സുഹൃത്തുക്കളുടെ നഗ്നദൃശ്യങ്ങൾ സമൂഹമാധ്യമത്തിലൂടെ പ്രചരിപ്പിച്ചെന്ന കേസിൽ തൊപ്പിയുടെ യൂട്യൂബ് ചാനൽ നീക്കം ചെയ്തു. പൊലീസ് നൽകിയ റിപ്പോർട്ടിന്റെ അടിസ്ഥാനത്തിലാണ് യൂട്യൂബിന്റെ നടപടി. ആലുവ റൂറൽ സൈബർ പൊലീസ് രജിസ്റ്റർ ചെയ്ത കേസിലാണ് നടപടി. എറണാകുളം സെഷൻസ് കോടതിയിൽ പൊലീസ് റിപ്പോർട്ട് നൽകി.
മാരിടൈം ബോർഡ് പിരിച്ചുവിട്ടതിനെതിരെ ഹൈക്കോടതിയിൽ ഹർജി. സർക്കാർ പിരിച്ചുവിട്ട ബോർഡിലെ അംഗം നസീർ വെമ്പായമാണ് ഹർജി നൽകിയത്. ഹർജി ഹൈക്കോടതി ഇന്ന് പരിഗണിക്കും.
മൈഗ്രേഷൻ മാനേജ്മെന്റ്" ക്യാംപയിൻ ആരംഭിച്ചതിനുശേഷം 53,000ത്തിലധികം വിദേശ പൗരന്മാരെ നാടുകടത്തിയതായി ദക്ഷിണാഫ്രിക്കൻ സർക്കാർ. കൂടുതലും മലാവി, സിംബാബ്വെ, മൊസാംബിക് എന്നിവിടങ്ങളിൽ നിന്നുള്ളവരാണെന്നാണ് റിപ്പോർട്ട്.
തീരദേശനഗരമായ തായ് ഷൗവില്, ബാവി ചുഴലിക്കാറ്റ് കരതൊട്ടതോടെ ചൈനയില് 2 മില്യൺ ആളുകളെ അപകടമേഖലയില് നിന്നൊഴിപ്പിച്ചതായി റിപ്പോര്ട്ടുകള്. 69ലേറെ പേർ മരണപ്പെട്ടതായും റിപ്പോർട്ടുണ്ട്. ശക്തമായ കൊടുങ്കാറ്റിനു പുറമെ പെരുമഴയുമുള്ള സാഹചര്യത്തില് ചൈനയിലെ ജനജീവിതം നിലവില് ദുസ്സഹമാണ്. ഈ വര്ഷം ചൈനയിലുണ്ടായ കൊടുങ്കാറ്റുകളില് എറ്റവും ശക്തിയേറിയതാണ് ബാവി.
എറണാകുളം കാലടിയിൽ കാട്ടാന ശല്യം വീണ്ടും രൂക്ഷം. കാട്ടാനയുടെ ആക്രമണത്തിൽ നിന്നും ഗൃഹനാഥൻ രക്ഷപ്പെട്ടത് തലനാരിഴക്ക്. അയ്യമ്പുഴ പഞ്ചായത്തിലെ താമസിക്കുന്ന ആൻ്റുവാണ് കാട്ടാന ആക്രമണത്തിൽ നിന്നു രക്ഷപ്പെടത്.
തൃശൂർ കുന്നംകുളത്ത് കൂട്ടത്തോടെ ജീവനൊടുക്കാൻ ശ്രമിച്ച് കുടുംബം. പിതാവ് സിബി ( 50 )യും മകൾ അലീന ( 18 ) യും മരിച്ചു. അമ്മയും മകനും ഗുരുതരാവസ്ഥയിലാണ്. ഇന്ന് രാവിലെയാണ് പഴഞ്ഞി സ്വദേശി സിബിയും കുടുംബവും ജീവനൊടുക്കാൻ ശ്രമിച്ചത്.
സ്വകാര്യ ബസ് ഉടമകളുമായി ഗതാഗത വകുപ്പ് മന്ത്രി സി.പി. ജോൺ ഇന്ന് തിരുവനന്തപുരത്ത് ചർച്ച നടത്തും. കെഎസ്ആർടിസിയിൽ പ്രിയദർശിനി പദ്ധതി നടപ്പിലാക്കിയതിലൂടെ സ്വകാര്യ ബസ് മേഖല പ്രതിസന്ധിയിലായ പശ്ചാത്തലത്തിലാണ് യോഗം. പ്രൈവറ്റ് ബസ് ഓപ്പറേറ്റേഴ്സ് അസോസിയേഷന്റെ നേതൃത്വത്തിൽ സംസ്ഥാനത്തിന്റെ വിവിധ ഭാഗങ്ങളിൽ കഴിഞ്ഞ ദിവസം പണിമുടക്ക് നടന്നിരുന്നു.
നടൻ ടിനി ടോമിന്റെ മുൻകൂർ ജാമ്യാപേക്ഷ എറണാകുളം സെഷൻസ് കോടതി ഇന്ന് പരിഗണിക്കും. പ്രോസിക്യൂഷൻ ഇന്ന് കോടതിയിൽ നിലപാട് അറിയിക്കും. കേസെടുക്കാൻ കഴിയില്ല എന്നായിരുന്നു പൊലീസ് നിലപാട്. അൻസിബ ഹസന്റെ പരാതിയിൽ കോടതി നിർദേശ പ്രകാരമാണ് ടിനി ടോമിനെതിരെ കടവന്ത്ര പൊലീസ് കേസെടുത്തത്. അഡ്ഹോക് കമ്മിറ്റിക്ക് തുടരാൻ അർഹതയില്ലെന്ന് കാണിച്ച് ശ്വേതാ മേനോൻ നൽകിയ ഹർജിയും ഇന്ന് വീണ്ടും പരിഗണിക്കും.
