കണ്ഠരര് രാജീവരുടെ മകന് കണ്ഠരര് ബ്രഹ്മദത്തനെ ശബരിമല തന്ത്രിയാക്കും. നിലവിലെ തന്ത്രി കണ്ഠരര് രാജീവരുടെ ആവശ്യം ദേവസ്വം ബോർഡ് പരിഗണിച്ചെന്നാണ് വിവരം. ബ്രഹ്മദത്തൻ തന്ത്രിയാകുന്നതിൽ ബോർഡിന് എതിരഭിപ്രായമില്ല. ബോര്ഡ് തീരുമാനം ഹൈക്കോടതിയെ അറിയിക്കും.
ജി. സുധാകരനെതിരെ ആലപ്പുഴയിൽ പരസ്യ പ്രതിഷേധം ശക്തമാക്കുന്നതിനിടെ കായംകുളം ഏരിയ കമ്മിറ്റി അംഗവുമായി രഹസ്യ ചർച്ച. കായംകുളം റസ്റ്റ് ഹൗസിലെ അടച്ചിട്ട മുറിയിൽ ഇരുവരും ചേർന്ന് ചർച്ച നടത്തിയപ്പോൾ, കൂടെയുണ്ടായിരുന്ന പാർട്ടി അംഗം പുറത്തുനിന്നു. രഹസ്യ ചർച്ചയ്ക്കെതിരെ സിപിഐഎം സംസ്ഥാന സെക്രട്ടറിക്ക് ഒരു വിഭാഗം പ്രവർത്തകർ പരാതി നൽകി. എം.വി. ഗോവിന്ദനെ ജി. സുധാകരൻ രൂക്ഷമായി വിമർശിച്ച ദിവസമാണ് ചർച്ച നടന്നത്.
കേന്ദ്ര സർക്കാരിന്റെ ഉമാംഗ് ആപ്പിൽ സുരക്ഷാ വീഴ്ചയെന്ന് കണ്ടെത്തൽ. പതിനായിരക്കണക്കിന് ഉപഭോക്താക്കളുടെ വിശദാംശങ്ങൾ ചോർത്താൻ കഴിയുമെന്ന് വിദഗ്ധർ കണ്ടെത്തി. ആപ്പ് വഴി ലഭ്യമാകുന്ന നൂറോളം സർവീസുകളിലെ വിവരങ്ങൾ ഹാക്ക് ചെയ്യാൻ കഴിയുന്ന രീതിയിലെന്ന് വിദഗ്ധർ.
സുഹൃത്തുക്കളുടെ നഗ്നദൃശ്യങ്ങൾ പ്രചരിപ്പിച്ചെന്ന കേസിൽ യൂട്യൂബർ തൊപ്പിയെന്ന നിഹാദ് ഒളിവിൽ. തൊപ്പിക്കായും കൂട്ടാളിക്കായും തിരച്ചിൽ ഊർജിതമാക്കി പൊലീസ്. അഞ്ച് ഇടങ്ങളിൽ പരിശോധന നടത്തി. കംപ്യൂട്ടർ അടക്കമുള്ളവ പിടിച്ചെടുക്കാൻ അന്വേഷണ സംഘത്തിൻ്റെ നീക്കം.
വര്ക്കലയില് വിനോദസഞ്ചാരിക്ക് കുത്തേറ്റു. തഞ്ചാവൂർ സ്വദേശിയായ 19-കാരൻ സുദർശനാണ് കുത്തേറ്റത്. സംഭവത്തിൽ വർക്കല ഓടയം സ്വദേശികളായ മുഹമ്മദ് അലിയേയും പ്രായപൂർത്തിയാകാത്ത ഒരാളേയും പിടികൂടി. പ്രായപൂർത്തിയാകാത്ത മറ്റൊരാൾക്കായി തെരച്ചിൽ തുടരുകയാണ്.
ഡിവൈഎഫ്ഐ കോഴിക്കോട് ജില്ലാ നേതൃത്വം പരാജയമെന്ന് ജില്ലാ സമ്മേളനത്തിൽ വിമർശനം. യുവാക്കളുടെ പ്രശ്നങ്ങൾ ഏറ്റെടുക്കാൻ സംഘടനയ്ക്കാകുന്നില്ല. പുതിയ കാലഘട്ടത്തിന് അനുസരിച്ച് സംഘടന മാറുന്നില്ല. സച്ചിൻ ദേവ് അടക്കം, തെരഞ്ഞെടുപ്പിൽ സിറ്റിങ്ങ് എംഎൽഎമാരെ മത്സരിപ്പിച്ചത് തെറ്റായ തീരുമാനമെന്നും വിമർശനം.
