ആലപ്പുഴ: നിയമസഭാ തെരഞ്ഞെടുപ്പിലെ കനത്ത തോൽവിക്ക് പിന്നാലെ സിപിഐഎം ആലപ്പുഴ ജില്ലാ സെക്രട്ടറിയറ്റിൽ നേതൃത്വത്തിന് അതിരൂക്ഷ വിമർശനം. സംസ്ഥാന കമ്മിറ്റി പിരിച്ചുവിടണം എന്ന് യോഗത്തിൽ നേതാക്കൾ ആവശ്യപ്പെട്ടു. പിണറായി പ്രതിപക്ഷ നേതൃത്വസ്ഥാനത്തിരുന്നാൽ പാർട്ടി അധികാരത്തിൽ തിരികെയെത്തില്ല. എം.വി. ഗോവിന്ദന് ബ്രാഞ്ച് സെക്രട്ടറിയുടെ നിലവാരം പോലുമില്ലെന്നും വിമർശനം ഉയർന്നു. ജി. സുധാകരന്റെ കാര്യത്തിൽ പാർട്ടിക്ക് വീഴച്ച പറ്റിയെന്നും വിമർശനം.
ജി. സുധാകരന്റെ കാര്യത്തിൽ പാർട്ടിക്ക് പിഴച്ചു. കൂടെ നിർത്തിയിരുന്നേൽ ആലപ്പുഴയിലെ തിരിച്ചടി ഒഴിവാക്കാമായിരുന്നു. ജി. സുധാകരൻ വളർത്തിയവർ തന്നെ അദ്ദേഹത്തെ പുറത്താക്കിയെന്നും വിമർശനമുയർന്നു. സജി ചെറിയാന്റെ സാന്നിധ്യത്തിലായിരുന്നു കടുത്ത വിമർശനമുയർന്നത്. തെരഞ്ഞെടുപ്പ് നേരിടാൻ പറ്റിയ സംഘടനാ സംവിധാനം ജില്ലയിൽ ഉണ്ടായില്ലെന്നും വിമർശനം.
ജില്ലാ സെക്രട്ടറി വി. കേശവൻമരിച്ചത് ആത്മഹത്യ ആണെന്ന രീതിയിൽ സുധാകരൻ സംസാരിച്ചിട്ടും നടപടിയുണ്ടായില്ല. ജില്ലാ നേതൃത്വത്തിന് കൃത്യസമയത്ത് മറുപടിയുണ്ടായില്ല. ജി. സുധാകരൻ ഉയർത്തിയ വെല്ലുവിളിയെ പരതിരോധിക്കാനായില്ല. ജി. സുധാകരനെ നേരത്തെ പാർട്ടിയിൽ നിന്ന് പുറത്താക്കണമായിരുന്നുവെന്നും പാർട്ടിക്ക് മുകളിൽ വളരുന്നത് വരെ കാത്തിരുന്നു എന്നും ജില്ലാ സെക്രട്ടറിയറ്റിൽ വിമർശനമുയർന്നു.