെരഞ്ഞെടുപ്പ് നടപടികളിലേക്ക് കടക്കുക. തിരുവനന്തപുരം ജോയിന്റ് രജിസ്ട്രാർ ഫിറോസ് ആണ് നടപടികൾ സ്വീകരിക്കുന്നത്.

കാലടിയിൽ പൊലീസ് യുവാവിനെ കസ്റ്റഡിയിലെടുത്ത് മർദിച്ചുവെന്ന് പരാതി. ആലുവ സ്വദേശി സുജിത്തിനാണ് മർദനമേറ്റത്. സുജിത്തിന്റെ സുഹൃത്തിനെതിരെ കാലടി പൊലീസ് കേസ് എടുത്തിരുന്നു. ഇയാളെ കുറിച്ചുള്ള അന്വേഷണത്തിന്റെ ഭാഗമായാണ് സുജിത്തിനെ കസ്റ്റഡിയിൽ എടുത്തത്. ടൈൽ കട്ട ഉപയോഗിച്ച് മുതുകിൽ ഇടിച്ചെന്നും ജനനേന്ദ്രിയത്തിൽ മർദിച്ചെന്നും സുജിത് പറയുന്നു. ദേഹമാസകലം പരിക്കേറ്റ സുജിത് കളമശ്ശേരി മെഡിക്കൽ കോളേജിൽ ചികിത്സയിലാണ്.

അധ്യാപക ദിനത്തിൽ വിസിമാരെ വിമര്‍ശിച്ച് ഉന്നത വിദ്യാഭ്യാസ മന്ത്രി റോജി എം. ജോണ്‍. ഉന്നത വിദ്യാഭ്യാസ സ്ഥാപനങ്ങളുടെ തലപ്പത്തിരിക്കുന്നവർ, ഇരിക്കുന്ന പദവിയുടെ മഹത്വം വിസ്മരിക്കുന്നു. വിഭജന അജണ്ടകൾ മുന്നോട്ടുവയ്ക്കുന്ന സംഘടനകളുടെ വേദികളിലേക്ക് ചുരുങ്ങുന്നത് ജനാധിപത്യ സമൂഹത്തിന് ഭൂഷണമല്ല. വിദ്യാഭ്യാസ മേഖലയുടെയും അധ്യാപനത്തിന്റെയും അന്തസ്സത്തയെ ആണ് ഇത് ചോദ്യം ചെയ്യുന്നതെന്നും മന്ത്രി പറഞ്ഞു. അധ്യാപക ദിനാശംസ പോസ്റ്റിലാണ് മന്ത്രിയുടെ വിമര്‍ശനം.

സമുദായ നേതാക്കൾക്ക് വിശ്വാസത്തെക്കുറിച്ച് പറയാൻ അവസരം വേണമെന്ന് യൂത്ത് ലീഗ് മലപ്പുറം ജില്ലാ പ്രസിഡന്റ് ഷരീഫ് കുറ്റൂർ. അവരുടെ മെക്കിട്ട് കയറാൻ അനുവദിക്കരുത്. അവരുടെ കോലം കത്തിക്കുന്നത് കയ്യുംകെട്ടി നോക്കി നിൽക്കേണ്ടി വരികയാണ്. മീഡിയ അജണ്ട തീർക്കുന്നു. കാന്തപുരത്തിന് അദ്ദേഹത്തിന്റെ സമുദായത്തോടും അനുയായികളും സംസാരിക്കാനുള്ള സ്വാതന്ത്ര്യം ഉണ്ട്, അവകാശമുണ്ടെന്നും ഷരീഫ് കുറ്റൂർ പറഞ്ഞു. യൂത്ത് ലീഗ് മലപ്പുറം ജില്ലാ സമ്മേളനത്തിലായിരുന്നു പ്രസംഗം.

തമിഴ്‌നാട്ടില്‍ കുടിവെള്ള വിതരണത്തെ ചൊല്ലിയുള്ള തർക്കത്തില്‍ പഞ്ചായത്ത് പ്രസിഡന്റ് കൊല്ലപ്പെട്ടു. തമിഴ്നാട് തിരുനെൽവേലിയിലാണ് സംഭവം. ഇഷ്ടിക കൊണ്ടുള്ള അടിയേറ്റാണ് മഹാരാജൻ കൊല്ലപ്പെട്ടത്. പ്രതി ഇസാക്കി പാണ്ഡ്യൻ പിടിയിൽ.