കണ്ണൂർ, കൊല്ലം, കോഴിക്കോട്, ആലപ്പുഴ അടക്കം ആറ് ജില്ലാ സെക്രട്ടറിയേറ്റുകൾക്ക് എതിരെ കടുത്ത തെറ്റ് തിരുത്തൽ നടപടികൾക്ക് ശുപാർശ ചെയ്ത് സിപിഐഎം കേന്ദ്ര കമ്മിറ്റി യോഗം. എം.വി. ഗോവിന്ദൻ ക്രിയാത്മകമായ സ്വയം വിമർശനത്തിന് തയ്യാറാകണം എന്ന് നേതാക്കൾ പറഞ്ഞു. കേരളത്തിലെ തോൽവിയിൽ പിണാറായി വിജയനെ പരോക്ഷമായി പ്രതിസ്ഥാനത്ത് നിർത്തിയാണ് കേന്ദ്ര കമ്മിറ്റി അംഗീകരിച്ച അവലോകന റിപ്പോർട്ട്. സിപിഐഎം കേന്ദ്ര കമ്മിറ്റി യോഗം ഇന്ന് അവസാനിക്കും.
വിംബിൾഡൺ കിരീടം നിലനിർത്തി യാനിക് സിന്നർ. നാല് സെറ്റ് നീണ്ട പോരാട്ടത്തിനൊടുവിൽ അലക്സാണ്ടർ സ്വരേവിനെ തോൽപ്പിച്ചു. സ്വരേവിന്റെ തോൽവി ആദ്യ സെറ്റ് നേടിയതിന് ശേഷം. സിന്നറിൻ്റെ അഞ്ചാം ഗ്രാൻസ്ലാം കിരീടമാണ്.
ഫ്രഞ്ച് ടീമിനെതിരെ വംശീയ അധിക്ഷേപം നടത്തിയ മുന് സ്പാനിഷ് പ്രധാനമന്ത്രി മരിയാനോ രജോയ് വിവാദത്തില്. ലോകകപ്പ് ഫ്രഞ്ച് ദേശീയ ടീമിൽ ഫ്രഞ്ച് കളിക്കാരില്ലെന്ന മരിയാനോ രജോയുടെ ഓൺലൈൻ പത്രത്തിലെ പ്രതികരണമാണ് വിവാദത്തിലായത്.
മൂന്ന് വര്ഷത്തിനുള്ളില് 54 ലക്ഷം അഫ്ഗാന് വംശജരെ നാടുകടത്തി പാകിസ്ഥാന്. 2023 ഒക്ടോബർ മുതലുള്ള കണക്കാണിത്. 2023ൽ ഏകദേശം 3.8 - 4.4 മില്യൺ അഫ്ഗാൻ വംശജർ പാകിസ്ഥാനിൽ ജീവിച്ചിരുന്നതായാണ് യുഎന്നിൻ്റെയും പാകിസ്ഥാൻ സർക്കാരിൻ്റെയും കണക്കുകൾ സൂചിപ്പിക്കുന്നത്. രാജ്യത്തെ വിദേശ പൌരന്മാരിൽ 98 ശതമാനവും അഫ്ഗാനികളായിരുന്നു.
തെക്കൻ ഇറാനിൽ ആക്രമണം കടുപ്പിച്ച് അമേരിക്ക. ബന്ദർ അബ്ബാസിലും, ഖേഷം ദ്വീപിലും വൻ സ്ഫോടനങ്ങൾ. ഹോർമൂസ് കടലിടുക്ക് ഇറാൻ നിയന്ത്രിക്കുന്നില്ലെന്ന് യുഎസ് സെൻട്രൽ കമാൻഡ്. ഒമാൻ തീരത്തിന് സമീപം കാണാതായ ഇന്ത്യക്കാരനായി തെരച്ചിൽ.
പരീക്ഷാ ക്രമക്കേടിൽ നിർണായക പിഎസ്സി യോഗം ഇന്ന്. പൊലീസ് അന്വേഷണത്തോട് എന്ത് നിലപാട് സ്വീകരിക്കണമെന്ന് യോഗം തീരുമാനിക്കും. ക്രമക്കേടിൽ പ്രാഥമിക നടപടികളിലേക്ക് കടക്കാൻ ഒരുങ്ങി ക്രൈംബ്രാഞ്ച്. പരാതിക്കാർക്ക് മൊഴി എടുക്കുന്നതിന് നോട്ടീസ് നൽകാൻ നീക്കം.
ബാങ്കോക്കിലെ പബ്ബിൽ തീപിടിത്തത്തിൽ 27 മരണം. 63 പേർക്ക് പരിക്ക്. അഗ്നിബാധ അർദ്ധരാത്രിക്ക് ശേഷം. തീപിടിത്തതിന്റെ കാരണത്തിൽ അവ്യക്തത.
ആലപ്പുഴ രക്ഷാപ്രവർത്തന കേസിൽ എസ്ഐടി റിപ്പോർട്ട് ഡിജിപി ഇന്ന് ആഭ്യന്തരവകുപ്പിന് കൈമാറും. പൊലീസ് ഉദ്യോഗസ്ഥർക്ക് എതിരായ നടപടി ശുപാർശയും റവാഡ ചന്ദ്രശേഖർ നൽകാൻ സാധ്യത. എഡിജിപി എം.ആർ. അജിത്കുമാറിന് എതിരായ നടപടി റിപ്പോർട്ടിന് ശേഷം അജിത് കുമാറിന്റെ ജീവനക്കാർക്ക് എതിരെയും നടപടിക്ക് സാധ്യത.