തൃശൂർ; യുവാവിനെ കാറിന്റെ ബോണറ്റിൽ കിടത്തി വാഹനം ഓടിച്ചയാൾക്കെതിരെ കേസ്. തൃശൂരിൽ കുറ്റൂർ സ്വദേശി ബക്കറിനെതിരെയാണ് നടപടി. ആലുവ സ്വദേശി സോളമനെയാണ് ബോണറ്റിൽ കിടത്തി വാഹനം ഓടിച്ചത്. സംഭവത്തിന്റെ ദൃശ്യങ്ങൾ പുറത്തുവന്നിരുന്നു.
ബിസിനസ് തർക്കത്തെ തുടർന്നാണ് ഈ ക്രൂരത കാണിച്ചത്. സോളമന്റെ വാഹനം ബക്കർ കൈക്കലാക്കിയിരുന്നു. ഇത് തിരിച്ചെടുക്കാൻ എത്തിയപ്പോഴാണ് ആളെ ബോണറ്റിൽ എടുത്ത് വാഹനവുമായി മുന്നോട്ട് പോയത്.