കേരളത്തില്‍ പിഎം ശ്രീ പദ്ധതി നടപ്പാക്കാതെ മുന്നോട്ടു പോകുന്നത് ശരിയല്ല ആര്‍. ശ്രീലേഖ. എല്‍ഡിഎഫും യുഡിഎഫും തമ്മിൽ വലിയ വ്യത്യാസമില്ലെന്നാണ് ഇപ്പോൾ ബോധ്യപ്പെടുന്നത്. അവരുടെ പിന്നിലെ ചാലക ശക്തി ഒന്ന് തന്നെയാണ്. പദ്ധതിയില്‍ കേരളം മാത്രം പിന്നോട്ടു പോകുന്നത് ശരിയല്ലെന്നും ശ്രീലേഖ പറഞ്ഞു.

നിയമസഭാ തെരഞ്ഞെടുപ്പ് പരാജയവുമായി ബന്ധപ്പെട്ട പ്രസ്താവനയില്‍ പിണറായി വിജയനെ പിന്തുണച്ച് സജി ചെറിയാന്‍ എംഎല്‍എ. തെരഞ്ഞെടുപ്പില്‍ പാര്‍ട്ടിയിലെ ഒരു ചെറിയ വിഭാഗം മാറി വോട്ടു ചെയ്തു. അത് ചെയ്യാന്‍ പാടില്ല എന്നാണ് പിണറായി വിജയന്‍ പറഞ്ഞത്. ജനങ്ങള്‍ക്ക് തെറ്റിയെന്ന് പിണറായി പറഞ്ഞിട്ടില്ല. പാർട്ടിക്ക് വോട്ട് ചെയ്തുകൊണ്ടിരുന്ന സഖാക്കൾക്ക് തെറ്റിധാരണയുണ്ടായി. അത് തെറ്റായിപ്പോയി, ആ തെറ്റ് തിരുത്തണം എന്നാണ് പിണറായി പറഞ്ഞത്. ഞങ്ങളുടെ പാർട്ടിക്ക് വോട്ട് ചെയ്തുകൊണ്ടിരുന്ന ആളുകൾ എവിടെ നിന്നെങ്കിലും തെറ്റായ ഉപദേശത്തിന്റെ അടിസ്ഥാനത്തിൽ തെറ്റുപറ്റിയെങ്കിൽ തെറ്റ് തിരുത്തണം. കൂട്ടായ ഉത്തരവാദിത്തത്തോടെ പാർട്ടി തിരിച്ചുവരണമെന്നും സജി ചെറിയാന്‍ പറഞ്ഞു. പാർട്ടിയിൽ നിന്നും പോയവരാരും വലിയ നേതാക്കളല്ല. പോയവർ അധികാരത്തിനുവേണ്ടി പോയവരാണ്. അവര്‍ സിപിഐഎമ്മിനെ നന്നാക്കാന്‍ വരേണ്ട. പ്രതിപക്ഷ ഉപനേതൃസ്ഥാനത്തില്‍ സിപിഐയുമായി ഒരു തര്‍ക്കവും ഉണ്ടാകില്ല. അതെല്ലാം പരിഹരിക്കും. ഇടതുമുന്നണി ആലോചിച്ച് വേണ്ട തീരുമാനമെടുക്കുമെന്നും സജി ചെറിയാന്‍ കൂട്ടിച്ചേര്‍ത്തു.

കോഴിക്കോട് ബേപ്പൂരിൽ 13കാരനെ ജീവനൊടുക്കിയ നിലയിൽ കണ്ടെത്തി. ഹൈസ്ക്കൂൾ വിദ്യാർഥിയായ അഥർവിനെയാണ് വീടിന്റെ മുകളിലെ റൂമിലെ ജനലിൽ തൂങ്ങിയ നിലയിൽ കണ്ടെത്തിയത്. മുടി വെട്ടുന്നതുമായി ബന്ധപ്പെട്ട് വീട്ടുകാർ വഴക്ക് പറഞ്ഞതിലെ മനോവിഷമമാണ് ജീവനൊടുക്കാന്‍ കാരണമായതെന്നാണ് പ്രാഥമിക നിഗമനം.

