അറസ്റ്റിലായ ടി.ജി. മോഹൻദാസിൻ്റെ മൊബൈലിൽ വീഡിയോ കണ്ടെത്തി. സിജെപി സമരക്കാർക്കെതിരെ അധിക്ഷേപ പരാമർശം നടത്തിയ വീഡിയോ മോഹൻദാസിൻ്റെ ഫോണിൽ നിന്ന് കണ്ടെത്തി. ഇന്നലെ പൊലീസ് പിടിച്ചെടുത്ത ഫോണിൽ നിന്നാണ് വീഡിയോ കണ്ടെത്തിയത്. ടി.ജി. മോഹൻദാസിനെ പൊലീസ് കസ്റ്റഡിയിൽ ആവശ്യപ്പെടും. അന്വേഷണവുമായി പ്രതി സഹകരിക്കുന്നുണ്ടെന്നും പൊലീസ് അറിയിച്ചു.
കർക്കിടക വാവ് ബലിതർപ്പണം പ്രമാണിച്ച് കൂടുതൽ സർവീസുകൾ പ്രഖ്യാപിച്ച് കെഎസ്ആർടിസി. ബലിതർപ്പണ ദിവസം പുലർച്ചെ രണ്ടു മുതൽ സ്പെഷ്യൽ സർവീസുകൾ നടത്തും. 100 സർവീസുകൾ കൂടുതലായി നടത്താനാണ് തീരുമാനം.
കണ്ണൂർ വിമാനത്താവളത്തിൽ യാത്രക്കാരുടെ പ്രതിഷേധം. തിരുവനന്തപുരത്തേക്കുള്ള എയർ ഇന്ത്യ എക്സ്പ്രസ് വിമാനം വൈകുന്നതിനെ തുടർന്നാണ് യാത്രക്കാർ പ്രതിഷേധിക്കുന്നത്. വിമാനങ്ങൾ വൈകുന്നത് സംബന്ധിച്ച് അറിയിപ്പ് നൽകിയില്ലെന്ന് യാത്രക്കാർ പരാതിപ്പെട്ടു. അതേസമയം, അറിയിപ്പ് നൽകിയിരുന്നുവെന്ന് എയർ ഇന്ത്യ എക്സ്പ്രസ് അധികൃതർ വ്യക്തമാക്കി. രാവിലെ 7.05ന് പുറപ്പെടേണ്ട തിരുവനന്തപുരം വിമാനം പുറപ്പെടുക ഉച്ചക്ക് 1.30ന് ആയിരിക്കും. കണ്ണൂർ-ദുബായ് വിമാനം റദ്ദാക്കിയതിലും യാത്രക്കാർ പ്രതിഷേധിച്ചു.
കോഴിക്കോട് ജില്ലയിലെ കുറ്റ്യാടിക്ക് അടുത്ത് നിട്ടൂരിൽ മൂന്ന് യുവാക്കൾക്ക് വെട്ടേറ്റു. ഇന്നലെ രാത്രി 10 മണിയോടെ മൊട്ടന്തറയിൽ വച്ചായിരുന്നു ഞെട്ടിക്കുന്ന സംഭവം. നിട്ടൂർ മൊട്ടന്തറ സ്വദേശികളായ ഷോജിൻ, ബബിൻ, അശ്വിൻ എന്നിവർക്കാണ് വെട്ടേറ്റത്. ബൈക്കുകളിലെത്തിയ പത്തിലേറെ പേരടങ്ങുന്ന സംഘമാണ് വാക്കത്തി ഉപയോഗിച്ച് യുവാക്കളെ അക്രമിച്ചത്
കേന്ദ്ര ആഭ്യന്തര മന്ത്രി അമിത് ഷാ രാജിവയ്ക്കണമെന്ന് പ്രതിപക്ഷ നേതാവ് രാഹുൽ ഗാന്ധി. ഡൽഹിയിലെ പൊലീസ് നടപടിയിൽ പ്രസ്താവനയ്ക്കോ, അന്വേഷണത്തിന് ഉത്തരവിടാനോ അമിത് ഷാ തയ്യാറായില്ലെന്നും രാഹുൽ വിമർശിച്ചു. കേന്ദ്ര ആഭ്യന്തര മന്ത്രി പാർലമെൻ്റിലും എത്തിയില്ല. പ്രതിപക്ഷത്തിൻ്റെ അടിയന്തര പ്രമേയത്തിന് അനുമതി നിഷേധിച്ചു. മോദി സർക്കാറിൽ അധികാരം കേന്ദ്രീകരിച്ചിരിക്കുന്നത് രണ്ട് പേരിലേക്കാണ്. മോദിയുടെയും അമിത് ഷായുടെയും അനുമതിയില്ലാതെ ഒന്നും നടക്കില്ല. നിലവിൽ പ്രധാനമന്ത്രിയുടെ പ്രതിച്ഛായ തകർന്നു. അത് ഇനി വീണ്ടെടുക്കാനാകില്ലെന്നും രാഹുൽ ഗാന്ധി വിമർശിച്ചു.
