ന്യൂസ് ഡെസ്ക്
വിസ്മയ മോഹന്‍ലാല്‍ ആദ്യമായി നായികയാകുന്ന ചിത്രത്തിന് കൊച്ചിയിൽ തുടക്കമായി.
'തുടക്കം' എന്ന് പേരിട്ട സിനിമയുടെ സ്വിച്ച് ഓൺ കർമം സുചിത്ര മോഹൻലാൽ നിർവഹിച്ചു. പ്രണവ് ആണ് ആദ്യ ക്ലാപ്പ് അടിച്ചത്.
ചിത്രത്തിന്റെ സംവിധായകൻ ജൂഡ് ആന്തണി ജോസഫ് മോഹൻലാലിന് സിനിമയുടെ തിരക്കഥ കൈമാറി.
സിനിമയിൽ തിളങ്ങുക എന്നത് എളുപ്പമുള്ള കാര്യമല്ല എന്നും അഭിനയത്തിൽ കഴിവ് തെളിയിക്കാൻ വിസ്മയ്ക്ക് ആകട്ടെ എന്നും മോഹൻലാൽ ആശംസിച്ചു.
സിനിമയിൽ ഒരു പ്രധാന വേഷത്തിൽ ആന്റണി പെരുമ്പാവൂരിന്റെ മകൻ ആശിഷ് ജോഷിയും എത്തുന്നു
സിനിമയിൽ അഭിനയിക്കുക എന്ന മകളുടെ ആഗ്രഹത്തിന് ഒപ്പം നിൽക്കുകയായിരുന്നു എന്ന് സുചിത്ര മോഹൻലാൽ
ജോമോൻ ടി. ജോൺ ആണ് ഛായാഗ്രഹണം. ജെയ്‌ക്സ് ബിജോയ്‌ ആണ് സംഗീതം.
'തുടക്ക'ത്തിന്റെ ചിത്രീകരണം ഉടൻ ആരംഭിക്കും.