NEWSROOM

പിഎസ്‌സി പരീക്ഷാ മൂല്യ നിര്‍ണയത്തില്‍ വന്‍ അട്ടിമറി; തെളിവുകൾ പുറത്ത്

ഇന്നത്തെ പ്രധാന വാർത്തകൾ അറിയാം...

ന്യൂസ് ഡെസ്ക്

പൊള്ളലേറ്റ് ചികിത്സയിലായിരുന്ന യുവാവ് മരിച്ചു

ഇടുക്കി കരിമ്പനില്‍ ഗ്യാസ് സിലിണ്ടറില്‍ നിന്ന് തീ പടര്‍ന്ന് പൊള്ളലേറ്റ് ചികിത്സയിലായിരുന്ന യുവാവ് മരിച്ചു. കരിമ്പന്‍ സ്വദേശി ജസ്റ്റിന്‍ ജോസ് ആണ് മരിച്ചത്. എറണാകുളം മെഡിക്കല്‍ സെന്ററില്‍ ചികിത്സയിലിരിക്കെ ഹൃദയാഘാതത്തെ തുടര്‍ന്നാണ് മരണം. ജൂണ്‍ 22 നായിരുന്നു അപകടം. അപകടത്തില്‍ പരിക്കേറ്റ ജസ്റ്റിന്റെ മാതാവ് ജോളി ജോസ് ചികിത്സയില്‍ തുടരുകയാണ്.

ഒഴുക്കില്‍പെട്ടയാളുടെ മൃതദേഹം കണ്ടെത്തി

കോഴിക്കോട് ആനക്കാംപൊയില്‍ പതങ്കയത്ത് ഒഴുക്കില്‍പ്പെട്ട മലപ്പുറം സ്വദേശി ഷിബിലിയുടെ മൃതദേഹം കണ്ടെത്തി. പതങ്കയത്തിന് താഴെ ചെക്ക് ഡാമിന് സമീപത്ത് നിന്നാണ് മൃതദേഹം കണ്ടെത്തിയത്. ശനിയാഴ്ച വൈകിട്ടാണ് മലപ്പുറം കീഴ്‌ശേരി സ്വദേശി ഷിബിലി പതങ്കയത്ത് ഒഴുക്കില്‍പ്പെട്ടത്. ആന്ധ്ര സ്വദേശികളായ വിനോദ സഞ്ചാരികളോടൊപ്പം ഗൈഡ് ആയി എത്തിയതായിരുന്നു ഷിബിലി. മലവെള്ളപ്പാച്ചിലില്‍ ഒഴുക്കില്‍പ്പെട്ട വിനോദ സഞ്ചരികളെ രക്ഷിക്കാന്‍ പുഴയില്‍ ഇറങ്ങിയപ്പോള്‍ ഷിബിലി ഒഴുക്കില്‍പ്പെടുകയായിരുന്നു.

പിഎസ്‌സി പരീക്ഷാ മൂല്യ നിര്‍ണയത്തില്‍ വന്‍ അട്ടിമറി; തെളിവുകൾ പുറത്ത്

തിരുവനന്തപുരം: ആസൂത്രണ ബോര്‍ഡിലെ പിഎസ്‌സി പരീക്ഷാ ക്രമക്കേടിൽ നിർണായക കണ്ടെത്തൽ. മൂല്യ നിര്‍ണയത്തില്‍ നടന്നത് വന്‍ അട്ടിമറിയെന്ന് തെളിയിക്കുന്ന രേഖകൾ ന്യൂസ് മലയാളത്തിന് ലഭിച്ചു. മൂല്യനിര്‍ണയം നടത്തിയത് കേവലം 42 മാര്‍ക്കില്‍ മാത്രം. 228 ഉദ്യോഗാര്‍ഥികളുടെ ഉത്തരക്കടലാസുകള്‍ മൂല്യനിര്‍ണയം നടത്തിയത് ഓണ്‍ സ്ക്രീന്‍ മാര്‍ക്കിങ് വഴിയാണ്. ചോദ്യപേപ്പറിന്‍റെ പകര്‍പ്പ് ന്യൂസ് മലയാളം പുറത്തുവിട്ടു.

മഴ കനക്കുന്നു; ഇന്ന് എല്ലാ ജില്ലകളിലും മുന്നറിയിപ്പ്

സംസ്ഥാനത്ത് മഴ കനക്കുന്നു. ഇന്ന് എല്ലാ ജില്ലകളിലും മഴ മുന്നറിയിപ്പുണ്ട്.

പതങ്കയത്ത് ഒഴുക്കിൽപ്പെട്ട മലപ്പുറം സ്വദേശിക്കായുള്ള തെരച്ചിൽ തുടരുന്നു

കോഴിക്കോട് ആനക്കാംപൊയിൽ പതങ്കയത്ത് ഒഴുക്കിൽപ്പെട്ട മലപ്പുറം സ്വദേശിക്കായുള്ള തിരച്ചിൽ രണ്ടാം ദിവസവും തുടരുകയാണ്. ശനിയാഴ്ച വൈകിട്ടാണ് മലപ്പുറം കീഴ്ശേരി സ്വദേശി ഷിബിലി പതങ്കയത്ത് ഒഴുക്കിൽപ്പെട്ടത്. സ്കൂബ ഡൈവേഴ്സിനെയും ഡ്രോണുകളും ഉപയോഗിച്ചാണ് തിരച്ചിൽ നടത്തുന്നത്.