മുസ്ലീം സ്ത്രീകള്‍ പൊതുപരിപാടിയില്‍ പങ്കെടുക്കുന്നതുമായി ബന്ധപ്പെട്ട കാന്തപുരം എ.പി. അബൂബക്കര്‍ മുസ്ലിയാരുടെ പ്രസ്താവനയെ പിന്തുണച്ച് സമസ്‌ത മുഷാവറ അംഗം നാസർ ഫൈസി കൂടത്തായി. സ്ത്രീകളെ ഉയർത്തിക്കൊണ്ടുവരാനായിരുന്നു നബിയുടെ നിർദേശം. മത പണ്ഡിതർ പറയുന്ന കാര്യങ്ങൾ തെറ്റിധരിപ്പിക്കപ്പെടുന്നു. കാന്തപുരം അറു പിന്തിരിപ്പൻ നയം സ്വീകരിക്കുന്ന വ്യക്തിയല്ല. സ്ത്രീകളെ നയിക്കാൻ കാന്തപുരം ശ്രമിച്ചിട്ടുണ്ട്. അദ്ദേഹം സ്ത്രീകൾക്കു വേണ്ടി സംസാരിക്കുന്ന വ്യക്തിയാണ്. അദ്ദേഹത്തിന്റെ വാക്കുകൾ മാത്രമല്ല, ചെയ്തികൾ കൂടി വിലയിരുത്തണം. കാന്തപുരത്തിനെതിരായ പ്രസ്താവന മുഖ്യമന്ത്രി തിരുത്തി. അദ്ദേഹത്തിന് സത്യം ബോധ്യപ്പെട്ടിട്ടുണ്ട്. സമസ്ത നേതാക്കൾ അദ്ദേഹത്തോട് കാര്യങ്ങൾ വ്യക്തമാക്കിയിട്ടുണ്ടെന്നും നാസർ ഫൈസി കൂടത്തായി പറഞ്ഞു.

കണ്ണൂർ മുഴക്കുന്ന് പിഞ്ഞാണപ്പാറയിൽ വീട്ടിൽനിന്ന് സ്ഫോടക വസ്തുക്കൾ പിടികൂടി. പിഞ്ഞാണപ്പാറയിലെ ദേവദാസിന്റെ പൂട്ടിക്കിടക്കുന്ന വീട്ടിൽ നടത്തിയ പരിശോധനയിൽ 197 ഇലക്ട്രിക് ഡിറ്റണേറ്ററുകള്‍ കണ്ടെടുത്തത്. വീടിന്റെ ശുചിമുറിയിലാണ് രണ്ട് ചാക്കുകളിലായി നിര്‍മിച്ചുവച്ച ഡിറ്റണേറ്റർ കണ്ടെത്തിയത്. മുഴക്കുന്ന് പോലീസ് കേസെടുത്തു. മുഴക്കുന്ന് സ്വദേശി ദേവദാസ്, ജോസ് എന്നിവർക്കെതിരെയാണ് കേസെടുത്തത്.

തൂഫാന്‍ രണ്ടാം ഘട്ടം പ്രഖ്യാപിച്ച് ആഭ്യന്തര മന്ത്രി രമേശ് ചെന്നിത്തല. ഒന്നാം ഘട്ടം തുടരുന്നതിനൊപ്പം രണ്ടാം ഘട്ടം ആരംഭിക്കും. ജനങ്ങളെ മുന്‍നിര്‍ത്തിയാകും രണ്ടാം ഘട്ടം. ബോധവത്കരണത്തിനാണ് മുൻതൂക്കം. കുടുംബശ്രീയും ഹരിതകർമ്മ സേനയും തൂഫാന്റെ ഭാഗമാകും. 1200 തദ്ദേശ സ്വയംഭരണ സ്ഥാപനങ്ങളിലും ഒരേ ദിവസം തൂഫാൻ പതാക ഉയർത്തും. എല്ലാ രാഷ്ട്രീയ പാർട്ടികളേയും ഉൾപ്പെടുത്തി തൂഫാൻ സമിതി രൂപീകരിക്കും. വാര്‍ഡുകളിലാകും സമിതി രൂപീകരിക്കുക. തൂഫാൻ ഗ്രാമസഭകള്‍ ചേരും, തൂഫാന്‍ വാരിയേഴ്സിനെ കണ്ടെത്തും. ഗ്രാമങ്ങളെ ചേർത്തു നിർത്തുകയാണ് ലക്ഷ്യം. 28ന് രണ്ടാം ഘട്ടം തുടക്കമാകും. അന്ന് എല്ലാ തദ്ദേശ സ്ഥാപനങ്ങളിലും തൂഫാൻ പതാക ഉയർത്തും. വാർഡുകളിൽ ബീറ്റ് പൊലീസുകാരെ നിയമിക്കും. ജനജാഗ്രതാ സമിതികൾ കൂടുതൽ കാര്യക്ഷമമാക്കുമെന്നും രമേശ് ചെന്നിത്തല പറഞ്ഞു.

