കേരളത്തിൽ എൻസിപി പിളർന്നു. പി.സി ചാക്കോയ്ക്ക് ഒപ്പം നിന്ന വിഭാഗം നേതാക്കളാണ് കേരള കോൺഗ്രസ് ജോസഫ് ഗ്രൂപ്പിലേക്ക് ചേ‍ർന്നത്. എൻസിപി സംസ്ഥാന ഭാരവാഹികളും കമ്മിറ്റി അംഗങ്ങളും, വിവിധ ജില്ലാ ഭാരവാഹികളും ഇതോടെ എൻസിപി വിട്ടു. റെജി ചെറിയാൻ്റെ നേതൃത്വത്തിലുള്ള ഗ്രൂപ്പാണ് ഇപ്പോൾ എൻസിപി വിട്ട് കേരള കോൺഗ്രസ് ജോസഫ് വിഭാഗത്തോടൊപ്പം ചേ‍ർന്നിരിക്കുന്നത്. ജോസഫ് വിഭാഗവുമായി ചർച്ച നടത്തി.
നേരത്തെ ഇതേക്കുറിച്ച് അഭ്യൂഹങ്ങൾ നിലനിന്നിരുന്നുവെങ്കിലും ഔദ്യോഗിക പ്രഖ്യാപനമുണ്ടായത് ഇപ്പോഴാണ്. പിഎസ്‌സി കോഴ വിവാദമടക്കം പല കാരണങ്ങളും നിരത്തിയാണ് ഇപ്പോഴത്തെ എൻസിപിയുടെ പിളർപ്പ്. പാ‍ർട്ടിയുടെ ഭാഗത്ത് നിന്നും ഏകാധിപത്യപരമായ നിലപാടുകളാണ് ഉണ്ടായതെന്നും, പാ‍ർട്ടിയുടെ കൂട്ടായ നയങ്ങൾ ആരും കേൾക്കുന്നില്ല എന്ന് തുടങ്ങിയ കാര്യങ്ങളും പിളർന്ന വിഭാഗം ഉന്നയിച്ചു.
ആലപ്പുഴയിൽ വെച്ച് അടുത്ത മാസം ലയന സമ്മേളനം നടക്കും.