കൊല്ലം: ആയൂരിൽ ബസ് തടഞ്ഞ് മന്ത്രിയുടെ ശകാരം. കെഎസ്ആർടിസി ബസിൽ ഗതാഗത മന്ത്രി കെ.ബി. ഗണേഷ് കുമാറാണ് മിന്നൽ പരിശോധന നടത്തിയത്. ബസിൽ പ്ലാസ്റ്റിക്ക് കുപ്പി കൂട്ടിയിട്ടിരിക്കുന്നത് കണ്ടാണ് മന്ത്രി ബസിന് പിന്നാലെയെത്തി തടഞ്ഞത്.
പ്ലാസ്റ്റിക് കുപ്പികൾ നീക്കം ചെയ്യാത്തതിനെ മന്ത്രി ജീവനക്കാരെ ശകാരിച്ചു. കോട്ടയത്തു നിന്ന് തിരുവനന്തപുരത്തേക്ക് വരികയായിരുന്ന പൊൻകുന്നം ഡിപ്പോയിലെ ഫാസ്റ്റ് പാസഞ്ചർ ബസാണ് മന്ത്രി തടഞ്ഞത്. വെള്ളം കുടിച്ച് കുപ്പി വലിച്ചെറിയാനുള്ള സ്ഥലമല്ല ബസിന്റെ മുൻവശമെന്നും സംഭവത്തിൽ നടപടി എടുക്കുമെന്നും മന്ത്രി പറഞ്ഞു.
പൊൻകുന്നം ഡിപ്പോയിലെ ഫാസ്റ്റ് പാസഞ്ചർ ബസാണ് മന്ത്രി തടഞ്ഞത്.