കണ്ണൂര്: നിയമസഭാ തെരഞ്ഞെടുപ്പില് മത്സരിക്കണമെന്ന ആവശ്യത്തിലുറച്ച കോൺഗ്രസ് നേതാവ് കെ. സുധാകരനെ അനുകൂലിച്ച് ഫ്ലക്സുകൾ പ്രത്യക്ഷപ്പെട്ടു. കണ്ണൂര് ഡിസിസി ഓഫിസിന് മുന്നിലാണ് അനുകൂലിച്ച് കൊണ്ടുള്ള ഫ്ലക്സുകൾ സ്ഥാപിച്ചത്. പിണറായിയെ താഴെയിറക്കാന് കോൺഗ്രസിൻ്റെ പടനായകൻ കെ. സുധാകരൻ എത്തുന്നു എന്നാണ് ഫ്ലക്സ് ബോർഡിലെഴുതിയത്.
കെ. സുധാകരൻ്റെ സ്ഥാനാർഥിത്വത്തിൽ അനിശ്ചിത്വത്തം നിലനിൽക്കുന്നതിനിടയിലാണ് ഫ്ലക്സുകൾ പ്രത്യക്ഷപ്പെട്ടത്. സീറ്റിലെന്ന അഭ്യൂഹങ്ങൾ വന്നതോടെ നേതൃത്വത്തോട് ഉടക്കി സുധാകരൻ ഡൽഹിയിൽ നിന്ന് നാട്ടിലെത്തിയിരുന്നു. നേതൃത്വം വീണ്ടും ആവശ്യപ്പെട്ടതോടെ സുധാകരൻ ഇന്ന് ഡൽഹിയിലെത്തിയിട്ടുണ്ട്.