ഫാലിമി എന്ന ബേസില് ജോസഫ് ചിത്രത്തിലൂടെ ശ്രദ്ധേയനായ സംവിധായകനാണ് നിതീഷ് സഹദേവ്. നിതീഷ് തന്റെ അടുത്ത സിനിമ പ്രഖ്യാപിച്ചു. മമ്മൂട്ടിയാണ് ചിത്രത്തില് നായകനാവുന്നത്. തിരുവനന്തപുരം സ്ലാങ്കിലുള്ള ഒരു ഗ്യാങ്സ്റ്റര് ചിത്രമായിരിക്കും ഇതെന്നാണ് സൂചന. മമ്മൂട്ടി കമ്പനിയാണ് ചിത്രത്തിന്റെ നിര്മാണം. നിതീഷ് തന്നെയാണ് ഇക്കാര്യം സമൂഹമാധ്യമത്തിലൂടെ അറിയിച്ചത്. 'നെക്സ്റ്റ് പടം വിത്ത് മമ്മൂക്ക' എന്നാണ് നിതീഷ് ചിത്രം പങ്കുവെച്ച് കുറിച്ചത്. നിതീഷും അനുരാജ് ഒബിയുമാണ് ചിത്രത്തിന്റെ തിരക്കഥ രചിച്ചിരിക്കുന്നത്.
അതേസമയം ഡൊമിനിക് ആന്ഡ് ദി ലേഡീസ് പേഴ്സാണ് മമ്മൂട്ടിയുടെ അവസാനമായി തിയേറ്ററിലെത്തിയ ചിത്രം. ഗൗതം വാസുദേവ് മേനോന് ആദ്യമായി സംവിധാനം ചെയ്ത മലയാള ചിത്രമായിരുന്നു ഇത്. മമ്മൂട്ടി ഒരു ഡിറ്റക്റ്റീവ് കഥാപാത്രമായി എത്തിയ ചിത്രം ഡോക്ടര് സൂരജ് രാജന്, ഡോക്ടര് നീരജ് രാജന് എന്നിവര് ചേര്ന്നാണ് രചിച്ചിരിക്കുന്നത്.
മമ്മൂട്ടി കഥാപാത്രത്തിന്റെ സഹായി ആയെത്തുന്ന ഗോകുല് സുരേഷാണ്.
ഛായാഗ്രഹണം- വിഷ്ണു ആര് ദേവ്, സംഗീതം- ദര്ബുക ശിവ, എഡിറ്റിംഗ്- ആന്റണി, സംഘട്ടനം- സുപ്രീം സുന്ദര്, കലൈ കിങ്സണ്, എക്സികുട്ടീവ് പ്രൊഡ്യൂസര് -ജോര്ജ് സെബാസ്റ്റ്യന്, കോ- ഡയറക്ടര്- പ്രീതി ശ്രീവിജയന്, ലൈന് പ്രൊഡ്യൂസര്-സുനില് സിങ്, സൗണ്ട് മിക്സിങ്- തപസ് നായക്, സൗണ്ട് ഡിസൈന്- കിഷന് മോഹന്, ചീഫ് അസ്സോസിയേറ്റ് ഡയറക്ടര്- അരിഷ് അസ്ലം, മേക് അപ്- ജോര്ജ് സെബാസ്റ്റ്യന്, റഷീദ് അഹമ്മദ്, വസ്ത്രാലങ്കാരം- സമീര സനീഷ്, അഭിജിത്, പ്രൊഡക്ഷന് ഡിസൈനര്- ഷാജി നടുവില്, പ്രൊഡക്ഷന് കണ്ട്രോളര്- അരോമ മോഹന്, സ്റ്റില്സ്- അജിത് കുമാര്, പബ്ലിസിറ്റി ഡിസൈന്- എസ്തെറ്റിക് കുഞ്ഞമ്മ, ഡിസ്ട്രിബൂഷന്- വേഫേറര് ഫിലിംസ്, ഓവര്സീസ് ഡിസ്ട്രിബൂഷന് പാര്ട്ണര്- ട്രൂത് ഗ്ലോബല് ഫിലിംസ്. ഡിജിറ്റല് മാര്ക്കറ്റിംഗ് - വിഷ്ണു സുഗതന്, പിആര്ഒ- ശബരി.