ജിയ മനേക് എന്ന പേര് കേട്ടാല്‍ അധികം പേര്‍ക്ക് അറിയാനിടയില്ല, എന്നാല്‍, ഗോപി ബഹുവിനെ ഭൂരിഭാഗം പേര്‍ക്കും അറിയാം.
പ്രശസ്ത ഹിന്ദി സീരിയല്‍ 'സാത്ത് നിഭാന സാത്തിയ എന്ന സീരിയയിലെ പ്രധാന കഥാപാത്രമായിരുന്നു ഗോപി ബഹു
ജിയ മനേക് ആണ് ഗോപി ബഹുവിനെ അവതരിപ്പിച്ചത്. ഭര്‍ത്താവിന്റെ ലാപ്‌ടോപ്പ് കഴുകി ഉണക്കാനിട്ട ഗോപി ബഹു ട്രോളുകളിലേയും സ്ഥിരം സാന്നിധ്യമാണ്.
ജിയ മനേകിന്റെ വിവാഹമായിരുന്നു ഇന്ന്. സീരിയല്‍ താരം വരുണ്‍ ജെയ്ന്‍ ആണ് വരന്‍. 'ദിയ ഔര്‍ ബാത്തി ഹം' എന്ന ജനപ്രിയ സീരിയയിലൂടെ പ്രശസ്തനാണ് വരുണ്‍ ജെയ്ന്‍.
ഇന്‍സ്റ്റഗ്രാം പോസ്റ്റിലൂടെയാണ് വിവാഹ വാര്‍ത്ത താരങ്ങള്‍ ആരാധകരെ അറിയിച്ചത്.
സ്റ്റാര്‍ പ്ലസില്‍ പ്രക്ഷേപണം ചെയ്ത സാത്ത് നഭാന സാത്തിയയിലൂടെയാണ് ജിയ മനേക് ശ്രദ്ധിക്കപ്പെടുന്നത്. ഇതിനു ശേഷം ജീനി ഔര്‍ ജൂജു, തേരാ മേരാ സാത്ത് രഹേ എന്നീ സീരിയലുകളിലും ജിയ അഭിനയിച്ചിട്ടുണ്ട്.