ആലപ്പുഴ: കേരളം കണ്ടതിൽ വച്ച് ഏറ്റവും വലിയ വാശിയും സമ്പത്തും ഇറക്കിയുള്ള മത്സരമാണ് തെരഞ്ഞെടുപ്പിൽ നടക്കുന്നതെന്ന് വെള്ളാപ്പള്ളി നടേശൻ. പിണറായി വിജയൻ മുഖ്യമന്ത്രി ആവണമെന്നാണ് വ്യക്തിപരമായ അഭിപ്രായമെന്നും വെള്ളാപ്പള്ളി പറഞ്ഞു.
കോൺഗ്രസിൽ മൂന്നു നാല് പേർ മുഖ്യമന്ത്രിയാവാൻ കാത്തിരിക്കുന്നു. ജനിക്കാൻ പോകുന്ന കൊച്ചിന് ഇപ്പോഴേ പേരിടേണ്ട കാര്യമില്ലെന്നും, എംഎൽഎ വിജയിച്ച എല്ലാവർക്കും മുഖ്യമന്ത്രി ആവാൻ യോഗ്യതയുണ്ടെന്നും വെള്ളാപ്പള്ളി ചൂണ്ടിക്കാട്ടി.
ആലപ്പുഴ മണ്ഡലത്തിൽ പി.പി. ചിത്തരഞ്ജൻ അതിഗംഭീര വിജയം കൈവരിക്കും. മുൻ വർഷത്തെക്കാൾ വോട്ട് ശതമാനം എൻഡിഎ നേടും. അക്കൗണ്ട് ഓപ്പൺ ചെയ്യുമോ എന്ന് തനിക്ക് അറിയില്ല. നിലവിലെ രാഷ്ട്രീയ സാഹചര്യത്തെക്കുറിച്ച് ഒന്നും പറയാനും സാധിക്കില്ല. പെട്ടി പൊട്ടിച്ചശേഷം കൂടുതൽ കാര്യങ്ങൾ പറയുന്നതാവും നല്ലത് എന്നും വെള്ളാപ്പള്ളി നടേശൻ പറഞ്ഞു.