നിവിൻ പോളി നായകനായെത്തുന്ന ഏറ്റവും പുതിയ ചിത്രം ബേബി ഗേളിൻ്റെ ട്രെയ്ലർ പുറത്തുവിട്ട് നിവിൻ പോളി. 'ഓരോ കഥയുടേയും ആരംഭം ഒരു നോക്കിൽ നിന്ന്, ഓരോ സ്വപ്നവും തുടങ്ങുന്നത് ഒരു തീപ്പൊരിയിൽ നിന്ന്, ഞങ്ങളുടെ ലോകത്തേക്ക് കടന്നു വരൂ, എന്താണ് അടുത്തതെന്ന് അനുഭവിച്ചറിയൂ എന്ന ക്യാപ്ഷനോടെയാണ് ട്രെയ്ലർ പങ്കുവെച്ചിരിക്കുന്നത്.
നിവിൻ പോളി ഹോസ്പിറ്റൽ അറ്റൻഡറായെത്തുന്ന ചിത്രത്തിലെ ഉദ്വേഗജനകമായ രംഗങ്ങളാണ് ട്രെയ്ലറിലുൾപ്പെടുത്തിയിരിക്കുന്നത്. ചിത്രം ഒരു സസ്പെൻസ് ത്രില്ലർ ഴോണറിൽ ഒരുക്കിയിരിക്കുന്ന ചിത്രമാണെന്നും ട്രെയ്ലർ സൂചന തരുന്നു. തിരുവനന്തപുരം നഗരത്തിൻ്റെ വിവിധ ഭാഗങ്ങളിലായി ചിത്രീകരിച്ചിരിക്കുന്ന ചിത്രത്തിൽ ലിജോമോൾ ജോസും, സംഗീത് പ്രതാപും പ്രധാന കഥാപാത്രങ്ങളായെത്തുന്നു.
സൂപ്പർഹിറ്റായ സർവംമായയ്ക്ക് പിന്നാലെ അടുത്ത ഹിറ്റാകുമെന്ന സൂചന നൽകുന്നതാണ് ബേബി ഗേളിൻ്റെയും ട്രെയ്ലർ.ബോബി സഞ്ജയ്യുടെ തിരക്കഥയിൽ അരുൺ വർമ്മ സംവിധാനം ചെയ്യുന്ന ചിത്രം മാജിക് ഫ്രെയിംസിൻ്റെ ബാനറിൽ ലിസ്റ്റിൻ സ്റ്റീഫനാണ് നിർമിക്കുന്നത്.
ജനിച്ച് 4 ദിവസം മാത്രം പ്രായമുള്ള കുഞ്ഞും ചിത്രത്തിലെ പ്രധാന കഥാപാത്രമായെത്തുന്നുണ്ട്. റിയൽ ലൈഫ് സ്റ്റോറികളുടെ കോംബോയായാണ് ചിത്രം പ്രേക്ഷകർക്ക് മുന്നിലേക്കെത്തുന്നത്. ജനുവരി 23 ന് വേൾഡ് വൈഡ് റിലീസ് ആയി എത്തുന്ന ചിത്രത്തിൻ്റെ ഫസ്റ്റ് ലുക്ക് മോഷൻ പോസ്റ്റർ കഴിഞ്ഞ ദിവസം പുറത്തിറങ്ങിയിരുന്നു.
അഭിമന്യു തിലകൻ, അസീസ് നെടുമങ്ങാട്, അശ്വന്ത് ലാൽ, ജാഫർ ഇടുക്കി, മേജർ രവി, പ്രേം പ്രകാശ്, നന്ദു, കിച്ചു ടെല്ലസ്, ശ്രീജിത്ത് രവി, ജോസുകുട്ടി, അതിഥി രവി, ആൽഫി പഞ്ഞിക്കാരൻ, മൈഥിലി നായർ തുടങ്ങിയവരും ചിത്രത്തിൽ പ്രധാന വേഷങ്ങളിലെത്തുന്നു
തമിഴിലെ ഹിറ്റ് സംഗീത സംവിധായകൻ സാം സി.എസ് ആണ് ചിത്രത്തിന്റെ സംഗീതം. ഛായാഗ്രഹണം നിർവഹിക്കുന്നത് ഫയസ് സിദ്ദിഖ് ആണ്. എഡിറ്റിങ് ഷൈജിത്ത് കുമാരൻ നിർവഹിക്കുന്നു. കോ-പ്രൊഡ്യൂസർ: ജസ്റ്റിൻ സ്റ്റീഫൻ. എക്സിക്യൂട്ടീവ് പ്രൊഡ്യൂസർ: സന്തോഷ് കൃഷ്ണൻ, നവീൻ. പി. തോമസ്. ലൈൻ പ്രൊഡ്യൂസർ: അഖിൽ യശോധരൻ. കലാസംവിധാനം: അനീസ് നാടോടി. കോസ്റ്റ്യൂം: മെൽവി. ജെ. മേക്കപ്പ്: റഷീദ് അഹമ്മദ്. സ്റ്റണ്ട്: വിക്കി. സൗണ്ട് മിക്സ്: ഫസൽ എ ബെക്കർ. സൗണ്ട് ഡിസൈൻ: സിങ്ക് സിനിമ. സൗണ്ട് റെക്കോർഡിസ്റ്റ്: ഗായത്രി എസ്. ചീഫ് അസോഷ്യേറ്റ് ഡയറക്ടർ: സുകു ദാമോദർ, നവനീത് ശ്രീധർ. അഡ്മിനിസ്ട്രേഷൻ ആന്റ് ഡിസ്ട്രിബ്യൂഷൻ ഹെഡ്: ബബിൻ ബാബു. പ്രൊഡക്ഷൻ കൺട്രോളർ: പ്രശാന്ത് നാരായണൻ. കാസ്റ്റിങ് ഡയറക്ടർ: ബിനോയ് നമ്പാല. പിആർഒ: മഞ്ജു ഗോപിനാഥ്. സ്റ്റിൽസ്: പ്രേംലാൽ പട്ടാഴി. ടൈറ്റിൽ ഡിസൈൻ: ഷുഗർ കാൻഡി. പബ്ലിസിറ്റി ഡിസൈൻ: യെല്ലോ ടൂത്ത്സ്. മാർക്കറ്റിങ്- ആഷിഫ് അലി, സൗത്ത് ഫ്രെയിംസ് എന്റർടൈൻമെന്റ്. അഡ്വർടൈസിങ് കൺസൾട്ടന്റ് - ബ്രിങ്ഫോർത്ത്.
