കണ്ണൂർ: പാലത്തായി കേസുമായി ബന്ധപ്പെട്ട് സിപിഐഎം ജില്ലാ സെക്രട്ടറിയേറ്റ് അംഗത്തിനെതിരെ മുസ്ലിം ലീഗ്. പി. ഹരീന്ദ്രൻ്റെ പ്രസ്താവനയ്‌ക്കെതിരെയാണ് മുസ്ലിം ലീഗ് ജില്ലാ പ്രസിഡൻ്റ് അബ്ദുൽ കരീം ചേലേരി രംഗത്തെത്തിയത്. ഹരീന്ദ്രൻ്റേത് വർഗീയ പ്രസ്താവനയാണ് എന്നും മതം നോക്കി ലീഗ് സമീപനമെടുത്തിട്ടില്ലെന്നും അബ്ദുൽ കരീം ചേലേരി പറഞ്ഞു.
"ഏത് ഉസ്താദ് പീഡിപ്പിച്ച കേസാണ് ഇത്ര വിവാദമായിട്ടുള്ളത്. നിങ്ങളുടെ പ്രശ്നം പീഡിപ്പിക്കപ്പെട്ടു എന്നതല്ല, മറിച്ച് ഹിന്ദു പീഡിപ്പിച്ചു എന്നുള്ളതാണ്. പീഡിപ്പിക്കപ്പെട്ടത് ഒരു മുസ്ലിം പെൺകുട്ടി ആണ് എന്നുള്ളതാണ്. ആ ഒരൊറ്റ ചിന്ത മാത്രമാണ് എസ്‌ഡിപിഐക്കാരൻ്റെ ചിന്ത, ലീഗിൻ്റെ ചിന്ത, അത് വർഗീയതയാണ്"; എന്നായിരുന്നു പി. ഹരീന്ദ്രൻ പറഞ്ഞത്.