ന്യൂസ് ഡെസ്ക്
ഏഷ്യയിലെ ഏറ്റവും മികച്ച ഗ്രാമീണ വിനോദ സഞ്ചാര കേന്ദ്രങ്ങളിലൊന്നായി തിരഞ്ഞെടുക്കപ്പെട്ട് കേരളത്തിന്റെ സ്വന്തം മൂന്നാര്‍.
ഡിജിറ്റല്‍ ട്രാവല്‍ പ്ലാറ്റ്‌ഫോമായ അഗോഡയുടെ പട്ടികയിലാണ് മൂന്നാറും ഉള്‍പ്പെട്ടത്.
കാമറൂണ്‍ ഹൈലാന്‍ഡ്‌സ് (മലേഷ്യ), ഖാവോ യായ് (തായ്ലന്‍ഡ്), പാന്‍കാക്ക് (ഇന്തോനേഷ്യ), ഫുജികവാഗുചിക്കോ (ജപ്പാന്‍), കെന്റിങ് (തായ്വാന്‍), സപ (വിയറ്റ്‌നാം) എന്നീ സ്ഥലങ്ങള്‍ക്കൊപ്പമാണ് മൂന്നാറും ഇടംപിടിച്ചത്.
വര്‍ഷത്തില്‍ എല്ലാ മാസവും സുഖകരമായ കാലാവസ്ഥയാണ് മൂന്നാറിലേത്. സെപ്റ്റംബറിനും മാര്‍ച്ചിനും ഇടയിലാണ് ഏറ്റവും ബെസ്റ്റ് ക്ലൈമറ്റ്.
ചൂട് കൂടുന്ന ഏപ്രില്‍ മുതല്‍ ജൂണ്‍ വരെയുള്ള മാസങ്ങളും കോടമഞ്ഞും തണുപ്പുമായി മൂന്നാര്‍ സന്ദര്‍ശകരെ ആകര്‍ഷിക്കുന്നു.
മണ്‍സൂര്‍ ശക്തമാകുന്ന ജുലൈ ഓഗസ്റ്റ് മാസങ്ങളില്‍ പച്ചപ്പിനാല്‍ പുതയുമെങ്കിലും ഈ സമയത്ത് സഞ്ചാരികള്‍ക്ക് നിയന്ത്രണമുണ്ട്.
മൂന്നാറില്‍ ഉറപ്പായും പോകേണ്ട സ്ഥലങ്ങള്‍: ഇരവികുളം നാഷണല്‍ പാര്‍ക്ക്, മാട്ടുപ്പെട്ടി ഡാം, ടീപ്ലാന്റേഷന്‍, ടാറ്റ ടീ മ്യൂസിയം
ടോപ് സ്റ്റേഷന്‍, ആട്ടുകല്‍ വെള്ളച്ചാട്ടം... സഞ്ചാരികള്‍ സ്ഥിരമായി എത്തുന്ന സ്ഥലങ്ങള്‍ ഇതൊക്കെയാണെങ്കിലും
പന്ത്രണ്ട് വര്‍ഷത്തിലൊരിക്കല്‍ മാത്രം പൂക്കുന്ന നീലക്കുറഞ്ഞികളും സഞ്ചാരികളെ കാത്ത് മൂന്നാറിലുണ്ട്