ന്യൂസ് ഡെസ്ക്
കാത്തിരുന്ന ഇന്ത്യ-ദക്ഷിണാഫ്രിക്ക ഫൈനലില്‍ മഴ രസംകൊല്ലിയാകുമോ? അങ്ങനെ സംഭവിച്ചാല്‍ അടുത്തത് എന്താകും?
മഴ കുളമാക്കിയാല്‍ ഉണ്ടാകാവുന്ന സാധ്യതകള്‍:
1. മത്സരം താത്കാലികമായി നിര്‍ത്തിവെച്ച് പിന്നീട് തുടങ്ങുക
മഴ വന്നാല്‍, കളി താല്‍ക്കാലികമായി നിര്‍ത്തിവെക്കും.
സമയം നഷ്ടപ്പെടുകയാണെങ്കില്‍, ഓരോ ടീമിന്റെയും ഓവറുകള്‍ കുറയ്ക്കാന്‍ അമ്പയര്‍മാര്‍ക്ക് തീരുമാനിക്കാം.
പരമാവധി ശ്രമിച്ചിട്ടും മത്സരം പൂര്‍ത്തിയാക്കാന്‍ സാധിക്കുന്നില്ലെങ്കില്‍, റിസര്‍വ് ദിനത്തിലേക്ക് കളി നീട്ടും.
2. റിസര്‍വ് ദിനം
നവംബര്‍ 3 നാണ് ഫൈനലിന്റെ റിസര്‍വ് ദിനം
മത്സരം എവിടെ നിര്‍ത്തിയോ അവിടെ നിന്ന് റിസര്‍വ് ദിനത്തില്‍ തുടരും
റിസര്‍വ് ദിനം ഒരു പുതിയ മത്സരമായിരിക്കില്ല, മറിച്ച് ഇന്നത്തെ മത്സരത്തിന്റെ തുടര്‍ച്ചയായിരിക്കും.
3. ഫലം നിര്‍ണ്ണയിക്കാന്‍ വേണ്ട കുറഞ്ഞ ഓവറുകള്‍
മഴ കാരണം ഓവറുകള്‍ കുറയ്ക്കുകയാണെങ്കില്‍, ഡക്ക്വര്‍ത്ത്-ലൂയിസ്-സ്റ്റേണ്‍ നിയമം അനുസിച്ച് ഇരു ടീമുകളും കുറഞ്ഞത് 20 ഓവറെങ്കിലും ബാറ്റ് ചെയ്തിരിക്കണം.
20 ഓവറുകള്‍ പോലും പൂര്‍ത്തിയാക്കാന്‍ സാധിക്കാതായാല്‍ കളി റിസര്‍വ് ദിനത്തിലേക്ക് പോകും.
4. കിരീടം പങ്കിടല്‍
റിസര്‍വ് ദിനത്തിലും മഴ കാരണം 20 ഓവറെങ്കിലും കളിക്കാന്‍ പറ്റാതായാല്‍ ഫലം നിര്‍ണയിക്കാന്‍ കഴിയാതെ വരും
അങ്ങനെ വന്നാല്‍, ഇരു ടീമുകളേയും ജേതാക്കളായി പ്രഖ്യാപിക്കുക മാത്രമാണ് വഴി
ട്രോഫി ഇന്ത്യയും ദക്ഷിണാഫ്രിക്കയും ചേര്‍ന്ന് പങ്കിടേണ്ടി വരും