അണ്ടർ 19 വനിതാ ടി20 ലോകകപ്പിൽ ഇന്ത്യ ഫൈനലിൽ കടന്നു. നിർണായകമായ സെമി ഫൈനലിൽ ഇംഗ്ലണ്ടിൻ്റെ കൗമാര പെൺപടയെ 9 വിക്കറ്റിന് തകർത്താണ് ഇന്ത്യയുടെ നീല കുപ്പായക്കാർ കലാശപ്പോരിലേക്ക് മാർച്ച് ചെയ്തത്.

തമിഴ്‌നാട്ടുകാരിയായ ജി.കമാലിനിയുടെ അർധസെഞ്ചുറിയുടെ കരുത്തിലാണ് ഇന്ത്യ ഇംഗ്ലീഷ് പട ഉയർത്തിയ 114 റൺസിൻ്റെ വിജയലക്ഷ്യം മറികടന്നത്. സ്കോർ, ഇംഗ്ലണ്ട് 113/8 (20), ഇന്ത്യ 117/1 (15).

ഇംഗ്ലണ്ടിൻ്റെ ഡേവിന പെറിനാണ് (40 പന്തിൽ 45) ഇംഗ്ലണ്ടിൻ്റെ ടോപ് സ്കോറർ. മൂന്ന് വീതം വിക്കറ്റെടുത്ത പരുണിക സിസോദിയയും വൈഷ്ണവി ശർമയും മൂന്ന് വീതവും ആയുഷി ശുക്ല രണ്ടും വിക്കറ്റെടുത്തു. ഞായറാഴ്ചത്തെ ഫൈനലിൽ ഇന്ത്യ കരുത്തരായ ദക്ഷിണാഫ്രിക്കയെ നേരിടും.

ALSO READ: അണ്ടർ 19 വനിതാ ടി20 ലോകകപ്പ്: ക്വാലാലംപൂരിൽ ലങ്കാ ദഹനം, ഇന്ത്യൻ പെൺപുലികൾ സൂപ്പർ സിക്സിൽ