കൊച്ചി: മുഖ്യമന്ത്രി വി.ഡി. സതീശൻ കൊച്ചിയിൽ നിക്ഷേപരുമായി കൂടിക്കാഴ്ച നടത്തിയതിൽ പൊലീസിനും അവ്യക്തത. കൂടിക്കാഴ്ച്ചയെക്കുറിച്ച് സ്പെഷ്യൽ ബ്രാഞ്ചിന് അറിവില്ല. മുഖ്യമന്ത്രിയുടെ ഔദ്യോഗിക യാത്രാരേഖയയിലും സരംഭക കൂടിക്കാഴ്ച ഉണ്ടായിരുന്നില്ല. യാത്രാ റൂട്ടിലുണ്ടായിരുന്നത് ആശുപത്രിയും മുഖ്യമന്ത്രിയുടെ വീടും.
ഡൽഹി: പാർലമെന്റിൽ അമിത് ഷാ മറുപടി പറയാതെ സഹകരിക്കില്ലെന്ന് കെ.സി.വേണുഗോപാൽ എംപി. ഡൽഹി പൊലീസിന്റെ ക്രൂരമർദനത്തിന് അമിത് ഷാ മറുപടി പറഞ്ഞേ പറ്റൂ. എഫ്സിആർഎ ഭേദഗതി അനുവദിക്കില്ലെന്ന് കേന്ദ്രമന്ത്രി കിരൺ റിജിജുവിനെ അറിയിച്ചു. വനിതാസംവരണത്തിന്റെ മറവിൽ മണ്ഡല പുനർനിർണയ ബിൽ പാസാക്കാനുള്ള നീക്കം അനുവദിക്കില്ലെന്നും കെ.സി.വേണുഗോപാൽ പറഞ്ഞു
ആലപ്പുഴ: മഴ കുറഞ്ഞെങ്കിലും ആലപ്പുഴ ജില്ലയിലെ ദുരിതം ഒഴിഞ്ഞിട്ടില്ല. കുട്ടനാടും ചെങ്ങന്നൂരും ഇപ്പോഴും വെള്ളത്തിലാണ്. മടവീഴ്ച ഉണ്ടായതോടെ കുട്ടനാട്ടിൽ ദുരിതമിരട്ടിച്ചു. ജലനിരപ്പ് ഉയർന്നതോടെ എ.സി റോഡിൽ പൊലീസ് ഗതാഗത നിയന്ത്രണം ഏർപ്പെടുത്തി. റവന്യൂ മന്ത്രി എ.പി. അനിൽകുമാർ ഇന്ന് കുട്ടനാട്ടിലെ ദുരിതാശ്വാസ ക്യാമ്പുകളിലും തോട്ടപ്പള്ളി പൊഴിമുഖത്തും സന്ദർശനം നടത്തും. ജില്ലയിലെ ചില താലൂക്കുകൾക്കിൽ വിദ്യാഭ്യാസ സ്ഥാപനങ്ങൾക്ക് അവധി പ്രഖ്യാപിച്ചിട്ടുണ്ട്.
തൃശൂർ: പുതുക്കാട് വാഹനാപകടത്തിൽ യുവാവ് മരിച്ചതിൽ, കൊലപാതകമെന്ന ആരോപണവുമായി കുടുംബം രംഗത്ത്.ഞായറാഴ്ച വൈകീട്ട് പട്ടാമ്പി സ്വദേശി റിജാസ് ആണ് അപകടത്തിൽ മരിച്ചത്. റിജാസിനെ ബോധപൂർവ്വം ഇടിച്ചതെന്നാണ് കുടുംബത്തിന്റെ പരാതി. മുൻ വൈരാഗ്യത്തിൽ മകൻ സഞ്ചരിച്ചിരുന്ന ബൈക്കിൽ കരുതിക്കൂട്ടി തമിഴ്നാട് സ്വദേശികൾ വാഹനം ഇടിപ്പിക്കുകയായിരുന്നു എന്ന് അച്ഛൻ പറഞ്ഞു.
കോഴിക്കോട്: മുഖം മൂടുന്ന പർദ്ദയായ നിഖാബ് നിരോധിക്കണമെന്ന് എഴുത്തുകാരനും സാമൂഹ്യ പ്രവർത്തകനുമായ എം എൻ കാരശേരി. നിഖാബ് ധരിക്കുന്നത് വ്യക്തി സ്വാതന്ത്ര്യമാണെന്ന വാദത്തോട് യോജിക്കാനാവില്ല. നിഖാബ് സ്ത്രീയെ കരിങ്കുപ്പായത്തിൽ കുഴിച്ചുമൂടുന്ന പരിപാടിയാണെന്നും സ്ത്രീ വിരുദ്ധവും ഇസ്ലാമിക വിരുദ്ധവുമാണെന്നും കാരശേരി പറഞ്ഞു. പ്രിയദർശിനി ബസിൽ മുഖം മൂടുന്ന പർദ്ദയിട്ട് ഒരു പുരുഷൻ കയറിയാൽ എങ്ങനെ തിരിച്ചറിയുമെന്നും കാരശേരി ചോദിച്ചു.
തൃശൂർ: അതിരപ്പള്ളി പദ്ധതി നടപ്പിലാക്കാനുള്ള സർക്കാർ നീക്കത്തിൽ എതിർപ്പുമായി പ്രകൃതി സ്നേഹികളും ആദിവാസികളും. പദ്ധതി നടപ്പാക്കുന്നതിലൂടെ വാഴച്ചാൽ മേഖലയിലെ ആദിവാസികളെ ഇല്ലാതാക്കാനാണ് നീക്കം. ഊരുകൂട്ടങ്ങളുടെ അനുമതിയില്ലാതെ സർക്കാരിന് പദ്ധതിയുമായി മുന്നോട്ട് പോകാനാകില്ലെന്നും ഊര് മൂപ്പത്തി ഗീത വാഴച്ചാൽ.
