ന്യൂസ് ഡെസ്ക്
ആലിയ ഭട്ടിന്റെ കുടുംബത്തോടൊപ്പമുള്ള ക്രിസ്മസ് ആഘോഷ ചിത്രങ്ങൾ ശ്രദ്ധേ നേടുന്നു.
ആലിയ തന്നെയാണ് തന്റെ ഇൻസ്റ്റഗ്രാം പേജിലൂടെ ആഘോഷങ്ങളുട ഹൃദ്യമായ ചിത്രങ്ങൾ പങ്കുവച്ചത്.
ആലിയയുടെ മാതാപിതാക്കളായ മഹേഷ് ഭട്ടും സോണി റസ്ദാനും ഡിസംബർ 24ന് ഒരുക്കിയ ക്രിസ്മസ് വിരുന്നിലാണ് താരങ്ങൾ ഒത്തുകൂടിയത്. രൺബീറിന്റെ അമ്മ നീതു കപൂർ, സഹോദരി റിദ്ധിമ കപൂർ സാഹ്നി, മകൾ സമൈറ എന്നിവരും ആഘോഷത്തിൽ പങ്കുചേർന്നു.
ചിത്രങ്ങളിൽ ആലിയ രൺബീറിനെ ചേർത്തുപിടിച്ചു നിൽക്കുന്നത് കാണാം. കറുത്ത ലതർ ജാക്കറ്റും മീശയുമായി പുതിയ ലുക്കിലാണ് രൺബീർ.
ആലിയയുടെ അരിക് ചേർന്ന് നിൽക്കുന്ന റാഹയുടെ ചിത്രം ആരാധകരുടെ മനം കവരുന്നു. കഴിഞ്ഞ വർഷത്തെ ക്രിസ്മസ് ലഞ്ചിനിടെയായിരുന്നു ആലിയയും രൺബീറും ആദ്യമായി റാഹയുടെ മുഖം ലോകത്തിന് മുന്നിൽ വെളിപ്പെടുത്തിയത്.
റാഹ ഒരു ക്രിസ്മസ് ചിത്രത്തിന് നിറം നൽകുന്നതിന്റെ ദൃശ്യവും ആലിയ പങ്കുവച്ചിട്ടുണ്ട്.
ചുവന്ന വസ്ത്രത്തിൽ അതീവ സുന്ദരിയായാണ് ആലിയ ചിത്രങ്ങളിലുള്ളത്. സഹോദരി ഷഹീൻ ഭട്ടും ചുവന്ന വസ്ത്രമാണ് ധരിച്ചിരുന്നത്.
"സ്നേഹത്തിൽ പൊതിഞ്ഞ ക്രിസ്മസ് 2025" എന്ന അടിക്കുറിപ്പോടെയാണ് ആലിയ ചിത്രങ്ങൾ പോസ്റ്റ് ചെയ്തത്.