ന്യൂസ് ഡെസ്ക്
സംഗീത് രാത്രിയുടെ അതിമനോഹരമായ ചിത്രങ്ങൾ പങ്കുവച്ച് വിജയ് ദേവരകൊണ്ടയും രശ്മിക മന്ദാനയും. ഒരു ഫെയറി ടെയിൽ പോലെ തോന്നിക്കുന്ന ഈ ചിത്രങ്ങൾ സോഷ്യൽ മീഡിയയിൽ വൈറലാവുകയാണ്.
'ജീവിതത്തിലെ ഏറ്റവും സന്തോഷം നിറഞ്ഞ രാത്രി' എന്നാണ് ചിത്രങ്ങൾ പങ്കുവച്ച് രശ്മിക കുറിച്ചത്. ഉദയ്പൂരിലെ ഐടിസി മെമെന്റോസിൽ വച്ചായിരുന്നു ചടങ്ങ്.
'കണ്ണുനിറയുന്നതുവരെ ചിരിച്ചും, കാലുകൾ വേദനിക്കുന്നതുവരെ നൃത്തം ചെയ്തും ചെലവഴിച്ച വൈകുന്നേരം' എന്നാണ് സംഗീത് രാത്രിയെ വിജയ് വിശേഷിപ്പിച്ചത്.
വെള്ളി നിറത്തിലുള്ള തിളങ്ങുന്ന ഘരാരയായിരുന്നു രശ്മികയുടെ വേഷം. പ്രശസ്ത ഡിസൈനർമാരായ ഫാൽഗുനി ഷെയ്ൻ പീക്കോക്ക് ഒരുക്കിയ ഡ്രാഗൺ ഡിസൈനുകളുള്ള വസ്ത്രമാണ് വിജയ് ധരിച്ചത്.
ചിത്രങ്ങളിലെ താരങ്ങളുടെ ലുക്കും പശ്ചാത്തലവും പ്രശസ്തമായ 'ബ്രിഡ്ജർട്ടൺ' സീരീസിനെ അനുസ്മരിപ്പിക്കുന്നതാണെന്നാണ് ആരാധകർ അഭിപ്രായപ്പെടുന്നത്. 'ഇന്ത്യൻ ബ്രിഡ്ജർട്ടൺ വൈബ്"' എന്നാണ് പലരും ഈ ചിത്രങ്ങളെ വിശേഷിപ്പിച്ചത്
വിജയ് രശ്മികയെ വട്ടം കറക്കി നൃത്തം ചെയ്യുന്നതും, രശ്മിക വിജയ്യുടെ സഹോദരൻ ആനന്ദ് ദേവരകൊണ്ടയോടൊപ്പം ചുവടുവയ്കുന്നതും ചിത്രങ്ങളിലുണ്ട്. പരസ്പരം സർപ്രൈസ് നൽകാനായി ഇരുവരും പ്രത്യേക നൃത്ത പ്രകടനങ്ങളും നടത്തിയിരുന്നു.
ഫെബ്രുവരി 26ന് ഉദയ്പൂരിൽ വച്ചായിരുന്നു ഇവരുടെ വിവാഹം. 2018ൽ 'ഗീത ഗോവിന്ദം' എന്ന ചിത്രത്തിലൂടെ തുടങ്ങിയ ഇവരുടെ സൗഹൃദം പിന്നീട് പ്രണയത്തിലേക്കും വിവാഹത്തിലേക്കും എത്തുകയായിരുന്നു.
നാളെ (മാർച്ച് 4) ഹൈദരാബാദിൽ വച്ച് സിനിമാ സുഹൃത്തുക്കൾക്കായി താരങ്ങൾ ഗംഭീരമായ ഒരു റിസപ്ഷൻ ഒരുക്കുന്നുണ്ട്.