കായംകുളം: ബൈക്കിൽ പോകവേ റോഡിലെ കുഴിയിൽ വീണ വയോധികയ്‌ക്ക് ദാരുണാന്ത്യം. കായംകുളം കാക്കനാട് സ്വദേശി തുളസി(72)യാണ് മരിച്ചത്. കാക്കനാട്-കാങ്കാലിൽ റോഡിൽ വച്ചായിരുന്നു അപകടം.
ബന്ധുവിനൊപ്പം ബൈക്കിൽ പോകവേ റോഡിലെ കുഴിയിൽ വീണിരുന്നു. ഗുരുതര പരിക്കേറ്റ് ചികിത്സയിലിരിക്കെയാണ് മരണം സ്ഥിരീകരിച്ചത്. കായംകുളം മുനിസിപ്പാലിറ്റിയുടെ കീഴിലുള്ള ഈ റോഡ് തകർന്നിട്ട് വർഷങ്ങളായി. ഇന്ന് യു. പ്രതിഭ എംഎൽഎ നിർമ്മാണോദ്ഘാടനം നടത്തിയിരുന്നു.