സംഗീത സംവിധായകനും സിനിമാ നിർമാതാവുമായ പലാഷ് മുച്ചൽ ആണ് സ്മൃതിയുടെ വരൻ.
ഇരുവരും ദീർഘകാലമായി പ്രണയത്തിലായിരുന്നു എങ്കിലും അടുത്തിടെയാണ് പലാഷ് വിവാഹ വാർത്ത പുറത്തുവിട്ടതും ബന്ധം സ്ഥിരീകരിച്ചതും.
ഏറ്റവും കുറച്ച് ആളുകളെ മാത്രം ഉൾക്കൊള്ളിച്ച് നടത്തുന്ന ഇൻ്റിമേറ്റ് വെഡ്ഡിങ്ങിൽ ക്രിക്കറ്റ് ലോകത്തെ പ്രമുഖർ എല്ലാം പങ്കെടുക്കും.
സ്മൃതിയുടെ വീട്ടിൽ നിന്നുള്ള വിവാഹത്തലേന്നത്തെ ആഘോഷങ്ങളുടെ ചിത്രങ്ങളും വീഡിയോകളും സമൂഹ മാധ്യമങ്ങളിൽ വ്യാപകമായി പ്രചരിക്കുകയാണ്.
വിവാഹം കളറാക്കാൻ ഇന്ത്യൻ വനിതാ ക്രിക്കറ്റ് ടീമിലെ അംഗങ്ങളും നൃത്തവുമായി എത്തിയിരുന്നു.
പതിവ് രീതികളിൽ നിന്ന് വ്യത്യസ്തമായ ഉച്ചയ്ക്ക് ശേഷമാണ് വിവാഹം നടക്കുകയെന്നാണ് റിപ്പോർട്ടുകൾ.
മന്ദാനയും പലാഷ് മുച്ചലും തമ്മിലുള്ള പ്രണയം 2019ലാണ് ആരംഭിച്ചത്.
ഈ അടുപ്പം വർഷങ്ങളോളം രഹസ്യമായി സൂക്ഷിച്ചു വച്ചു.