തിരുവനന്തപുരം: തെരഞ്ഞെടുപ്പിലെ കനത്ത തോൽവിക്ക് പിന്നാലെ സിപിഐഎം നേതാവ് കടകംപള്ളി സുരേന്ദ്രനെതിരെ ഫ്ലക്സ് ബോർഡ് സ്ഥാപിച്ചു. കഴക്കൂട്ടം കുളത്തൂർ ജംഗ്ഷനിലാണ് കുളത്തൂർ സഖാക്കൾ എന്ന പേരിൽ ഫ്ലെക്സ് സ്ഥാപിച്ചത്. പണാധിപത്യം തുലയട്ടെ ജനാധിപത്യം വളരട്ടെ എന്ന് വാചകത്തോടെയാണ് ബോർഡ് എഴുതിയിരിക്കുന്നത്.
ഫ്ലെക്സിൽ കടകംപള്ളി സുരേന്ദ്രൻ്റെയും കഴക്കൂട്ടം ഏരിയ കമ്മിറ്റി അംഗം ശ്യാം മോഹൻ്റേയും ചിത്രങ്ങൾ ഉണ്ട്. പാർട്ടി വിട്ടുപോയ ചിലരെ തിരിച്ചെടുത്തതിൽ കഴക്കൂട്ടത്തും കുളത്തൂരിലും വിഭാഗീയത ഉണ്ടായിരുന്നു. നിയമസഭാ തെരഞ്ഞെടുപ്പിൽ പ്രതീക്ഷിച്ച വോട്ട് ഈ മേഖലയിൽ നിന്ന് ലഭിച്ചിരുന്നില്ല.
നിയമസഭാ തെരഞ്ഞെടുപ്പിൽ എൻഡിഎ സ്ഥാനാർഥി വി. മുരളീധരൻ കഴക്കൂട്ടത് അട്ടിമറി ജയം നേടിയിരുന്നു. ആദ്യഘട്ടങ്ങളില് കടകംപള്ളി സുരേന്ദ്രന് നേരിയ ലീഡ് ഉണ്ടായിരുന്നെങ്കിലും പിന്നീട് നിലമാറിമറിഞ്ഞു.428 വോട്ടുകള്ക്കാണ് കടകംപള്ളിയെ വീഴ്ത്തി മുരളീധരന് വിജയിച്ചു കയറിയത്.