തൃശൂര്: മണ്ഡലത്തില് പത്മജ വേണുഗോപാലിനെ സ്ഥാനാര്ഥിയാക്കാന് ബിജെപി. പത്മജ മത്സരത്തിനിറങ്ങണമെന്ന് സംസ്ഥാന നേതൃത്വത്തോട് അമിത് ഷാ ആവശ്യപ്പെട്ടു. സുരേഷ് ഗോപിയുടെ പിന്തുണയുണ്ടെങ്കില് മത്സരിക്കാമെന്നാണ് പത്മജ വേണുഗോപാല് അറിയിച്ചത്. ഈ സാഹചര്യത്തില് പത്മജ സുരേഷ് ഗോപിയുമായി കൂടിക്കാഴ്ച നടത്തുകയും ചെയ്യും.
മത്സര രംഗത്ത് നിന്ന് മാറി നില്ക്കുമെന്ന് അറിയിച്ചിരുന്ന പത്മജയെ ഗവര്ണര് സ്ഥാനത്തേക്ക് പരിഗണിക്കുമെന്നായിരുന്നു നേരത്തെ ബിജെപി നേതൃത്വം വ്യക്തമാക്കിയത്. എന്നാല് തൃശൂരില് മത്സരിക്കണമെന്നാണ് ബിജെപി ഇപ്പോള് മുന്നോട്ട് വച്ചിരിക്കുന്ന ആവശ്യം.
സുരേഷ് ഗോപിയുടെ പൂര്ണ പിന്തുണയുണ്ടെങ്കില് തൃശൂരില് മത്സരിക്കാമെന്നാണ് പത്മജ അറിയിച്ചിരിക്കുന്നത്. തന്റെ പ്രചരണത്തിന്റെ മുഴുവന് ചുമതലയും സുരേഷ് ഗോപിക്ക് നല്കണമെന്നും സുരേഷ് ഗോപി മണ്ഡലത്തില് ഉണ്ടാകണമെന്നുമാണ് പത്മജ അറിയിച്ചത്. സുരേഷ് ഗോപി മണ്ഡലത്തില് ഇല്ലെങ്കില് താന് മത്സരിക്കില്ലെന്നും പത്മജ അറിയിച്ചിട്ടുണ്ട്.
എം.ടി. രമേശിനെ നേരത്തെ തൃശൂര് മണ്ഡലത്തില് പരിഗണിക്കുമെന്ന സൂചനകള് ഉയര്ന്നിരുന്നു. എന്നാല് മണ്ഡലത്തില് പത്മജ വരുന്നതോടെ എംടി രമേശ് കോഴിക്കോട് നിന്ന് മത്സരിക്കുമെന്നും സൂചനകളുണ്ട്. നേരത്തെ തൃശൂരില് നിന്നോ ഗുരുവായൂരില് നിന്നോ മത്സരിക്കണമെന്ന സന്നദ്ധത കോണ്ഗ്രസ് നേതാവ് കെ. മുരളീധരന് പ്രകടിപ്പിച്ചിരുന്നു. എന്നാല് കെ. മുരളീധരനെ പാലക്കാട് പരിഗണിക്കുന്ന സാഹചര്യത്തില് തൃശൂരില് തന്നെ എന്ഡിഎ സ്ഥാനാര്ഥിയായി നില്ക്കുന്നതില് പത്മജയ്ക്ക് എതിര്പ്പില്ലെന്നുമാണ് സൂചന.