തിരുവനന്തപുരം: പിഎസ്സി പരീക്ഷയിൽ ക്രമക്കേട് നടന്നെന്ന് പരാതി. ചീഫ് ഇൻഡസ്ട്രി ആൻഡ് ഇൻഫ്രാസ്ട്രക്ചർ പ്ലാൻ കോ-ഓർഡിനേഷൻ ഡിവിഷൻ തസ്തികകളെ കുറിച്ചാണ് പരാതി ഉയർന്നിരിക്കുന്നത്. ഇതുവരെ മാർക്ക് ലിസ്റ്റ് പിഎസ്സി പ്രസിദ്ധീകരിച്ചിട്ടില്ലെന്നും പരാതിയിൽ പറയുന്നു.
പരീക്ഷയിലെ പത്ത് ചോദ്യങ്ങൾ മൂല്യനിർണയം നടത്തിയില്ല. 9 മുതൽ 18 വരെയുള്ള ചോദ്യങ്ങൾ ഒഴിവാക്കിയ നടപടി ദുരൂഹമാണെന്നും ആരോപിക്കുന്നു. പണം അടച്ച് അപേക്ഷ നൽകിയിട്ടും പിഎസ്സി യാതൊരു നടപടിയും കൈകൊണ്ടില്ല. അതേസമയം, മാർക്ക് ലിസ്റ്റ് പുറത്തുവരുന്നതിന് മുമ്പ് തന്നെ ഇടതുഅനുഭാവിയായ ഉദ്യോഗാർഥിക്ക് നിയമന ഉത്തരവ് നൽകിയെന്നും പരാതിയിൽ പറയുന്നു.