സംസ്ഥാന സ്കൂൾ കലോത്സവത്തിന്റെ ചരിത്രത്തിൽ ആദ്യമായാണ് പണിയ നൃത്തം ഒരു മത്സര ഇനമായി അരങ്ങേറിയത്. കാണികൾക്ക് വ്യത്യസ്തമായ അനുഭവമാണ് ഈ ഗോത്ര കലാരൂപം നൽകിയത്. പണിയ നൃത്തം ഉൾപ്പെടെ അഞ്ച് പുതിയ തദ്ദേശീയ കലാരൂപങ്ങളാണ് കലോത്സവത്തിൽ ഇക്കുറി ഉൾപ്പെടുത്തിയിരിക്കുന്നത്. ഇരുള നൃത്തം, മലപ്പുലയ ആട്ടം, പളിയ നൃത്തം, മംഗലം കളി തുടങ്ങി മറ്റ് കലാരൂപങ്ങളും കലോത്സവത്തിൽ ഉൾപ്പെടുത്തിയിട്ടുണ്ട്.
പണിയനൃത്തം അവതരിപ്പിച്ച എല്ലാ ടീമുകൾക്കും എ ഗ്രേഡ് ലഭിച്ചതിൻ്റെ സന്തോഷം തുടിതാളം കൊട്ടിയാണ് കുട്ടികൾ ആഘോഷമാക്കിയത്.
നിശാഗന്ധിയിൽ വെച്ച് നടന്ന ആഘോഷത്തിന്റെ ദൃശ്യങ്ങൾ...