പ്രേക്ഷകരിലുള്ള കാർത്തിക് സുബ്ബരാജിന്റെ വിശ്വാസമാണ് 'ഡൊറോത്തി'; 'ഫോബിയ' കൊണ്ടത് തകർക്കരുത്

"സഹിക്കാനും പൊറുക്കാനും ഞാനെന്താ പെണ്ണാണോ? ആണാണ്...ആൺ..പെൺ! എന്ത് കേവലമായ പിറവികളാണ് നമ്മൾ..." കാർത്തിക് സുബ്ബരാജിന്റെ 'ഇരൈവി' എന്ന സിനിമയുടെ ക്ലൈമാക്സിൽ എസ്.ജെ. സൂര്യയുടെ കഥാപാത്രം പറയുന്ന നീണ്ട ഒരു ഡയലോഗിന്റെ ഭാഗമാണിത്. ഈ ആൺ തിമിരിനെപ്പറ്റിയുള്ള സംസാരത്തിന്റെ തുടർച്ചയാണ് കാർത്തിക്കിന്റെ പത്താം പടം, 'ഡൊറോത്തി'. ഇവിടെ സംവിധായകന്റെ ശബ്ദം കുറച്ചു കൂടി ഉച്ചത്തിൽ കേൾക്കാം. മുഖ്യധാര സിനിമയിൽ പലർക്കുമില്ലാത്ത തന്റേടം ആ ശബ്ദത്തിൽ പ്രകടമാണ്. ആൺ ഗർവ് ശ്വസിച്ചു ജീവിക്കുന്ന ഒരാളാണ് നിങ്ങളെങ്കിൽ 'ഡൊറോത്തി' നിങ്ങളെ അസ്വസ്ഥരാക്കും. സ്വത്വം എന്ന വാക്കിൽ വിറളിപിടിക്കുന്നവരാണ് നിങ്ങളെങ്കിൽ ഈ സിനിമ നിങ്ങളെ അലോസരപ്പെടുത്തും. ഈ സിനിമ കാണരുത്, നിരോധിക്കണം എന്ന് സമൂഹമാധ്യമങ്ങളിൽ അലമുറയിടുന്നവർ ഇങ്ങനെ അസ്വസ്ഥരാകുന്ന, അലോസരപ്പെടുന്നവരുടെ പ്രതിനിധികളാണ്. വീഡിയോ കാണാം