'ജയിലർ' ആദ്യ ഭാഗത്തിന് ഉപയോഗിച്ച അതേ അച്ചിൽ നെൽസൺ ദിലീപ് കുമാർ വാർത്തെടുക്കാൻ ശ്രമിച്ച സീക്വൽ - അതാണ് 'ജയിലർ 2'. പീക്ക് രജനി മൊമന്റ്സിനൊപ്പം കൃത്യമായി പ്ലേസ് ചെയ്ത കാമിയോ വേഷങ്ങളാണ് 'ജയിലർ' സിനിമയെ ഒരു മാസ് എന്റർടെയ്നറാക്കി മാറ്റിയത്. ഈ ചിത്രത്തിലും മാസ് എലമെന്റുകളുണ്ട്. പ്രേക്ഷകരെ ആവേശത്തിലാക്കുന്ന അനിരുദ്ധിന്റെ 'ഹുകും' ബിജിഎമ്മും ഉണ്ട്. പക്ഷേ, ജയിലറോളം സീക്വൽ എത്തുന്നില്ല. ആദ്യ ഭാഗത്തിന്റെ ഓർമകളിൽ കിടന്ന് തിളയ്ക്കുക മാത്രമാണ് ഈ രജനി-നെൽസൺ ചിത്രം.