മുംബൈയില്‍ ലോക്കല്‍ ട്രെയിനില്‍ നിന്ന് ട്രാക്കിലേക്ക് വീണ് അഞ്ച് യാത്രക്കാര്‍ മരിച്ചതായി റിപ്പോര്‍ട്ട്. മുംബൈയിലെ ഛത്രപതി ശിവജി മഹാരാജ് ടെര്‍മിനസില്‍ നിന്നും താനെയിലെ കാസറ ഭാഗത്തേക്ക് പോവുകയായിരുന്ന ലോക്കല്‍ ട്രെയിനിലാണ് അപകടമുണ്ടായത്.
10-12 പേര്‍ ട്രെയിനില്‍ നിന്ന് വീണിട്ടുണ്ടെന്ന് ഉദ്യോഗസ്ഥര്‍ പറയുന്നു. തിരക്ക് കാരണം യാത്രക്കാര്‍ വാതിലുകളില്‍ തൂങ്ങിയാണ് യാത്ര ചെയ്തിരുന്നതെന്നാണ് റിപ്പോര്‍ട്ട്.
റെയില്‍വേ ഉദ്യോഗസ്ഥര്‍ സ്ഥലത്തെത്തിയിട്ടുണ്ട്. അപകടത്തില്‍ പരിക്കേറ്റവരെ അടുത്തുള്ള ആശുപത്രികളിലേക്ക് മാറ്റി. സംഭവത്തില്‍ അന്വേഷണം ആരംഭിച്ചു.