ന്യൂസ് ഡെസ്ക്
രാവിലെ വെറും വയറ്റില്‍ കുടിക്കാവുന്ന പാനീയത്തെ കുറിച്ചാണ് പറയുന്നത്
ഇതിന് ആവശ്യമായ സാധനങ്ങള്‍ നെല്ലിക്ക, ഇഞ്ചി, കറിവേപ്പില. ആരോഗ്യത്തിന് നിരവധി ഗുണങ്ങള്‍ നല്‍കുന്ന പാനീയമാണിത്.
നെല്ലിക്കയില്‍ വിറ്റാമിന്‍ സി, ആന്റിഓക്‌സിഡന്റുകള്‍ എന്നിവ അടങ്ങിയിരിക്കുന്നതിനാല്‍ പ്രതിരോധശേഷി വര്‍ധിപ്പിക്കാനും ശരീരത്തിലെ ഫ്രീ റാഡിക്കലുകളെ ചെറുക്കാനും സഹായിക്കും.
ഒപ്പം ദഹനം മെച്ചപ്പെടുത്തി മെറ്റബോളിസം വര്‍ധിപ്പിക്കും. നെല്ലിക്കയും കറിവേപ്പിലയും മുടിയുടെ ആരോഗ്യത്തിനും ചര്‍മത്തിന് തിളക്കവും നല്‍കും.
ദഹനത്തിനും മുടിയുടെ ആരോഗ്യത്തിനും കറിവേപ്പില ഉത്തമമാണ്. കുടലിന്റെ ആരോഗ്യം മെച്ചപ്പെടുത്താനും കറിവേപ്പില നല്ലതാണ്.
കൂടാതെ രക്തത്തിലെ പഞ്ചസാരയുടെ അളവ് നിയന്ത്രിക്കാനും സഹായിക്കുന്നു.
ദഹനപ്രശ്‌നങ്ങള്‍, വയറുവേദന, ഓക്കാനം പോലുള്ള ബുദ്ധിമുട്ടുകള്‍ കുറക്കാന്‍ ഇഞ്ചി സഹായിക്കും.
ശരീരത്തിലെ നീര്‍ക്കെട്ട്. വേദന എന്നിവ കുറക്കാനുള്ള ആന്റി-ഇന്‍ഫ്‌ലമേറ്ററി ഗുണങ്ങളും ഇതില്‍ അടങ്ങിയിട്ടുണ്ട്.
ഒപ്പം മെറ്റബോളിസം വര്‍ധിപ്പിക്കാനും ഇഞ്ചി ഉത്തമമാണ്.
പാനീയം കുടിക്കുന്നതിനു മുമ്പ് ഇക്കാര്യങ്ങള്‍ കൂടി ശ്രദ്ധിക്കൂ: ഇഞ്ചി അമിതമായാല്‍ വയറ്റില്‍ അസ്വസ്ഥതയ്ക്ക് കാരണമാകും. അതിനാല്‍ അളവ് കൂടാതിരിക്കാന്‍ ശ്രദ്ധിക്കുക.
നെല്ലിക്കയുടെ പുളി ചിലരില്‍ അസിഡിറ്റിക്ക് കാരണമാകാം. അതിനാല്‍ അളവ് കുറയ്ക്കുകയോ, ഭക്ഷണം കഴിച്ച ശേഷം കുടിക്കുകയോ ചെയ്യുക.
മൂന്ന് ചേരുവകളും ആരോഗ്യത്തിന് ഉത്തമമാണെങ്കിലും ആരോഗ്യപ്രശ്‌നങ്ങള്‍ ഉള്ളവര്‍ ഡോക്ടറുമായി സംസാരിച്ച ശേഷം മാത്രം ഉപയോഗിക്കുക.