കൊച്ചി: വിനോദ-മാധ്യമ മേഖലയിൽ മികച്ച പ്രവർത്തനങ്ങൾ കാഴ്ചവച്ചതിന് പ്രമുഖ മീഡിയ സ്ട്രാറ്റജിസ്റ്റും പിആർ കൺസൾട്ടന്റുമായ പ്രതീഷ് ശേഖറിന് ഇൻഡിവുഡ് എക്സലൻസ് അവാർഡ് 2026 ലഭിച്ചു. മാധ്യമ അവാർഡ് സെക്ഷനിൽ സിനിമാ മേഖലയിൽ നിന്നുള്ള ഏക അവാർഡ് പ്രതീഷ് ശേഖറിനാണ് ലഭിച്ചത്. "Excellence in Entertainment Media Strategy” വിഭാഗത്തിലാണ് ബഹുമതിക്ക് അർഹനായത്.
മലയാള സിനിമാ മേഖലയിലെയും മറ്റ് ഇതര ഭാഷാ ചിത്രങ്ങളുടെയും കേരളത്തിലെ പിആർ ആൻഡ് മാർക്കറ്റിംഗ് രംഗത്ത് നേതൃതം നൽകുന്ന പ്രതീഷ് ശ്രദ്ധേയമായ മാധ്യമസ്ഥാപങ്ങളിലെ ജോലികൾ ചെയ്ത ശേഷമാണ് സിനിമാ പിആർ രംഗത്തേക്ക് എത്തുന്നത്. നിരവധി ശ്രദ്ധേയ ചിത്രങ്ങളുടെ പ്രചാരണ പ്രവർത്തനങ്ങൾക്കും മീഡിയ സ്ട്രാറ്റജികൾക്കും നേതൃത്വം നൽകിയിട്ടുള്ള പ്രതീഷ് ശേഖർ, സിനിമാ വ്യവസായത്തിലും മാധ്യമ രംഗത്തും വിശ്വസ്ത സാന്നിധ്യമായാണ് അറിയപ്പെടുന്നത്. സിനിമകളുടെ റിലീസ് ക്യാംപയ്നുകൾ, ഡിജിറ്റൽ മാർക്കറ്റിംഗ്, മീഡിയ മാനേജ്മെന്റ്, ബ്രാൻഡ് കമ്മ്യൂണിക്കേഷൻ തുടങ്ങി വിവിധ മേഖലകളിൽ നടത്തിയ പ്രവർത്തനങ്ങളാണ് അദ്ദേഹത്തെ ഈ നേട്ടത്തിലേക്ക് എത്തിച്ചത്.
അവാർഡ് സ്വീകരിച്ച ശേഷം പ്രതികരിച്ച പ്രതീഷ് ശേഖർ, ഈ അംഗീകാരം തന്റെ കരിയറിലെ ഏറ്റവും വിലമതിക്കാനാവാത്ത നേട്ടങ്ങളിലൊന്നാണെന്നും, സിനിമാ മേഖലയിലെ സഹപ്രവർത്തകരുടെയും മാധ്യമ സുഹൃത്തുക്കളുടെയും നിരന്തര പിന്തുണയാണ് ഈ വിജയത്തിന് പിന്നിലെ ശക്തിയെന്നും പറഞ്ഞു. “എന്റെ പ്രവർത്തനങ്ങളിൽ വിശ്വാസം അർപ്പിക്കുകയും തുടർച്ചയായി പിന്തുണ നൽകുകയും ചെയ്ത സിനിമാ മേഖലയിലെ സുഹൃത്തുക്കൾക്കും മാധ്യമ പ്രവർത്തകർക്കും സഹപ്രവർത്തകർക്കും ഹൃദയം നിറഞ്ഞ നന്ദി. ഈ അംഗീകാരം കൂടുതൽ മികച്ച പ്രവർത്തനങ്ങൾക്ക് പ്രചോദനമാകുന്നു,” എന്ന് പ്രതീഷ് കൂട്ടിച്ചേർത്തു.
സൂര്യയുടെ കറുപ്പ് എന്ന ബ്ലോക്ക്ബസ്റ്റർ ചിത്രമാണ് പ്രതീഷിന്റേതായി ഇപ്പോൾ തിയേറ്ററിൽ പ്രദർശിപ്പിക്കുന്ന ചിത്രം. മലയാളത്തിലെ ഏല്ലാ പ്രമുഖ താരങ്ങളുടെയും സൗത്തിന്ത്യൻ പ്രമുഖ താരങ്ങളുടെയും ചിത്രങ്ങൾക്ക് പിആർഓ ജോലി ചെയ്യുന്ന പ്രതീഷ് ശേഖർ എസ്.എസ്. രാജമൗലിയുടെയും തമിഴ്നാട് മുഖ്യമന്ത്രി വിജയുടെയും സിനിമകളുടെ പിആർഓ ആണ്.