ഷൊർണൂർ - പാലക്കാട് റൂട്ടിൽ ട്രെയിൻ ഗതാഗതം പുനസ്ഥാപിച്ചു. വടക്കാഞ്ചേരിക്കും വള്ളത്തോൾ നഗർ സ്റ്റേഷനും ഇടയിൽ പാളത്തിലേക്ക് മണ്ണിടിഞ്ഞും വെള്ളംകയറിയും ഉണ്ടായ തടസം നീക്കിയാണ് റെയിൽ ഗതാഗതം പുനഃസ്ഥാപിച്ചത്. ഉച്ചക്ക് 12.20ഓടെയാണ് പാളത്തിലെ മണ്ണ് നീക്കി ഗതാഗതം പുനസ്ഥാപിച്ചത്.
പാളത്തിൽ വെള്ളം കയറിയതുമൂലം ഇന്ന് നാല് ട്രെയിനുകൾ പൂർണമായും, പത്ത് ട്രെയിനുകൾ ഭാഗികമായും റദ്ദാക്കിയിരുന്നു. ആ സർവീസുകളാണ് ഇപ്പോൾ പുനഃസ്ഥാപിച്ചിരിക്കുന്നത്. 06445 ഗുരുവായൂർ-തൃശൂർ ഡെയ്ലി എക്സ്‍പ്രസ്, 06446 തൃശൂർ - ഗുരുവായൂർ ഡെയ്ലി എക്സ്‍പ്രസ്, 06497 ഷൊർണൂർ-തൃശൂർ ഡെയ്ലി എക്സ്‍പ്രസ്, 06495 തൃശൂർ - ഷൊർണൂർ ഡെയ്ലി എക്സ്‍പ്രസ് എന്നീ ട്രെയിനുകളായിരുന്നു പൂർണമായും റദ്ദാക്കിയത്.