ന്യൂസ് ഡെസ്ക്
ഡീസല്‍ എ ക്ലാസ് ശ്രേണി വിപുലീകരിച്ചുകൊണ്ട് പുതിയ G450D മോഡലുമായി എത്തിയിരിക്കുകായാണ് ജര്‍മന്‍ ആഡംബര വാഹന നിര്‍മാതാക്കളായ മെഴ്‌സിഡസ് ബെന്‍സ്.
ആഡംബര ഓഫ്-റോഡ് എസ്‌യുവിയായ എക്ലാസ് ശ്രേണിയിലെ പുതിയ ഡീസല്‍ മോഡലാണ്
മെഴ്‌സിഡസ് എ ക്ലാസിന്റെ ഐതിഹാസികമായ ഓഫ്-റോഡ് പാരമ്പര്യവും ഉയര്‍ന്ന ആഡംബര സൗകര്യങ്ങളും സംയോജിപ്പിച്ചാണ് G450D യുടെ വരവ്
പുതിയ ഇന്‍ലൈന്‍ സിക്‌സ് സിലിണ്ടര്‍ ഡീസല്‍ എഞ്ചിനാണ് ഇതില്‍ ഉപയോഗിച്ചിരിക്കുന്നത്. 5.8 സെക്കന്‍ഡിനുള്ളില്‍ 0-100 കിലോമീറ്റര്‍ വേഗത കൈവരിക്കാന്‍ ശേഷിയുള്ളതാണ് ഇതിന്റെ എഞ്ചിന്‍ പവര്‍.
ഓഫ് റോഡ് സ്വഭാവത്തിന് അനുയോജ്യമായ ബോക്സ് രൂപത്തിലുള്ള ഡിസൈനാണ് എക്ലാസിന്റെ മുഖമുദ്ര. ഇതിനൊപ്പം മികച്ച ആഡംബര സൗകര്യങ്ങളോടുകൂടിയ ഇന്റീരയറും എടുത്തു പറയേണ്ടതാണ്.
ഏറ്റവും പുതിയ സാങ്കേതികവിദ്യകളും മികച്ച നിലവാരമുള്ള മെറ്റീരിയലുകളും ഉപയോഗിച്ചാണ് ഇന്റീരിയര്‍ ഒരുക്കിയിരിക്കുന്നത്.
എ ക്ലാസ് പരമ്പരയുടെ ഏറ്റവും വലിയ പ്രത്യേകത അതിന്റെ ശക്തമായ ഓഫ്-റോഡ് ശേഷിയാണ്. കഠിനമായ ഭൂപ്രദേശങ്ങളിലും മികച്ച പ്രകടനം വാഗ്ദാനം ചെയ്യുന്ന ഫീച്ചറുകളും സാങ്കേതിക വിദ്യയുമാണ് ഉപയോഗിച്ചിരിക്കുന്നത്.
രാജ്യത്തെ ഏറ്റവും വിലയേറിയ ആഡംബര എസ് യുവികളില്‍ ഒന്നാകും G450d. ഏകദേശം 2.90 കോടി രൂപയാണ് ഇതിന്റെ എക്‌സ് ഷോറൂം വില.
ഗംഭീര രൂപവും അതിനൊത്ത ആഡംബരവും മികച്ച എഞ്ചിന്‍ പ്രകടനവും അതുല്യമായ ഓഫ് റോഡ് ശേഷിയുമെല്ലാം ഒത്തിണങ്ങിയ G450d വാഹനപ്രേമികളുടെ ഇഷ്ട മോഡലാകുമെന്നതില്‍ സംശയമില്ല.