സംസ്ഥാനത്ത് ഇന്നും വൈദ്യുതി നിയന്ത്രണത്തിന് സാധ്യത. വൈദ്യുതി ഉപയോഗം മുൻകാലങ്ങളെ അപേക്ഷിച്ച് ഗണ്യമായി കൂടി. പവർ എക്സ്ചേഞ്ചിൽ നിന്നുള്ള വൈദ്യുതിയുടെ ലഭ്യത കുറഞ്ഞെന്നും കെഎസ്ഇബി. വൈകിട്ട് ആറു മുതൽ 12 മണി വരെ നിയന്ത്രണം ഉണ്ടാകും.

ചിറയിൻകീഴ് എംഎല്‍എ രമ്യ ഹരിദാസും കോണ്‍ഗ്രസ് പ്രവർത്തകരും തമ്മിലുള്ള സംഘർഷം കെപിസിസി അന്വേഷിക്കും. കെപിസിസി ജനറൽ സെക്രട്ടറി രമണി പി. നായർക്കാണ് അന്വേഷണ ചുമതല. തെരഞ്ഞെടുപ്പിൽ മണ്ഡലത്തിന്റെ ചുമതല രമണിക്കായിരുന്നു. നാളെത്തന്നെ യോഗം ചേരാനും ഇരു വിഭാഗങ്ങളെയും കേള്‍ക്കാനുമാണ് കെപിസിസി നിർദേശം.

അതേസമയം, സംഭവത്തില്‍ സജിത്ത് മുട്ടപ്പലത്തെ അറസ്റ്റ് ചെയ്താല്‍ പ്രതിഷേധിക്കുമെന്ന് യൂത്ത് കോണ്‍ഗ്രസ് ജില്ലാ നേതൃത്വം വ്യക്തമാക്കി. രമ്യ ഹരിദാസ് സജിത്തിനെയാണ് കയ്യേറ്റം ചെയ്തത്. ദൃശ്യങ്ങളിൽ കയ്യേറ്റം ചെയ്യുന്നത് വ്യക്തമാണ്. ജാമ്യമില്ലാ വകുപ്പ് പ്രകാരം കേസെടുത്തത് നിയമങ്ങൾ ദുരുപയോഗം ചെയ്താണെന്നും യൂത്ത് കോണ്‍ഗ്രസ് ജില്ലാ നേതൃത്വം പറഞ്ഞു.

ഇടുക്കി: മൂന്നാറിൽ നീലക്കുറിഞ്ഞി പൂക്കൾ പറിച്ചെടുത്ത് ഫോട്ടോ എടുത്ത കൗമാരക്കാരന് എതിരെ കേസെടുക്കും. നിയമ ലംഘനം നടത്തിയത്, കുട്ടിയാർ സ്വദേശിയെന്ന് വനംവകുപ്പിൻ്റെ പ്രാഥമിക കണ്ടെത്തൽ. ചുമത്തുന്നത്, മൂന്ന് വർഷം തടവും 30,000 രൂപ പിഴയും ലഭിക്കാവുന്ന കുറ്റം. നടപടി, സാമൂഹ്യ മാധ്യമങ്ങളിൽ പ്രചരിച്ച ചിത്രത്തിൻ്റെ അടിസ്ഥാനത്തിൽ.