അയോധ്യ: ഉത്തർപ്രദേശിലെ അയോധ്യയിൽ ഉപതെരഞ്ഞെടുപ്പിനുള്ള സ്ഥാനാർഥിയെ പ്രഖ്യാപിച്ച്സമാജ് വാദി പാർട്ടി. മുൻ എംഎൽഎ തേജ് നാരായൺ പാണ്ഡെ ആണ് സ്ഥാനാർഥി. തെരഞ്ഞെടുപ്പിന് 6 മാസത്തിലധികം ബാക്കി നിൽക്കെയാണ് പ്രഖ്യാപനം.
തൃശൂർ: പാലക്കാട് സർക്കാർ ആശുപത്രിയിൽ നഴ്സിന് പാമ്പ് കടിയേറ്റു. ചാലിശേരിയിലെ ജനകീയ ആരോഗ്യകേന്ദ്രത്തിൽ ആണ് സംഭവം. ചാവക്കാട് സ്വദേശിനി മിസിരിയയ്ക്കാണ് അണലിടെ കടിയേറ്റത്. ഗുരുതരാവസ്ഥയിൽ ആയ നഴ്സിനെ കുന്നംകുളം സ്വകാര്യ ആശുപത്രിയിൽ പ്രവേശിപ്പിച്ചു.
പിഎസ്സി അംഗങ്ങൾക്കായി പ്രതിമാസം സർക്കാർ ചെലവാക്കുന്നത് അരക്കോടിയിലധികം രൂപ എന്ന് കണക്കുകൾ. 16 അംഗങ്ങൾക്കായി പ്രതിമാസ ചെലവ് 58ലക്ഷം രൂപ. ചെയർമാൻ മാത്രം ശമ്പളമായി കൈപ്പറ്റുന്നത് മൂന്നരലക്ഷത്തിലധികം രൂപയാണ്. എൽഡിഎഫ് സർക്കാരിന്റെ കാലത്താണ് ശമ്പളം ഇരട്ടിയായി വർദ്ധിപ്പിച്ചത്.
കൊച്ചി: പൊലീസിനെ വെല്ലുവിളിച്ച് അർജുൻ ആയങ്കി. പൊലീസിന് പിടിക്കാൻ പറ്റുമെങ്കിൽ പിടിക്കൂ, ഇനി ജാമ്യം എടുത്തിട്ടേ വരു എന്നും, പറ്റുമെങ്കിൽ പിടിക്കാനും വെല്ലുവിളി. ഊന്നുകൽ സിഐയോടാണ് ഇൻസ്റ്റഗ്രാമിലൂടെ വെല്ലുവിളി നടത്തിയത്.
ആലപ്പുഴ: മഴക്കെടുതിയിൽ വലയുകയാണ് ആലപ്പുഴയിലെ കുട്ടനാട് മേഖല. എസി റോഡിൽ വെള്ളക്കെട്ട് മൂലം ഗതാഗത തടസം നേരിട്ടു. എഴുകാട് മൂലപോങ്ങമ്പ്രയിൽ മടവീഴ്ച ഉണ്ടായി. റവന്യൂമന്ത്രി എ.പി. അനിൽകുമാർ ഇന്ന് കുട്ടനാട്ടിലെ ദുരിതാശ്വാസ ക്യാമ്പുകൾ സന്ദർശിക്കും. മഴയും, വെള്ളക്കെട്ടും കണക്കിലെടുത്ത് ജില്ലാ ഭരണകൂടം തോട്ടപ്പള്ളി സ്പിൽവേയിലെ മാലിന്യം നീക്കം വേഗത്തിലാക്കിയിട്ടുണ്ട്.
കോഴിക്കോട്: എൻഐടി ഭരണസമിതിയിലേക്ക് ഡോളർ കടത്ത് ആരോപിതന് ശുപാർശ. ലെഫീർ മുഹമ്മദിനെ ശുപാർശ ചെയ്തത് എംഎൽഎ കെ.പി നൗഷാദലി. ലീഗ് നോമിനിയായി പരിഗണിക്കാൻ പി.കെ. കുഞ്ഞാലിക്കുട്ടിക്ക് നൽകിയ കത്ത് ന്യൂസ് മലയാളത്തിന് ലഭിച്ചു. ലഫീറിന്റെ അക്കാദമിക്-ഭരണ നേതൃപാടവം ഗുണം ചെയ്യുമെന്ന് കത്തിൽ നൗഷാദലി പറയുന്നു. ശുപാർശയിൽ ദുരൂഹതയുണ്ടെന്ന ആക്ഷേപം ശക്തമാവുകയാണ്.
ശബരിമല നെയ്യ് ക്രമടക്കേടിൽ മുൻ ദേവസ്വം ബോർഡ് പ്രസിഡന്റ് പി.എസ്. പ്രശാന്ത് പ്രതി ചേർക്കാൻ എസ്.ഐടി. മുൻ ബോർഡ് അംഗം അജികുമാറും മുരാരി ബാബുവും പ്രതിയാകും. FIR രജിസ്റ്റർ ചെയ്യുന്നത് വിജിലൻസ് റിപ്പോർട്ടിന്റെ അടിസ്ഥാനത്തിൽ. നെയ് ഇടപാട് വഴി ബോർഡിന് 2.3 കോടിയുടെ നഷ്ടം എന്ന് കണ്ടെത്തൽ.