'കക്ഷി അമ്മിണിപ്പിള്ള' എന്ന ചിത്രത്തിന് ശേഷം ആസിഫ് അലിയെ നായകനാക്കി, ദിന്ജിത്ത് അയ്യത്താന് സംവിധാനം ചെയ്യുന്ന 'കിഷ്കിന്ധാ കാണ്ഡ'ത്തിന്റെ ട്രെയ്ലര് റിലീസ് ചെയ്തു. ചിത്രം ഓണം റിലീസായി സെപ്റ്റംബര് 12ന് തിയറ്ററുകളിലെത്തും. ബാഹുല് രമേഷ് കഥ, തിരക്കഥ, സംഭാഷണം, ഛായാഗ്രഹണം എന്നിവ നിര്വഹിക്കുന്ന ചിത്രത്തില് അപര്ണ്ണ ബാലമുരളിയാണ് നായിക. വിജയരാഘവന്, ജഗദീഷ്, അശോകന്, നിഷാന്, വൈഷ്ണവി രാജ്, മേജര് രവി, നിഴല്കള് രവി, ഷെബിന് ബെന്സണ്, കോട്ടയം രമേഷ്, ബിലാസ് ചന്ദ്രഹാസന്, മാസ്റ്റര് ആരവ്, ജിബിന് ഗോപിനാഥ് തുടങ്ങിയവരാണ് മറ്റ് താരങ്ങള്.
ഗുഡ്വിൽ എന്റെര്റ്റൈന്മെന്റ്സിന്റെ ബാനറില് ജോബി ജോര്ജ് ആണ് ചിത്രം നിര്മിച്ചിരിക്കുന്നത്. ചിത്രത്തില് 'സുമദത്തന്' എന്ന കഥാപാത്രമായ് ജഗദീഷും 'ശിവദാസന്' എന്ന കഥാപാത്രമായ് അശോകനും വേഷമിടുന്ന ചിത്രത്തില് ഫോറസ്റ്റ് ഡിപ്പാര്ട്ട്മെന്റിലെ ഒരു ഉയര്ന്ന ഉദ്യോഗസ്ഥനായ 'സുധീര്'നെയാണ് 'ഋതു' ഫെയിം നിഷാന് അവതരിപ്പിക്കുന്നത്.
തമിഴ് നടന് നിഴല്കള് രവി ശക്തമായൊരു കഥാപാത്രത്തെ ചിത്രത്തില് അവതരിപ്പിക്കുന്നു. 'അമൃത് ലാല്' എന്നാണ് നിഴല്കള് രവിയുടെ കഥാപാത്രത്തിന്റെ പേര്. ചിത്രസംയോജനം: സൂരജ് ഇ എസ്, സംഗീതം: മുജീബ് മജീദ്, വിതരണം: എന്റെര്റ്റൈന്മെന്റ്സ്, ചീഫ് അസോസിയേറ്റ് ഡയറക്ടര്: ബോബി സത്യശീലന്, കലാസംവിധാനം: സജീഷ് താമരശ്ശേരി, വസ്ത്രാലങ്കാരം: സമീറ സനീഷ്, മേക്കപ്പ്: റഷീദ് അഹമ്മദ്, പ്രോജക്റ്റ് ഡിസൈന്: കാക്ക സ്റ്റോറീസ്, പ്രൊഡക്ഷന് കണ്ട്രോളര്: രാജേഷ് മേനോന്, സൗണ്ട് മിക്സ്: വിഷ്ണു സുജാതന്, ഓഡിയോഗ്രഫി: രെന്ജു രാജ് മാത്യു, ഡിജിറ്റല് മാര്ക്കറ്റിംഗ്: പ്രവീണ് പൂക്കാടന്, അരുണ് പൂക്കാടന് (1000 ആരോസ്), പിആര്ഒ: ആതിര ദില്ജിത്ത്.