മലയാള സിനിമയിലെ ലഹരി ഉപയോഗം പിടിച്ചുകെട്ടാൻ നർകോട്ടിക്സ് കൺട്രോൾ ബ്യൂറോയും (എൻസിബി) രംഗത്ത്. എൻസിബിയുടെ നേതൃത്വത്തിൽ സിനിമാ സംഘടനകളുടെ യോഗം ചേർന്നു.
ആദ്യമായാണ് ഈ വിഷയത്തിൽ എൻസിബി സിനിമാ സംഘടനകളുടെ യോഗം വിളിച്ചത്. എഎംഎംഎ, ഫെഫ്ക്ക, മാക്ട, പ്രൊഡ്യൂസേഴ്സ് അസോസിയേഷൻ പ്രതിനിധികൾ യോഗത്തിൽ പങ്കെടുത്തു. മലയാള സിനിമയിൽ ലഹരി ഉപയോഗം വർദ്ധിച്ചു വരുന്ന റിപ്പോർട്ടുകളുടെ പശ്ചാത്തലത്തിലാണ് യോഗം വിളിച്ചത്.
ALSO READ: ഇന്ത്യ-പാക് സംഘര്‍ഷം; ജയ്‌സാല്‍മീറില്‍ നടന്നിരുന്ന മലയാള ചിത്രത്തിന്റെ ഷൂട്ടിംഗ് നിര്‍ത്തി വെച്ചു
നടന്മാർക്കും സംവിധായകർക്കും എതിരായ ലഹരി കേസുകളും എൻസിബി പരിശോധിച്ചു. ബോധവൽക്കരണം ശക്തമാക്കാൻ സിനിമാ സംഘടനകൾക്ക് എൻസിബി നിർദ്ദേശം നൽകിയിട്ടുണ്ട്.