ഇന്ത്യൻ വംശജനായ നാസ ബഹിരാകാശ സഞ്ചാരി അനിൽ മേനോൻ ഇന്ന് ബഹിരാകാശത്തേക്ക് പറക്കും. കസാഖ്സ്ഥാനിലെ ബൈക്കന്നൂർ കോസ്മോഡ്രോമിൽ നിന്ന് ഇന്ത്യൻ സമയം രാത്രി 8.17നാണ് പേടകം കുതിച്ചുയരുക. ഇന്ത്യൻ സമയം രാത്രി 11.56ഓടെ പേടകം ബഹിരാകാശ നിലയവുമായി ഡോക് ചെയ്യും. പാലക്കാട് ഒറ്റപ്പാലം സ്വദേശിയാണ് അനിലിന്റെ പിതാവ് ശങ്കരന് മേനോന്.
മുന് മുഖ്യമന്ത്രിയുടെ സുരക്ഷാ ഉദ്യോഗസ്ഥർ ആലപ്പുഴയിൽ യൂത്ത് കോൺഗ്രസ് പ്രവർത്തകരെ മർദിച്ച കേസ് അട്ടിമറിച്ചതിൽ എഡിജിപി എം.ആർ. അജിത് കുമാറിൻ്റെ പങ്കിൽ കൂടുതൽ വ്യക്തത തേടി ഡിജിപി. പ്രത്യേക അന്വേഷണ സംഘത്തോട് കൂടുതൽ വിവരങ്ങൾ തേടി. എസ്ഐടി റിപ്പോർട്ടിൽ അജിത് കുമാറിനെ നേരിട്ട് കുറ്റപ്പെടുത്തിയിരുന്നില്ല. നടപടിയെടുക്കുന്നത് നിയമവശം പരിശോധിച്ച് മാത്രമെന്നായിരുന്നു എസ്ഐടി റിപ്പോർട്ടിൽ പറഞ്ഞിരുന്നത്. പൊലീസ് മേധാവിയുടെ അന്തിമ റിപ്പോർട്ട് വൈകും.
കൊച്ചിയിൽ ഹരിത കർമസേനാംഗത്തിന് മർദനമേറ്റു. മാലിന്യം എടുത്ത പണം ആവശ്യപ്പെട്ടതിനാണ് ഹരിത കർമസേനാംഗം സിജോയ്ക്കും ഭാര്യയ്ക്കും മർദനമേറ്റത്. കലൂർ ഫ്രീഡം റോഡിൽ താമസിക്കുന്ന ഷാജഹാനാണ് മർദിച്ചത്.
എട്ട് പേരുടെ ജീവനെടുത്ത കള്ളാടി ദുരന്തത്തിന് ശേഷവും തുരങ്ക നിർമാണത്തിന്റെ ഭാഗമായി കൂട്ടിയിട്ട മണ്ണ് നീക്കാനുള്ള നടപടികൾ ആരംഭിക്കാതെ സർക്കാർ. മണ്ണ് മാറ്റുന്നത് പഠിക്കാൻ സർക്കാർ നിയോഗിച്ച വിദഗ്ധ സംഘം ഇനിയും അപകടസ്ഥലം സന്ദർശിച്ചില്ല. ദുരന്തത്തിന് പിന്നാലെ ഈ മാസം പത്തിനാണ് മൂന്നംഗ സംഘത്തെ നിയോഗിച്ച് സർക്കാർ ഉത്തരവിറക്കിയത് . ഏറ്റവും ചുരുങ്ങിയ സമയത്തിനുള്ളിൽ പ്രദേശത്തെ സ്ഥിതി പഠിച്ച് റിപ്പോർട്ട് കൈമാറാനായിരുന്നു നിർദേശം.
കൊല്ലം കരുനാഗപ്പള്ളിയിൽ മദ്യക്കുപ്പിയുമായി എത്തി ഹോട്ടൽ അടിച്ചു തകർത്ത് യുവാവ്. മന്തി കുറഞ്ഞു പോയതാണ് പ്രകോപന കാരണമെന്ന് യുവാവ് പൊലീസിനോട് പറഞ്ഞു. യുവാവിനെ കസ്റ്റഡിയിലെടുത്ത് കരുനാഗപ്പള്ളി പൊലീസ്.
