പറവൂരിലെ സിപിഎം പ്രവർത്തകൻ്റെ ആത്മഹത്യയിൽ അന്വേഷണം ആവശ്യപ്പെട്ട് കോൺഗ്രസ്. സിപിഎമ്മിലെ വിഭാഗീയതയുടെ ഇരയാണ് മരിച്ച അച്ചൻചേരിൽ തമ്പിയെന്ന് കോൺഗ്രസ് ആരോപിച്ചു. കോൺഗ്രസ് സംഭവത്തിൽ രേഖാമൂലം പരാതി നൽകും. ലോക്കൽ സെക്രട്ടറിക്കും ഏരിയ കമ്മിറ്റി അംഗത്തിനും ആത്മഹത്യയിൽ പങ്കുണ്ടെന്നും കോൺഗ്രസ് ആരോപിച്ചു.
ALSO READ: "തൃശൂർ പൂരം കലക്കലില്‍ ത്രിതല അന്വേഷണം"; എഡിജിപിയുടെ വീഴ്ച പൊലീസ് മേധാവി അന്വേഷിക്കും: മുഖ്യമന്ത്രി
ഇന്നലെയാണ് പറവൂർ നന്ത്യാട്ടുകുന്നം അഞ്ചൻച്ചേരിൽ തമ്പിയെ(64) തൂങ്ങിമരിച്ച നിലയിൽ കണ്ടെത്തിയത്. എറണാകുളം നോർത്ത് റെയിൽവെ സ്റ്റേഷന് സമീപമുള്ള ലോഡ്ജിലാണ് തമ്പിയെ തൂങ്ങി മരിച്ച നിലയിൽ കണ്ടെത്തിയത്. ആത്മഹത്യാക്കുറിപ്പും പൊലീസ് കണ്ടെടുത്തിരുന്നു.
ശ്രദ്ധിക്കുക:
(ആത്മഹത്യ ഒന്നിനും പരിഹാരമല്ല. അതിജീവിക്കാൻ ശ്രമിക്കുക. മാനസികാരോഗ്യ വിദഗ്ധരുടെ സഹായം തേടുക. അത്തരം ചിന്തകളുളളപ്പോള്‍ 'ദിശ' ഹെല്‍പ് ലൈനില്‍ വിളിക്കുക. ടോള്‍ ഫ്രീ നമ്പര്‍: Toll free helpline number: 1056, 0471-2552056)