കണ്ണൂർ പ്രസംഗങ്ങളിൽ പിണറായി വിജയൻ തിരുത്താൻ ആവശ്യപ്പെട്ടത് പാർട്ടി പ്രവർത്തകരോട് മാത്രമെന്ന് തോമസ് ഐസക്. ആഹ്വാനം ജനങ്ങളോടല്ല. ഉദ്ദേശിച്ചത്, പാർട്ടി തിരുത്തുന്നു- നിങ്ങളും തിരുത്തണമെന്ന്. പാർട്ടിക്ക് എതിരെ നിലപാട് എടുത്തല്ല പാർട്ടിയെ തിരുത്തേണ്ടതെന്നും ഐസക്. ഐസക് നിലപാട് തുറന്നുപറഞ്ഞത്, ന്യൂസ് മലയാളത്തിൻ്റെ പ്രതിവാര അഭിമുഖ പരിപാടിയായ NMQൻ്റെ ആദ്യ ലക്കത്തിൽ...

മുഖ്യമന്ത്രി വിഡി സതീശൻ്റെ ഔദ്യോഗിക ഫെയ്‌സ്ബുക്ക് പേജിലെ പോസ്റ്റുകൾ നീക്കം ചെയ്ത സംഭവത്തിൽ മെറ്റയ്ക്കും കേന്ദ്ര ഐ.ടി മന്ത്രാലയത്തിനും മുഖ്യമന്ത്രിയുടെ ഓഫീസ് കത്തയച്ചു. പോസ്റ്റുകൾ പുനഃസ്ഥാപിക്കണമെന്നും, ഉള്ളടക്കം നീക്കം ചെയ്തതിന്റെ കാരണം ഐടി നിയമപ്രകാരം വ്യക്തമാക്കണമെന്നും ആവശ്യപ്പെട്ടാണ് കത്ത്. ഇത്തരം നടപടികൾ ഉണ്ടാകുന്നില്ലെന്ന് ഉറപ്പുവരുത്താൻ കേന്ദ്ര ഐടി മന്ത്രാലയം ഇടപെടണമെന്നും കത്തിൽ ആവശ്യപ്പെട്ടു. ആശാവർക്കർമാർക്കുള്ള ഓണം ഉത്സവബത്ത പ്രഖ്യാപിച്ചതും നബിദിന ആശംസകൾ അറിയിച്ചതുമായ രണ്ട് പോസ്റ്റുകളാണ് മെറ്റ നീക്കം ചെയ്തത്.

വയനാട്: കാട്ടിക്കുളം പനവല്ലിയിൽ രേഖകൾ കൈക്കലാക്കി കോടികളുടെ ലോൺ തട്ടിപ്പ് നടത്തിയ സംഭവത്തിൽ മൂന്ന് കർഷകരുടെ ഭൂമി ജപ്തി ചെയ്യാനെത്തിയ എച്ച്.ഡി.എഫ്.സി ബാങ്ക് ഉദ്യോഗസ്ഥരെ നാട്ടുകാർ തടഞ്ഞു. എറണാകുളം സ്വദേശി ജെന്നി വർഗീസ് എന്നയാൾ തങ്ങളെ ചതിച്ച് രേഖകൾ കൈക്കലാക്കി ലോണെടുക്കുകയായിരുന്നുവെന്ന് തോമസ് വി.പി, ബിനോയ്, റോയ് മാത്യു എന്നിവർ പറഞ്ഞു.. പ്രതിഷേധത്തെ തുടർന്ന് ബാങ്ക് അധികൃതർ ജപ്തി നടപടികളിൽ നിന്ന് താൽക്കാലികമായി പിന്മാറുകയും ഉദ്യോഗസ്ഥർ മടങ്ങുകയും ചെയ്തു. വരുന്ന ഒൻപതാം തീയതി വരെ ജപ്തി നടപടികൾ നിർത്തിവെക്കാൻ ധാരണയായി. ഒമ്പതാം തീയതി എച്ച്.ഡി.എഫ്.സി ഉന്നത ഉദ്യോഗസ്ഥരും കർഷകരുമായി വിഷയം ചർച്ച ചെയ്ത് തുടർ തീരുമാനങ്ങളെടുക്കും.