പ്രതിപക്ഷ പ്രതിഷേധങ്ങൾക്കിടെ കേന്ദ്ര ആഭ്യന്തരമന്ത്രി അമിത് ഷാ ഇന്ന് പാർലമെന്റിൽ. ഡൽഹി പൊലീസ് അതിക്രമത്തിൽ അമിത് ഷാ മറുപടി പറയണമെന്ന ആവശ്യത്തിൽ ഉറച്ച് പ്രതിപക്ഷം. സിജെപി പ്രക്ഷോഭത്തിന് ശേഷം ആഭ്യന്തരമന്ത്രി സഭയിലെത്തുന്നത് ഇത് ആദ്യമായി. സംസ്ഥാനത്തിന്റെ ഔദ്യോഗിക പേര് കേരളം എന്നാക്കുന്ന ബില്ല് ഇന്ന് ലോക്സഭയിൽ.
പുതിയ കെപിസിസി അധ്യക്ഷ പ്രഖ്യാപനം വൈകുന്നതിൽ ഹൈക്കമാൻഡിനെ അതൃപ്തി അറിയിച്ച് മുഖ്യമന്ത്രി. കെപിസിസിയും അഞ്ച് ഡിസിസികളും നാഥനില്ലാ കളരിയെന്ന് വി.ഡി. സതീശൻ. സിപിഐഎം-ബിജെപി ആരോപണങ്ങളെ ഫലപ്രദമായി പ്രതിരോധിക്കാൻ കഴിയുന്നില്ല. പ്രഖ്യാപനം ഇനിയും നീട്ടാൻ ചിലർ ബോധപൂർവം ശ്രമിക്കുന്നു. ചർച്ചകൾക്കായി ഈ ആഴ്ച തന്നെ ഡൽഹിയിൽ എത്താമെന്ന് രാഹുൽ ഗാന്ധിയെ മുഖ്യമന്ത്രി അറിയിച്ചു.
കണ്ണൂരിൽ അതിനാടകീയമായി പൊലീസ് പിടികൂടിയ അർജുൻ ആയങ്കിയെ സഹായിച്ചവർക്കായി അന്വേഷണം. ഒളിവിൽ കഴിയാൻ സഹായിച്ചവരെ തിരഞ്ഞ് പൊലീസ്. അർജുൻ കണ്ണൂരിലെത്തിയത് കഴിഞ്ഞ ബുധനാഴ്ച. സഹായിച്ചത് സുഹൃത്ത് പ്രണവും ബന്ധു കുട്ടനും. രണ്ട് ദിവസം തങ്ങിയത് തളിപ്പറമ്പിലെ ലോഡ്ജിൽ.
സിജെപി പ്രക്ഷോഭകർക്ക് നേരെ വിദ്വേഷ പരാമർശത്തിൽ സംഘപരിവാർ അനുഭാവി ടി.ജി. മോഹൻദാസിന്റെ അറസ്റ്റ് രേഖപ്പെടുത്തി. തിരുവനന്തപുരത്ത് എത്തിച്ച പ്രതിയെ ഇന്ന് കോടതിയിൽ ഹാജരാക്കും. വിവാദ വീഡിയോ ചിത്രീകരിച്ച ഡിജിറ്റൽ ഉപകരണങ്ങൾ പിടിച്ചെടുത്ത് അന്വേഷണ സംഘം. ഇന്നലെ തിരുവനന്തപുരം സൈബർ പൊലീസ് കസ്റ്റഡിയിൽ എടുത്തത് കൊച്ചി മട്ടാഞ്ചേരിയിലെ വീട്ടിൽ നിന്ന്.