കോഴിക്കോട്: പൊറാട്ടക്ക് ചൂടില്ലെന്ന് ആരോപിച്ച് യുവാവ് കട അടിച്ചു തകർത്തു.കോഴിക്കോട് നാദാപുരത്താണ് സംഭവം. വെള്ളികുളങ്ങര സ്വദേശി സാദിഖിൻ്റെ കടയാണ് യുവാവ് തകർത്തത്. പുറമേരി സ്വദേശി ഷിജു എന്ന യുവാവാണ് ആക്രമണം നടത്തിയത്.
വെള്ളക്കുപ്പി കൊണ്ട് നെഞ്ചിന് അടിയേറ്റ കടയുടമ സാദിഖിനെ നാദാപുരം താലൂക്ക് ആശുപത്രിയിൽ പ്രവേശിപ്പിച്ചു. കടയുടമ പൊലീസിൽ പരാതി നൽകിയിട്ടുണ്ട്.