ന്യൂസ് ഡെസ്ക്
അജിത് കുമാറിന്റെ റേസിംഗ് ടീമായ 'അജിത് കുമാർ റേസിംഗിന്റെ' പിറ്റിൽ നിന്നുള്ള ചിത്രങ്ങൾ പങ്കുവച്ച് മഞ്ജു വാര്യർ.
ദുബായിൽ നടന്ന റേസിങ് ഇവന്റിനിടെ അജിത്തിനെ സന്ദർശിച്ച മഞ്ജു, അവിടുത്തെ ആവേശകരമായ നിമിഷത്തെപ്പറ്റി സോഷ്യൽ മീഡിയയിൽ കുറിച്ചു.
"തന്റെ മനസിനെ സന്തോഷിപ്പിക്കുന്ന കാര്യങ്ങൾ എങ്ങനെ തേടണമെന്ന് കാണിച്ചുതന്നതിന് നന്ദി എകെ സർ" എന്നാണ് മഞ്ജു സോഷ്യൽ മീഡിയയിൽ കുറിച്ചത്.
അജിത്തിനൊപ്പമുള്ള ബൈക്ക് യാത്രകൾക്ക് ശേഷമാണ് മഞ്ജു വാര്യർ ബൈക്ക് റൈഡിംഗിലും മോട്ടോർ സ്പോർട്സിലും താൽപ്പര്യം കാണിച്ചു തുടങ്ങിയത്.
2023ൽ പുറത്തിറങ്ങിയ 'തുനിവ്' എന്ന ചിത്രത്തിൽ ഇരുവരും ഒന്നിച്ച് അഭിനയിച്ചിരുന്നു.
നിലവിൽ സിനിമയിൽ നിന്ന് ഇടവേള എടുത്ത് പ്രൊഫഷണൽ റേസിംഗിൽ ശ്രദ്ധ കേന്ദ്രീകരിച്ചിരിക്കുകയാണ് അജിത്. നടന്റെ റേസിംഗ് യാത്രയെ ആസ്പദമാക്കി സംവിധായകൻ എ.എൽ. വിജയ് ഒരു ഡോക്യുമെന്ററിയും ഒരുക്കുന്നുണ്ട്.
അടുത്തിടെ ശിവകാർത്തികേയൻ, വെങ്കട്ട് പ്രഭു തുടങ്ങിയ പ്രമുഖരും അജിത്തിന്റെ റേസിംഗ് ടീമിന് പിന്തുണയുമായി എത്തിയിരുന്നു.