അനിവാര്യമായ വിടവാങ്ങലെന്ന് ഗീന കുമാരി 

നിയമത്തിനും നീതിബോധത്തിനും കോട്ടം തട്ടുന്ന ഒന്നും ചെയ്തിട്ടില്ലെന്ന് ഗീനാ കുമാരി

പിഎസ്‌സിയുടെ നിര്‍ണായക യോഗം ഇന്ന്

പിഎസ്‌സി പരീക്ഷ ക്രമക്കേടില്‍ അടിയന്തര തീരുമാനമെടുക്കാന്‍ ചെയര്‍മാനും കമ്മീഷന്‍ അംഗങ്ങളും ഇന്ന് നിര്‍ണായക യോഗം ചേരും. പിഎസ്‌സി ആസ്ഥാനത്ത് ചേരുന്ന യോഗത്തില്‍ ചെയര്‍മാന്‍ എം.ആര്‍. ബൈജു, ഓണ്‍ സ്‌ക്രീന്‍ മാര്‍ക്കിങ്ങിലുണ്ടായ വീഴ്ചകള്‍ അംഗങ്ങളോട് വിശദീകരിക്കും. ശേഷമാകും തുടര്‍നടപടികളില്‍ യോഗം തീരുമാനമെടുക്കുക. അതേസമയം ഉത്തരക്കടലാസുകള്‍ പുനര്‍മൂല്യനിര്‍ണയം നടത്താന്‍ തീരുമാനമായിട്ടുണ്ട്.

സംഘര്‍ഷം അവസാനിക്കുന്നു

യുഎസ് - ഇറാന്‍ സംഘര്‍ഷം അവസാനിക്കുന്നു. സംഘര്‍ഷം അവസാനിപ്പിക്കാന്‍ ഇരു കൂട്ടുരും ധാരണയായതായി റിപ്പോര്‍ട്ട്. നാളെ ദോഹയില്‍ സമാധാന ചര്‍ച്ച നടന്നേക്കും.

ഹോര്‍മുസ് തര്‍ക്കം ചര്‍ച്ചയായേക്കും

ഇന്ന് എല്ലാ ജില്ലകളിലും മഴ മുന്നറിയിപ്പ്

സംസ്ഥാനത്ത് കാലവര്‍ഷം ശക്തിപ്രാപിക്കുന്നു. ഇന്ന് എല്ലാ ജില്ലകളിലും മഴ മുന്നറിയിപ്പ്. കാസര്‍കോഡ്, കണ്ണൂര്‍, ജില്ലകളില്‍ ഓറഞ്ച് അലേര്‍ട്ട്. ശക്തമായ കാറ്റിനും ഇടിമിന്നലിനും സാധ്യതയെന്ന് മുന്നറിയിപ്പ്. മലയോര മേഖലകളില്‍ ജാഗ്രതാ നിര്‍ദേശമുണ്ട്. വ്യാഴാഴ്ച വരെ മഴ തുടരുമെന്ന് കാലാവസ്ഥ നിരീക്ഷണ കേന്ദ്രം

നിര്‍ണായക കൗണ്‍സില്‍ യോഗം ഇന്ന് 

വിവാദങ്ങള്‍ക്കിടെ തിരുവനന്തപുരം കോര്‍പറേഷനിലെ നിര്‍ണായക കൗണ്‍സില്‍ യോഗം ഇന്ന്. കാപ്പാ കേസ് പ്രതിയായ കൗണ്‍സിലര്‍ ആര്‍. സുഗതന്റെ രാജി ആവശ്യപ്പെട്ട പ്രതിഷേധം ശക്തമാക്കാന്‍ പ്രതിപക്ഷം. നഗരസഭയിലേക്ക് മാര്‍ച്ച് നടത്താന്‍ കോണ്‍ഗ്രസ്. റിലേ സത്യാഗ്രഹവുമായി എല്‍ഡിഎഫ്.

സര്‍ക്കാര്‍ ഹൈക്കോടതിയിലേക്ക്

ഇഡി ഉദ്യോഗസ്ഥരെ ആക്രമിച്ച കേസില്‍ പ്രതിയുടെ ജാമ്യം റദ്ദാക്കാന്‍ സര്‍ക്കാര്‍ ഹൈക്കോടതിയിലേക്ക്. ഒമ്പതാം പ്രതി ഹരീഷിന്റെ ജാമ്യം റദ്ദാക്കണമെന്ന് ആവശ്യപ്പെട്ട് ഇന്ന് അപ്പീല്‍ നല്‍കും. മുന്‍ പ്രോസിക്യൂട്ടര്‍ ഗീനാകുമാരിയുടെ വീഴച്ച ചൂണ്ടിക്കാണിക്കും. സര്‍ക്കാര്‍ അപ്പീലില്‍ ഇഡിയും കക്ഷി ചേര്‍ന്നേക്കും. കേസില്‍ എട്ടാം പ്രതി ഷഫീക്കിന്റെ ജാമ്യ അപേക്ഷ കോടതി ഇന്ന് പരിഗണിക്കും

പതിനാറാം നിയമസഭയുടെ ആദ്യ സമ്മേളനം ഇന്ന് പുനരാരംഭിക്കും

പതിനാറാം നിയമസഭയുടെ ആദ്യ സമ്മേളനം ഇന്ന് പുനരാരംഭിക്കും. മൂന്നുദിവസം സമ്മേളിച്ച്‌ സഭ ബുധനാഴ്‌ച പിരിയും. ഇന്നും നാളെയും ധനാഭ്യർഥനകൾ പരിഗണിക്കും. വീര്യം കുറഞ്ഞ മദ്യത്തിന്‌ നികുതി നിശ്‌ചയിച്ചതടക്കമുള്ള ധനബില്ലുകൾ ബുധനാഴ്‌ച്ച സഭയിലെത്തും.

SCROLL FOR NEXT