കൊച്ചി: ഓപ്പറേഷൻ തൂഫാൻ വിജയിപ്പിക്കാൻ ഗുണ്ടകളുടെ സഹായം വേണ്ടി വരുമെന്ന് എകെജി സെൻ്റർ ആക്രമണ കേസിലെ പ്രതി സുഹൈൽ ഷാജഹാൻ. പൊലീസ് മാത്രം വിചാരിച്ചാൽ ഓപ്പറേഷൻ തൂഫാൻ വിജയിക്കില്ല.
ഗുണ്ടകളാണെന്ന് കരുതി മാറ്റി നിർത്തരുത്. ഇവരുടെ പങ്ക് ഉണ്ടെങ്കിൽ തൂഫാൻ വൻ വിജയകരമായിരിക്കും. പൊലീസിനെ കൂടാതെ വിഷയം കൈകാര്യം ചെയ്യാൻ കഴിവുള്ളവർ വേണം. ഗുണ്ടകളെന്നു കരുതി ആരെയും മാറ്റി നിർത്തരുതെന്നും സുഹൈൽ പറഞ്ഞു.
ഇപ്പോൾ മാറ്റി നിർത്തിയാൽ ലഹരിക്കെതിരെ പോരാടാൻ അവർക്കിനി അവസരം ലഭിക്കില്ലെന്നും സുഹൈൽ ഷാജഹാൻ പറയുന്നു. കഴിഞ്ഞ ദിവസം കൊച്ചിയിൽ ചേർന്ന യോഗത്തിൽ കെപിസിസി മുൻ അധ്യക്ഷൻ കെ.സുധാകരനും പങ്കെടുത്തിരുന്നു.