രജത് പാട്ടിദാർ Photo|BCCI
CRICKET

അടിച്ച് തകർത്ത് രജത് പാട്ടിദാർ; സയ്ദ് മുഷ്‌താഖ്‌ അലി ടൂർണ്ണമെന്റിൽ സിക്സുകളിൽ റെക്കോഡ്

ഒരിന്നിങ്‌സിൽ ഏറ്റവും കൂടുതൽ സിക്സുകൾ എന്ന സംസ്ഥാന റെക്കോർഡാണ് തിരുത്തിയത്. 13 സിക്സുകളും 8 ബൗണ്ടറികളുമടങ്ങുന്ന ഇന്നിങ്‌സിൽ 41 പന്തുകളിൽ നിന്നാണ് രജത് സെഞ്ചുറി നേടിയത്.

Author : ന്യൂസ് ഡെസ്ക്

ചണ്ഡിഗർ: അസമിനെതിരെയുള്ള സയ്ദ് മുഷ്‌താഖ്‌ അലി ടൂർണമെന്റിൽ 48 പന്തിൽ 135 റൺസ് നേടി പുറത്താകാതെ നിൽക്കുമ്പോൾ, രജത് പാട്ടിദാർ തിരുത്തിയത് ചരിത്രം. ഒരിന്നിങ്‌സിൽ ഏറ്റവും കൂടുതൽ സിക്സുകൾ എന്ന സംസ്ഥാന റെക്കോർഡാണ് തിരുത്തിയത്. 13 സിക്സുകളും 8 ബൗണ്ടറികളുമടങ്ങുന്ന ഇന്നിങ്‌സിൽ 41 പന്തുകളിൽ നിന്നാണ് രജത് സെഞ്ചുറി നേടിയത്. ടൂർണമെന്റ് ചരിത്രത്തിലാദ്യമായാണ് ഒരു മധ്യപ്രദേശ് കളിക്കാരൻ സെഞ്ചുറി നേടുന്നത്.

എട്ടാം ഓവറിൽ 57/3 എന്ന നിലയിൽ മധ്യപ്രദേശ് പതറുമ്പോൾ ക്രീസിലെത്തിയ താരം കടന്നാക്രമണത്തോടെ എതിർനിരയിലേക്ക് മത്സരം നയിക്കുകയായിരുന്നു. മധ്യനിര ബാറ്റ്സ്മാൻ ശിവാങ് കുമാറും [61] പാട്ടിദാറും ചേർന്ന കൂട്ടുകെട്ട് പിന്നീടുള്ള പത്തോവറുകളിൽ 153 റൺസാണ് കൂട്ടിച്ചേർത്തത്. മറുപടി ബാറ്റിംഗിനിറങ്ങിയ അസം 17.4 ഓവറിൽ 119 റൺസിന് എല്ലാവരും പുറത്തായി. മധ്യപ്രദേശിന് വേണ്ടി കുമാർ കാർത്തികേയ 17 റൺസിന് 3 വിക്കറ്റ് വീഴ്ത്തി. ആവേഷ് ഖാനും രണ്ടുവിക്കറ്റ് പ്രകടനത്തോടെ കാർത്തികേയക്ക് മികച്ച പിന്തുണ നൽകി.

ഐപിഎൽ അടുത്തിരിക്കെ റോയൽ ചാലഞ്ചേഴ്‌സ് ബെംഗളുരുവിന്റെ നായകനായ രജത് പാട്ടിദാറിന്റെ പ്രകടനം ആർസിബിയുടെ പ്രതീക്ഷകൾക്ക് ഭാരം നൽകുന്നു. കഴിഞ്ഞ രണ്ട് സീസണുകളുടെ ജേതാക്കൾ കൂടിയാണ് ആർസിബി. ഇത്തവണയും കിരീടം നിലനിർത്തി ഹാട്രിക് കിരീടം നേടാനാണ് ചാമ്പ്യൻ ടീമിന്റെ ലക്ഷ്യം.

SCROLL FOR NEXT