ആസൂത്രണ ബോര്ഡിലെ പിഎസ്സി പരീക്ഷ തട്ടിപ്പില് അന്വേഷണ സംഘം വിപൂലികരിക്കാന് തീരുമാനം. കംപ്യൂട്ടർ വിദഗ്ധരെയടക്കം സംഘത്തിൽ ഉള്പ്പെടുത്തും. ആസൂത്രണ ബോര്ഡിലെ 2019ലെ പിഎസ്സി പരീക്ഷ തട്ടിപ്പും എസ്ഐടി പരിശോധിക്കുന്നു. ചീഫ് തസ്തികകളിൽ പരീക്ഷ എഴുതിയ ഉദ്യോഗാര്ഥികളുടെ മൊഴി രേഖപ്പെടുത്താൻ ക്രൈംബ്രാഞ്ച് ആസ്ഥാനത്ത് ഹാജരാകാന് ആവശ്യപ്പെട്ടു. 2019ല് എഴുത്തുപരീക്ഷയില് പിന്നിലായ ഇടത് നേതാവിന് ഒന്നാം റാങ്ക് ഉറപ്പിക്കാന് അഭിമുഖത്തിന് പിഎസ്സി നല്കിയത് 40ല് 38 മാര്ക്കാണ്.
പയ്യന്നൂർ ബേബി മെമ്മോറിയൽ ആശുപത്രിയിൽ അനസ്തേഷ്യ നൽകിയതിന് പിന്നാലെ ഒന്നര വയസുകാരൻ മരിച്ചതിൽ ഡോക്ടർമാരെ ഇന്ന് ചോദ്യം ചെയ്യും. അനസ്തീഷ്യ നൽകിയ ഡോക്ടർ, പീഡിയാട്രീഷ്യൻ, പ്ലാസ്റ്റിക് സർജൻ എന്നിവരെയാണ് പയ്യന്നൂർ പൊലീസ് ചോദ്യം ചെയ്യുക. മൂന്ന് പേരോടും സ്റ്റേഷനിൽ എത്താൻ പൊലീസ് ആവശ്യപ്പെട്ടിരുന്നു. നിലവിൽ അനസ്തീഷ്യ നൽകിയ ഡോക്ടർ മാത്രമാണ് കേസിൽ പ്രതി.
ഹോർമുസിൽ യുഎഇ ടാങ്കറുകൾക്ക് നേരെയുള്ള ഇറാൻ ആക്രമണത്തിൽ ഒരു ഇന്ത്യൻ നാവികൻ കൊല്ലപ്പെട്ടു. സംഭവത്തിൽ എട്ട് പേർക്ക് പരിക്കേൽക്കുകയും ചെയ്തെന്ന് യുഎഇ പ്രതിരോധ മന്ത്രാലയം അറിയിച്ചു. പരിക്കേറ്റവരിൽ ആറ് പേർ ഇന്ത്യക്കാരാണെന്നാണ് റിപ്പോർട്ടുകൾ.
അതിനിടെ ഇറാനെതിരെ ആക്രമണം ശക്തമാക്കി അമേരിക്ക. ഇറാനിലെ ബന്ദർ അബ്ബാസിലും കിഷ് ദ്വീപിലും സ്ഫോടനങ്ങൾ നടന്നതായി ഇറാനിയൻ മാധ്യമങ്ങൾ റിപ്പോർട്ട് ചെയ്തു. ഇറാനെതിരെ അമേരിക്ക പ്രഖ്യാപിച്ച നാവിക ഉപരോധം ആരംഭിച്ചു.
പ്രതിപക്ഷ ഉപനേതൃപദവിയിൽ വിട്ടുവീഴ്ചകൾക്ക് തയ്യാറാകാതെ സിപിഐ. തർക്കം പരിഹരിക്കാൻ സിപിഐഎം- സിപിഐ ഉഭയകക്ഷി ചർച്ച ഇന്ന്. എൽഡിഎഫ് കണ്വീനര് ടി.പി. രാമകൃഷ്ണൻ ബിനോയ് വിശ്വത്തെ കാണും. കൂടിക്കാഴ്ച എം.എന്. സ്മാരകത്തിൽ. പദവി ലഭിച്ചില്ലെങ്കിൽ നടപടികളിലേക്ക് കടക്കണമെന്ന് സിപിഐയിൽ അഭിപ്രായം.
ബിജെപി കൗൺസിലർ ആർ. സുഗതൻ ഇന്ന് ജയിലിൽ സത്യപ്രതിജ്ഞ ചെയ്യും. രാവിലെ 11ന് വിയ്യൂർ ജയിൽ സൂപ്രണ്ടിൻ്റെ മുറിയിൽ സത്യപ്രതിജ്ഞ. മേയർ വി.വി. രാജേഷ് സത്യവാചകം ചൊല്ലിക്കൊടുക്കും. ചടങ്ങിൽ മാധ്യമങ്ങൾക്കും പ്രവേശനം. ജയിലിലെ സത്യപ്രതിജ്ഞ സംസ്ഥാനത്ത് ആദ്യം.