തിരുവനന്തപുരം: നിയമസഭ തെരഞ്ഞെടുപ്പിൽ എൽഡിഎഫിനേറ്റ തിരിച്ചടിയിൽ സിപിഐഎം സംസ്ഥാന കമ്മിറ്റിയിൽ നേതൃത്വത്തിനെതിരെ രൂക്ഷ വിമർശനം. തെരഞ്ഞെടുപ്പിൽ പാർട്ടി കോട്ടകളിലെ തോൽവി സംഘടനാ പാളിച്ചയാണെന്ന് അംഗങ്ങൾ തുറന്നടിച്ചു.
കനത്ത തോൽവിയുടെ പശ്ചാത്തലത്തിൽ പാർട്ടി സെക്രട്ടറിയേറ്റിൽ പുനഃസംഘടന വേണമെന്ന് അംഗങ്ങൾ ആവശ്യപ്പെട്ടു. പാർട്ടി പ്ലീനം വേണമെന്നും നിർദേശം ഉയർന്നു.
ഒന്നോ രണ്ടോ വ്യക്തികളിലേക്ക് തോൽവിയുടെ ഉത്തരവാദിത്തം ചുരുക്കുന്നില്ലെന്നും ഭൂരിപക്ഷ അംഗങ്ങളും അഭിപ്രായപ്പെട്ടു. ശക്തമായ പ്രതിപക്ഷത്തെ നയിക്കാൻ പിണറായി വിജയൻ തന്നെ വേണമെന്നും സംസ്ഥാന കമ്മിറ്റിയിൽ ആവശ്യം ഉയർന്നു.