മഹാരാഷ്ട്രയിൽ അഷ്ടമി രോഹിണിയുടെ ഭാഗമായുള്ള ദഹി ഹണ്ടി ആഘോഷത്തിനിടെ രണ്ട് മരണം. മുംബൈയിൽ ഇരുമ്പ് ഫ്രെയിം തകർന്ന് വീണ് യുവതിക്ക് ദാരുണാന്ത്യം. മലാഡിൽ ഇഷ്ടിക തൂൺ ഇടിഞ്ഞുവീണ് 7 വയസുകാരനും മരിച്ചു. മുംബൈ അപകടത്തിൻ്റെ ദൃശ്യങ്ങളും പുറത്തുവന്നു.

കൈപ്പമംഗലം വാഹനാപകടത്തിൽ ലോറി ഡ്രൈവർ പിടിയിൽ. പൂനെ സ്വദേശി ദൂക്കാറാം കാംബ്ലെ ആണ് പൊലീസ് പിടിയിലായത്. കൈപ്പമംഗലം മൂന്നുപീടികയിൽ നാട്ടുകാർ സംശയാസ്പദമായി കണ്ട് പിടികൂടി പോലീസിൽ ഏൽപ്പിക്കുകയായിരുന്നു.

തൃശൂർ: പുതുക്കാട് പൊലീസ് സ്റ്റേഷനിൽ കൂട്ട സസ്പെൻഷൻ. പൊലീസ് ജീപ്പിടിച്ച് പരുക്കേറ്റവരെ ആശുപത്രിയിൽ എത്തിക്കാത്തതിനെ തുടർന്നാണ് നടപടിയുണ്ടായത്. സബ് ഇൻസ്പെക്ടർ മഹേഷ് , സിപിഒ മാരായ ഫൈസൽ, യദു കൃഷ്ണൻ, നവീൻ കുമാർ എന്നിവരെയാണ് സസ്പെൻഡ് ചെയ്തത്.

മുഖ്യമന്ത്രിയുടെ ഔദ്യോഗിക ഫേസ്ബുക്ക് പേജിലെ പോസ്റ്റുകള്‍ പുനഃസ്ഥാപിച്ച് മെറ്റ. സാങ്കേതിക പിഴവെന്ന് മെറ്റയുടെ വിശദീകരണം.

എസ്എഫ്ഐ സെക്രട്ടേറിയറ്റ് മാർച്ച് സംഘർഷ കേസിൽ ചാക്ക ഐടിഐ യൂണിറ്റ് സെക്രട്ടറി വിഷ്ണുവിനെ കസ്റ്റഡിയിലെടുത്ത് പൊലീസ്. കഴക്കൂട്ടത്തെ ഹോട്ടലിൽ വച്ചാണ് വിഷ്ണുവിനെ കസ്റ്റഡിയിലെടുത്തത്. മാർച്ചിൽ പങ്കെടുക്കാത്ത വ്യക്തിയാണ് വിഷ്ണുവെന്ന് എസ്എഫ്ഐ ജില്ലാ നേതൃത്വം. വിഷ്ണുവിൻ്റെ തലയ്ക്ക് പൊലീസ് മർദ്ധിച്ചുവെന്നും ആരോപണം.

ഏഷ്യാ കപ്പ് ട്വന്റി ട്വന്റിയിൽ പാകിസ്‌താനെതിരെ ഇന്ത്യക്ക് 7 വിക്കറ്റിന്റെ തകർപ്പൻ ജയം. ആദ്യം ബാറ്റ് ചെയ്‌ത പാകിസ്‌താനെ 55 റൺസിന് എറിഞ്ഞിട്ട ഇന്ത്യ 68 പന്തുകൾ ബാക്കി നിൽക്കെ ലക്ഷ്യംകണ്ടു. മൂന്ന് വിക്കറ്റെടുത്ത ശ്രീ ചരണിയാണ് കളിയിലെ താരം.

നിലപാടിൽ മാറ്റമില്ലാതെ കാന്തപുരം എ പി അബൂബക്കർ മുസ്ലിയാർ. ആര് എതിർത്താലും ശരീഅത്ത് നിയമങ്ങൾ പറഞ്ഞ് കൊണ്ടേ ഇരിക്കുമെന്ന് കാന്തപുരം. ഇസ്ലാമിക നിയമങ്ങൾ പറയുന്നത് ലോകാവസാനം വരെ ഉണ്ടാകും. കേരളത്തിലെ എല്ലാ ജില്ലകളിലും ശരീഅത്ത് സമ്മേളനം സംഘടിപ്പിക്കുമെന്നും കാന്തപുരം