ന്യൂസ് ഡെസ്ക്
ഉറങ്ങുമ്പോള്‍ മെറ്റബോളിസം നിരക്ക് മന്ദഗതിയിലാണ്. വൈകിയെത്തുന്ന ഭക്ഷണം ദഹനപ്രക്രിയയുടെ താളം തെറ്റിക്കും. വയറു വീര്‍ക്കല്‍, അസ്വസ്ഥത, അമിതമായ ആസിഡ് ഉല്‍പാദനം എന്നിവയ്ക്ക് കാരണമാകും.
ഉറക്കത്തിൽ ആമാശയത്തെയും അന്നനാളത്തെയും വിഭജിക്കുന്ന ലോവര്‍ ഈസോഫേഷ്യല്‍ സ്ഫിങ്ക്റ്റര്‍ പ്രവർത്തനം കുറച്ച് ആമാശയത്തിലെ ആസിഡ് അന്നനാളത്തിലേക്ക് തിരികെ ഒഴുകാന്‍ അനുവദിക്കും. ആ സമയം ഭക്ഷണം എത്തിയാൽ അത് ആസിഡ് റിഫ്ളക്സിന് കാരണമാകും.
രാത്രിയില്‍ ശരീരം ആസിഡിനെ നിര്‍വീര്യമാക്കാനോ ആഗിരണം ചെയ്യാനോ ഉള്ള സാധ്യത കുറവാണ്. അതിനാല്‍, ആസിഡ് വീണ്ടും അന്നനാളത്തിലേക്ക് തിരികെ പോകുകയും നെഞ്ചെരിച്ചില്‍ പോലുള്ള പ്രശ്നങ്ങളുണ്ടാക്കും.
പ്രധാനമായും മെറ്റബോളിസം കുറയുമ്പോഴാണ് ശരീരഭാരം കൂടുന്നത്. രാത്രി വൈകി കഴിക്കുന്ന ഭക്ഷണങ്ങൾ ഇനി ജങ്ക് ഫുഡ് പോലുളളവയാണെങ്കിൽ അത് കൂടുതൽ പ്രശ്നമാണ്. ശരീരഭാരം കുറയ്ക്കാൻ ശ്രമിക്കുന്നവർ രാത്രി ഭക്ഷണം പരമാവധി നേരത്തേ കഴിക്കുക.
രാത്രി വൈകി ഭക്ഷണം ശരീരത്തെ വിശ്രമിക്കുന്നതിൽ നിന്ന് വിലക്കുന്നതിനാൽ അത് ശരിയായ ഉറക്കത്തിനും തടസമാകും.
പരമാവധി ലളിതമായ ഭക്ഷണം അത്താഴത്തിന് തെരഞ്ഞെടുക്കുക. ദഹിക്കാൻ എളുപ്പമുള്ളതും ഉറക്കത്തിന് സഹായിക്കുന്നതുമായ ഭക്ഷണങ്ങൾ കഴിക്കുക.